#بدیمه_سر_زمین_کربلا_ره
#حضرت_زینب_دلگویه_مازنی
🏴🥀🏴🥀🏴🥀🏴🥀
بَدیمه سرزمین کربلا ره
مصیبت و غم و درد و بِلاره
بَدیمه کربلا ره غم وارسّه
دَم بدَم وارش ماتم وارسّه
بَدیمه شه حسین ره دَره خونّـه
اِنـا لِله اِلَیهِ الــرّاجـعونّـه
بَدیمه دَسِ گلچین ستمگر
هرچی گل داشتمه هاکرده پرپر
بَدیمه شمر ره چَنّه کینه داشته
مِه پِرِ جا کینه شِه سینه داشته
بِرار ره بَدیمه تَشنا و خَسّه
زمین وآسمونّه دود وینِسّه
بَدیمه شه برا ره دَس و پا زو
دیگه از کار بَکِته وِنِه بازو
بَدیمه که حسین ره او نِدانه
وِه با خشک گَلی نفس نفس زو
عطش وِنِه تِک و پِـه ره بَدوتِه
خدا دونّـه مِه دل چَنّه بَسوته
بَدیمه تَش بَهیته باغ احساس
دیگه از علقمه نَگرسّه عباس
حسین ره داغ اکبر داغ بَزوعه
تیر بخردن اصغر داغ بَزوعه
دیگه شمرهرچی داشته روهاکرده
وِه مِه بِرار ره پُشتِ رو هاکرده
بَدیمه بی رَمَق برار ره تَنّه
نانجیب خنجرِ جا دَره زَنّه
دوازده ضربه آه الله اکـبر
جدا بَیّه برار ره تنِ جا سر
نَهووِم دیگه شمر هاکرده چیکار
اَنّه بَوِّم که داد دَر بِمو مِه مار
نَزِن ای نانجیب حسین غریبه
وِنِه دل پرِ درد و غم نَصیبه
نزن ای نانجیب وه مار ندارنه
غریبی دَکِتِه و یـار ندارنه
برارِ بی رمق خواخِر تِه قِروون
مِه قرآنِ ورق خواخر تِه قِروون
برار نَیّه تره یاری هاکنم
دَم آخر تِه ور کاری هاکنم
تِه غریبی ره«مداح»جار بَزوعِه
تِـه مظلومی ی وسه زار بَزوعِه
🏴🥀🏴🥀🏴🥀🏴🥀
#علی_اکبر_اسفندیار_مداح
🔰 به کانال اخبار #لفور بپيونديد 👇👇
@akhbarelafoor
👆 با ما همراه باشید
#خدایا_بی_برار_بیین_چه_سخته
#حضرت_زینب_دلگویه_مازنی
🌹🏴🌹🏴🌹🏴🌹🏴
خدایا بی برار بَیین چه سخته
مه وسّه بی حسین دَیین چه سخته
مه دلتنگی دیگه ندارنه چاره
از دوریِ حسین دل بَیّـه پاره
غریبی ره کِجه کردمه احساس
همیشه مه دور وبَر دَیّه عباس
یادش بخیرمه قاسم جان واصغر
فدای عمه جان بَوُتِـنِ اکبر
یتیمونِ پَرستاری چه سخته
چنین روزی بِرار ناری چه سخته
بداد من بَرس ای جان خدا
مه بِرار زاعون باباخوانه مِه جا
خدا من بی حسین سفر نَشیمه
من بی بِرار شه خِنِه دَر نَشیمه
چِتی دلتنگی ره نکنم احساس
خدایا چنّه سخته داغ عباس
خدا دُونّه چه حالی داشته زینب
چه شُکوه وجَلالی داشته زینب
اِسا که خوب مِه دِلّه بَزونه داغ
تسلیت گِنِنه مِره بـا شـلاق
دَم بدَم کِردنه مِه دِلّه کباب
مِره بَوردِنه مجلس شراب
خدایا از کِجه بنالِ زینب؟
دیگه بشکسّه پَر وبالِ زینب
اَمان ازشام اَمان ازاُون خرابه
مِه دل از غم رقیه کبابه
چی بَوّم از بَمِردن رقیه
مه دَسِ جا بَوِردِن رقیه
اَنّه بِرمه ی سر هِق هِق هاکرده
پِرِه سَر ره بَدیه دِق هاکرده
مه تنها دِلخشی عَمّه تِه قِروون
شب وروز دَردکَشی عَمّه تِه قِروون
برارزا جان باخس خَسّه تَنِ دُور
بَمیرم که خرابه بَیّـه تِه گُور
تِه گَلی مَشت بُغض وسینه پُرآه
مِن و تِه غَمّه بِنالسّه «مداح»
🌹🏴🌹🏴🌹🏴🌹🏴
#علی_اکبر_اسفندیار_مداح
🔰 به کانال اخبار #لفور بپيونديد 👇👇
@akhbarelafoor
👆 با ما همراه باشید
#مره_چیکار_بکته_سر_پیری
#حضرت_زینب_دلگویه_مازنی
🌹🏴🌹🏴🌹🏴🌹🏴
مره چیکار بَکِته سَر پیری
حسین جان مِره وَرِنّه اَسیری
من وتِه سرگذشت چه بِرمه داره
بَمیرم که تِه سر نیزه سواره
حسین حسین گِمه تاکوفه تاشام
دعا هاکن که مه عمر بَوِّه تمام
من و ته همسفر خَله جا بِیمی
برارجان اینجوری سفر نَشیمی
ته نیزه ی بالا مَنبَر هِنیشتی
تِه چه اُونجه مِه تاج سر هِنیشتی؟
تِه سرِ جا خواخرِ کَشه هَسّه
برارجان درد دوری مره وَسّه
تره تا اِشمه چِشّه چه وَنّی؟
جان برار مره شرمنده کِنّی
مِره هارش تا که جرأت بَهیرم
سر پیری ته جا قُوَّت بَهیرم
حسین اَتاخواهش دارمه تِه جامن
مِره که زَنِـنِه شه چِش ره دَون
مِره که زَنِـنِه کَفِمه تَشویش
خجالت کَشمه تِه وَچون پیش
نَدومه که ره بَوّم دل غَـمّه
برار زاعون فِــدا بَـــوّه عَـمّه
رقیه ره بَزونه دَیّـه مِـرده
مِره که زونه عباس بِـرمه کرده
مه دل اگر چه مثل کوه درده
غصه نَخِر حسین زینب نَمرده
تِه یتیمون دور گِردمـه بِـرار
من که وِشونِسّه نـدارمه قرار
دنیا با من حسین نامـهربونه
مِه همسفر برارجان ساربونه
تِه دوری سخته و دل بُونه پاره
بَخون قرآن که تِه تِکِ بِـلاره
قرآن بَخون همــسفر مـدینه
تِـه صدای جا آروم بَوِّه سـینه
ته نیزه ی بـالا مـه هارش هارش
مِه بُغضِ گَلی و مِـه چِشِ وارش
اَما «مداح» ره سوز دل هدامی
اَمه جا دارنه این شیرین کلامی
🌹🏴🌹🏴🌹🏴🌹🏴
#علی_اکبر_اسفندیار_مداح
🔰 به کانال اخبار #لفور بپيونديد 👇👇
@akhbarelafoor
👆 با ما همراه باشید
#مره_چیکار_بکته_سر_پیری
#حضرت_زینب_دلگویه_مازنی
🌹🏴🌹🏴🌹🏴🌹🏴
مره چیکار بَکِته سَر پیری
حسین جان مِره وَرِنّه اَسیری
من وتِه سرگذشت چه بِرمه داره
بَمیرم که تِه سر نیزه سواره
حسین حسین گِمه تاکوفه تاشام
دعا هاکن که مه عمر بَوِّه تمام
من و ته همسفر خَله جا بِیمی
برارجان اینجوری سفر نَشیمی
ته نیزه ی بالا مَنبَر هِنیشتی
تِه چه اُونجه مِه تاج سر هِنیشتی؟
تِه سرِ جا خواخرِ کَشه هَسّه
برارجان درد دوری مره وَسّه
تره تا اِشمه چِشّه چه وَنّی؟
جان برار مره شرمنده کِنّی
مِره هارش تا که جرأت بَهیرم
سر پیری ته جا قُوَّت بَهیرم
حسین اَتاخواهش دارمه تِه جامن
مِره که زَنِـنِه شه چِش ره دَون
مِره که زَنِـنِه کَفِمه تَشویش
خجالت کَشمه تِه وَچون پیش
نَدومه که ره بَوّم دل غَـمّه
برار زاعون فِــدا بَـــوّه عَـمّه
رقیه ره بَزونه دَیّـه مِـرده
مِره که زونه عباس بِـرمه کرده
مه دل اگر چه مثل کوه درده
غصه نَخِر حسین زینب نَمرده
تِه یتیمون دور گِردمـه بِـرار
من که وِشونِسّه نـدارمه قرار
دنیا با من حسین نامـهربونه
مِه همسفر برارجان ساربونه
تِه دوری سخته و دل بُونه پاره
بَخون قرآن که تِه تِکِ بِـلاره
قرآن بَخون همــسفر مـدینه
تِـه صدای جا آروم بَوِّه سـینه
ته نیزه ی بـالا مـه هارش هارش
مِه بُغضِ گَلی و مِـه چِشِ وارش
اَما «مداح» ره سوز دل هدامی
اَمه جا دارنه این شیرین کلامی
🌹🏴🌹🏴🌹🏴🌹🏴
#علی_اکبر_اسفندیار_مداح
🔰 به کانال اخبار #لفور بپيونديد 👇👇
@akhbarelafoor
👆 با ما همراه باشید