📝 شعر مازندرانی "نزنین مازرون دار" نَزِنین مازرونِ دار ر نَوِرین موزیا مِرس آ اِزّار ر نورین مَمرِز آ اَنجلی آ سور آ کرات مشتلقچی بهار ر نورین هرچی داشته بزونه بَوِردِنه اَمِه اسبِ هیمه بار نورین پَلوِر آ پردی ا چو کَل، خِنه ر امه گِل گویی دیفار ر نورین تش ندین داشتی نداشتی بَکشیمی امه پیت چو تلار ر نورین هلی آ لرگ ا کنس آ فک دار هاچین م پِرا مار ر نورین دشت اگر کنار ناره خی کفنه وِنه چو کَل آ کنار ر نورین بَورین خِشکا لِ بُوردّ بورین امه اغوز آ اِنّار ر نورین م نِنا ش دوشِِِ جا هیمه کرده ونه هیمه خَرِه مار ر نورین ونه دشت چندتا لیفا خواسه مگه؟ دشت گوشه چو اِجار ر نورین کرگ کِلی سه چارتا کرگ آ چیندکا چیندکای کرچ مار ر نورین م ننا چندتا وچه گت هاکرده گهره آ کرچال کار ر نورین کو مازرون کردنه اسب چَک آ پ ونه دسّه اسب اوسار ر نورین سفره دار بیه چه مهمون اِمونه ونه سفره ی ناهار ر نورین ونه دِلخِشی ونه وچون بینه وچون ایل آ توار نورین مازرون دار ا درخت نمونسه ونه بابِل آ تلار نورین شما ر به هر چی که قبول دارین اون قدیمی یادگار ر نورین خدا ر خِش نِنه سختی روزگار مَردِم دار آ ندار نورین ورف شو هیمه جا تش کردمی خِشی ی فصل بهار ر نورین ✍ شاعر: #نامدارعموزاده_آرائی "نامی" 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید