🍉 #شِمِه_چِله_شو_مِوارِکا 🍉
😄 شمه تِک مَشتِ خنده
🥸 شمه کَشه پِر از مِربونی
اِنار آ سِ و کوماج و پِشتِ زیک
کِنِس آ پیس کِنده، لیمو و ولیک
شِمه سِفره یِ دور آ وَر، همه جَم
پِئی بوره شمه اون ، کینه و غَم
دِرازِ چِله یِ شو، گوم نَوونه
قَدیمِ گَپ و صووت ، توم نَوونه
پئیز تا وَلگِ شَندون ، بَیّه بورده
زِمِسّون وَرفِ نشون بَیّه، بورده
وِ بورده تا ، گَت و خورده، بِیاره
سوز آ سِرمایِ چِلّه ره ، دِکاره
گَتِ چِلّه شه وِسه، داشته بِرار
خوردِ چِلّه پِرزا هَسه وِنه یار
دِتایی داشتِنه، شه وِسه قِرار
وِرییه سوز و سِرما، دیم و دِیار
کِله تَش خواسه ،تَن و په، نَرم بَوه
زِمِسّونِ سردی ، رَت آ رَم بَوّه
تَب آ تو داشته دورِِ هم نشینی
چه تیم دا، تیمِ تالِ مِهربونی
بَخوندین همه تایی، قِشنگ و شیک
خِشی بیره ، گَت و خنه ي چِلیک
نَزنین گِس همدیگه ره، نَدین وَر
دِلی ره نِشکندین ، نَدین شه جا پَر
گَت آ پیئر و ماره ، هاکنین یاد
خِدا نَکِرد وِشون ره ، نییارین داد
تِکِ خَنده آ خِشی ره، ور هایرین
خونِشِ طالِبا ره ، از سَر هایرین
بَخوندین انده غم ، لینگِ لو بَوه
شِمه یَلدایِ چِش ، لس لّس خو بَوه،
✍#خانلری_المشیری*مدد*
#پیشاپیش_چله_شو_مبارک_بوئه
🔰 به کانال اخبار #لفور بپيونديد 👇👇
@akhbarelafoor
👆 با ما همراه باشید
4_5909122503845876656.mp3
2.25M
🎼 آهنگ #شب_یلدا 🍉🍉
🎤 با صدای میرکا محمدی
#شمه_چله_شو_موارکا
🔰 به کانال اخبار #لفور بپيونديد 👇👇
@akhbarelafoor
👆 با ما همراه باشید