✳️ شعر محلی مازندرانی برای لپوری های عزیز : #لپور_تن_خَسّوهه #کاهنه_جمه_پاروهه اون قدیما دورادور، دیو سفید لپور اِسّارون کوه تک ، رستم بزوهه تور اسکندر مقدونی ، اِسّا بهیه زندونی کرسنگ پتاس بیه ، چریکهای لپوری ونداد هرمز دیه ، عرب ترمز دیه لپور سامون هدا ، ضد تجاوز دیه لپور تن خسوهه کاهنه جمه پاروهه اون دمال تر مازیار ،عاشق کوه و دیار پشتبونه لپوری ، ایرانسه افتخار ای بی وفا کوهیار ،برو ته وه شه برار شاه بمرده غریبی، یک هفته بالای دار ظلم و ستم بسیار ، بهیه به این دیار شکوه لپور بورده، بکوشتنه مازیار عرب دکتنه دله ، تَش هِدانه سلسله زَر بورده هزارهزار، دکوشتنه تشکله وبا دکته راسی، سر هشتنه درسی لپور رنگ زرد بیه ،هر کجه که پرسی لپور تن خسوهه کاهنه جمه پاروهه سال بورده بسیار بمو، هرکی شه دیار بمو جم بهینه دوباره ، خونش مار مار بمو کاسپی و گالشی، بیه چنه دل خشی لپور ای جان بمو ، نداشتنه ناخشی بخت دگرسه اقبال ، شیر بهیته گور یال سد بزونه دئوتک ، مردم بهینه دمال لپور تن خسوهه کاهنه جمه پاروهه پنجشنبه ای جموعه ،لپور سد حوموهه مردم باغ کنار ، تهرانیه هیموهه پیر زنا کنه فرار ، ماشین در انه قطار کیجاونه بی حیا ، چارقد هدانه کنار ملک اغوز بچیه ، تلاره تش دچیه بابلی دِنه شِوَنگ ، گالش کَلّی نیه هاکردنه تش کله ، ولیک و کنس گله لپور سیو تیکا ، مجنه آشغال دله نیسون دارنه چو زنه،سوردار و کهلو زنه مامور جنگلبانی ، شه خده به خو زنه کامیون هم چو بزو ، جنگل جارو بزو مه برار چو خرین ، هتل با ویو بزو لپور تن خسوهه کاهنه جمه پاروهه ✍ شاعر : آقای علی فرهادزاده #شعرمازندرانی #شعر_لپور_تن_خَسّوهه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید