#چیکار_بکته_زینب_ره_برار_ته_جا
#شام_غریبان
#امام_حسین_دلگویه_مازنی
🌹🏴🌹🏴🌹🏴🌹🏴
مره چیکاربکته ای، برار تِه جا جدابَیمه
خدادونّه حسین جان من خواخربی وفا نَیمه
اگه تقدیر من اینه که دیگه بی برار باشم
جانِ برار دعا هاکن که بی تِه زنـّه نواشم
بدون ته مگه روزگارسربونه
داغ دوریِ ته موسه شَربونه
ته هم مه عزیزِدل بی،وهم مه نازنین برار
ته مارنداشتی ومن هم ته خواخربِیمه هم تِه مار
ازمدینه تاکربلاحسین ته غصه خوار بِیمه
نَدومّـه که تِوسّه خواخرِبَدیاکه خار بِیمه
خوامه ته گَلیِ جا لاله بچینم
دیگه نخوامه فردا روزه بَوینم
چنه ته اُستخون سینه وکَش وپَلی خورده
هرچی که نیزه دَیـّه کربلاته تن فرو بُورده
برارِ نازنینی داشتمه هاکردنه پرپر
حسین جان کاش که کور بِیبوم تا تِره ندیبوم بی سر
ته بوردی خولی و حرمله بمونه
دنیبی بَوینی که مره بزونه
🌹🏴🌹🏴🌹🏴🌹🏴
#علی_اکبر_اسفندیار_مداح
🔰 به کانال اخبار #لفور بپيونديد 👇👇
@akhbarelafoor
👆 با ما همراه باشید
#برار_بوین_خواخر_ره_سر_پیری
#امام_حسین_دلگویه_مازنی
🌹🏴🌹🏴🌹🏴🌹🏴
برار بَوین خواخر ره سرِ پیری
درنّـه ورنـّه کوفه اسیری
ته که بُوردی خواخر آواره بَـیّه
از غم و داغ ته بیچاره بَـیّه
اسیری شومه و دیار به دیار
مره حلال هاکن خدا نگهدار
الهی هیچ خواخر غریب کنار
اینجوری نَویـنه داغ شه برار
درشومه اسیری دل تسّه تنگه
برار برار دیگه مه دلِ وَنگه
مه دل تنگو دِتاچش وارنه وارش
دم و ساعت مره از نیزه هارش
کاروان درشونه برار دَنیّـه
عَلَم دره و علمدار دَنیّـه
من و ته اینجوری سفر نشیمی
بدون عباس و اکبر نشیمی
غریب بی کفی ای جان برار
گمونم که بِمو بوی جان مار
اگه بپرسیه از حال زینب
ونسّـه بعو از اقبال زینب
جانِ مار ره بعو که سر پیری
ته زینب ره بَوردنه اسیری
بعو که دنیبی شام غریبون
مه خواخر تَتِـه دنبال یتیمون
جان مار ره بعو که بی بهونه
جای تسلیت تِه زینبِ زونه
خداحافظ برار مه دل کبابه
وعدۀ من و ته باشه خرابه
داداش«مداح» دل خَله بسوته
چه جانسوزانه از گودال بهوته
🌹🏴🌹🏴🌹🏴🌹🏴
#علی_اکبر_اسفندیار_مداح
🔰 به کانال اخبار #لفور بپيونديد 👇👇
@akhbarelafoor
👆 با ما همراه باشید
#دختران_امام_حسین_صفورا_طهورا
#حضرت_زینب_شام_غریبان
#امام_حسین_دلگویه_مازنی
🏴🥀🏴🥀🏴🥀🏴🥀
بِرو مِه جان خواخر اُم کلثوم
اَمِــه دِتــا بِــرار زا بَهیــنه گــوم
بِرو خواخر که صحرا ره بَگِردیم
تمــام کــرب وبــلا ره بگــردیـم
الهــی عمـــه قـــروون «صَفورا»
کِـجـه دری مـه بـرار زا «طَهورا»
عمـه بَمـردون کِـجه دِمّــدانـی؟
زِنّــه هَسّنـی یـا کـه جان هِـدانی
الهــی عمــه بَــوّه شِمـه قِــروون
بَگِــردم مـن کِجه ی این بیابون
من ازصبح تا نماشون داغ بَدیمه
شِه بـرار ره تَـش بَیته بــاغ بَدیمه
دیگـه مِــه تَـن وپِــه رمــق نــدارنـه
کتـــاب عمــر مـــن ورق نــــارنــه
بِــرارِ چِـش وارسّــه مثـل وارش
مِــره چَنّـه حسین کِرده سفارش
حسین گِته خواخرجان مِه دِترون
نـــه صحــرا بَــدینـه و نــه بیــابـون
جان تِه جانِ مِه وَچون خواخرجان
مبـــادا بَـــوینــن خــــار مُغیـــلان
مِــه وَچــون درد جــدایی نَــدینـه
بغیــر از مِهــــر بــابــایـی نَــدینــه
بَــویـن خــواخـر مِــره چیکار بَکِته
بِــرو کــه دیگه تِــه زینـب هِـکتـه
مِـه بِــرار زاعــون اینـجه دِمّــدانِـه
بَمیــرم هــر دِتــا دل بــاد هِدانـه
دِتـایی جان هِـدانه بال به گِردن
از این غم دیگه وِنـه که بَمــردن
شِــمه چُــو بَخِــرده تـــنِ بِــــلاره
شِـمه وِسّـه مِه دل بَهووه پاره
شِـمه داغ اَی مِه دلّه داغ بَزوعه
مِـه تـوتیـا تَن ره شــلاق بَــزوعــه
یتیمـون حسین من شِمه قروون
شما مِه نورعین من شمه قروون
رقیـــه ی جـــوابــه چــی بَهـــووم
سکینه ی جــوابـه چــی بَهــووم
نَهییه شما ره عــروس هــاکِنـم
شِـمه دشمـنونـه عَبوس هاکِنم
خواسّمه شِـمه سر ره گل بپاشِم
نَهــییه شِــمه عـــروسـی دِواشـــم
مِــره حــلال هـاکِن جـانِ«صَفورا»
مِـره ببخش بـرار زا جان«طَهورا»
مِه تیر بَخِرده دل اَی تیر بَخِرده
دیگـه شِــمه عمـه زینـب بَمــرده
شِـمه درد وشِمه غم هَسّـه جـانکاه
شِـمه وِسّـه چـه زار بَزوعه«مداح»
🏴🥀🏴🥀🏴🥀🏴🥀
#علی_اکبر_اسفندیار_مداح
🔰 به کانال اخبار #لفور بپيونديد 👇👇
@akhbarelafoor
👆 با ما همراه باشید
#برار_امشو_چه_انه_بی_قراری
#شب_عاشورا
#امام_حسین_دلگویه_مازنی
🌹🏴🌹🏴🌹🏴🌹🏴
برار اَمشو چه اَنّه بی قراری؟
آسمونِّه اِشنی بِرمه واری
برارجان ته که مِه دلّه بَوردی
ته خواخربَمیره که بُغض هاکردی
مه دل بَیته برار،ته غم مه سینه
حسین جان بِرو دَگِردیم مدینه
برار ته چَنّه مظلوم و غریبی
تِوسّه بَمیرم که غم نصیبی
ته که دارنی علی اکبروعباس
برار دیگه غریبی نکن احساس
برارجان ناله نکن ناله وَسّه
مگه فردا روزِ جدایی هَسّه؟
برارجان من خوامه با ته دواشم
بدون ته نخوامه زنّه باشم
اگه قراره بَوّم ته عزادار
دعا هاکن بَمیرم جان برار
بدون ته مه روزگار سیاهه
ته قبر سردیگه مه جان پناهه
بجان ته حسین جان من شه دومّه
بدون تـه دیگه زنّـه نَمومّـه
بَخون«مداح»بَخون حسین غریبه
خدا دونّه که زینب غم نصیبه
🌹🏴🌹🏴🌹🏴🌹🏴
#علی_اکبر_اسفندیار_مداح
🔰 به کانال اخبار #لفور بپيونديد 👇👇
@akhbarelafoor
👆 با ما همراه باشید