اسم القصيده : يخادم اسم الشاعر : #عمار_هليل_الواسطي اسم الرادود : #محمد_الجنامي المناسبة : ليالي إستشهاد النبي ١٤٤٣ الهجري المكان : هيئة سيد الأوصياء | العراق - واسط 🏴🏴🏴🏴🏴🏴🏴🏴🏴🏴 يالخادم همّتك ... لا تترك خدمتك تدخلهه جنتك ... بحسينك ■□■□■□■□■□■□ إخدم وارفع الراس للعشگه إحساس يالتخدم حسين هنيالك تعبك كله محسوب للساكن گلوب وافي ضوه العين بفعالك لتهم للينقدوك لا لا يهموك إحرص على الزين أمثالك يدري بكلشي مولاك صدّگني ويّاك والأُجره ضعفين يبرالك شد حيلك يالشهم واتحزّم بالعزم يتحقق كل حلم بحسينك ■□■□■□■□■□■□ يامن تخدم حسين تضمنهه دارين وحسينك الروح والغايه تبچي بمجلسه دموع تلطم عالضلوع والمرقده تروح مشايه شايل رايه متطيح ترفعهه وتصيح للنحره مذبوح هالرايه حبك فطره وإحساس للعشگه نوماس وبگلبك جروح وفايه كل خيرك مصدره امن الظامي ومنبره مضمونه الآخره بحسينك ■□■□■□■□■□■□ أيامك لياليك غيره ووفه بيك عالخدمه ظليت متواصل عندك أغله مقياس للغيره عباس وبحبه ناديت يبو فاضل كل السمعه والجاه بالخدمه تلگاه لو مهما ضحيت يستاهل عندك مبدأ يكون عوف اليبغضون وبمبدأك ريت لتجامل من يومك للحشر بالخدمه تنتصر يالتخدم والذخر بحسينك ■□■□■□■□■□■□ سعيك والله مقبول يسوه التعب گول خيرك تره هواي گدامك بيتك موكبك صار لحسينك إختار والنيه والراي إيمامك وبإخلاصك إرضي بالخدمه وافي گله يمولاي خَدّامك من ابدفتره يصير اسمك فلا تحير تزكيهن بهاي أيامك بالخدمه هالربح ثق صدرك ينشرح واطباعك تنصلح بحسينك ■□■□■□■□■□■□ خادم وانته سلطان والهيبه عنوان بالآخره تشوف عنوانك غاد الباري يرعاك والجنه مأواك من يرجح بخير ميزانك يتلگاك الحسين كل خدمتك دين ما ينسه معروف إيمانك تسمع يا هلا بيك كلهه تحييك تتقدم اصفوف إخوانك والجنه للخَدَم متأكد إي نعم أقسملك والقسم بحسينك 🏴🏴🏴🏴🏴🏴🏴🏴🏴

اسم القصيدة : ياخدامي اسم الرادود : #محمد_الجنامي اسم الشاعر :#عمار_هليل_الواسطي المناسبة : استشهاد النبي صلى الله عليه وآله 1443 المكان : واسط/هيئة سيد الاوصياء 🏴🏴🏴🏴🏴🏴🏴 ياخدامي وگرة عيني اوفيكم هاليوم بديني شكرا الكم ماناسيني ................... كل محرم وصفر دوم افكر بيكم مانسيتوا مصيبتي وآنه ماناسيكم بعد عندي الكم خبر والخبر يعنيكم شكر من حيدر علي والدي يحيكم يشفع لليبقى يواسيني يحضر لليحضر تأبيني شكرا الكم ماناسيني ................... كل دمعكم ينحفظ وسط گلبي امچانه والتجازيكم بعد امي الحزنانه اليعقتد خل يطمئن دام گال السانه اعتقاده بدفتري بدفتري عنوانه اسمع كل صوت ايحاچيني للراد بدمعه يرويني شكرا الكم ماناسيني ................... كل لطمكم عالصدور شايفه گدامي بي تواسون بحزن ضلوع صدري الدامي واللطم زنجيل امس يعيش ضيم الآمي واليوزع ماي اكيد يدري بيه ظامي مشكور الراد ايعزيني بالمحشر حاضر يلگيني شكرا الكم ماناسيني .................. ابقى من عدكم قريب كل محب والآمه حتى من حيدر يصيح لو طبر بالقامه تحضر انصاري بعد والأمر وأحكامه بيد ابن ظاهر حبيب ايداوي جرح الهامه ياخذ اضعاف الينطيني اجر الخدمه بينه وبيني شكرا الكم ماناسيني ............... شكرا بگد الحزن والمصاب الدايم انه منطيكم عهد ملك يبقى الخادم هاي لمتكم ردت والقدير العالم تصير لوحان الأمر فزعه ويه القائم من يظهر صوته يناديني من يهتف ياثار حسيني شكرا الكم ماناسبني 🏴🏴🏴🏴🏴🏴🏴