✳️ بیوگرافی شعبان نادری رجه متخلص به کوهیار سوادکوهی : 🔰 شعبان نادری رجه متولد سال 1350 شمسی، ساکن پل سفید، شهرستان سوادکوه، دارای مدرک تحصیلی کارشناسی ادبیات فارسی و دبیرادبیات مدارس شهرستان سوادکوه هستند. شعرهای وی در کاست های استاد ابواحسن خوشرو و محمود شریفی و دیگر خوانندگان مازندرانی مورد استفاده قرار گرفته است. 📝 شعر : مَله مه مله بلندِ حِصار نداشته  هیچ کسی پاپِلی جا کار نداشته  اِماجه هر روز دل دَکِش نکردنه گل رِ لو نیتنه نَخِش نکردنه هئیِ گپِ جا ایمون داشتمی  اِفتاب رِ شه سرپیش مهمون داشتمی  هیچ کس رَفِق رِ دکلاب ندائه رفیقِ دسِّ به طناب ندائه دیگه شه دل رِ سنگِ چین هاکردمی  اِفتاب رِ دلِ جا بریم هاکردمی دیگه دل رِ بندِ کلی بهیته  لمبیک دَکِته تن رِ دی بهیته اسا حیاط به حیاط سیم بزوئه بلوک جا شیشه بریم بزوئه امه یاد بورده اتّا ریشه بیمی همه اتّا او په‌ی وچه بیمی ته یاد بورده پیته کَلوش رِ کردی یا که اون لَش بزه روپوش رِ کردی  کَسِر دومبی فقیرِ وَر هنیشیم   یا پیت کته لمه‌ی سر هنیشیم نِلِمبی تن فقیرِ تن رِ بنده  پیرن، چارویدارِ پیرَن رِ بنده تش هایته موزی دار رِ او نزمبی شه دس رِ مشک و عطرِ رو نزمبی اینتی بیمی که برار رِ نشمبی در سوزنه افرا‌ دار رِ نشمبی انه روزی اِفتاب رِ راه ندِمبی تیر بخرده شوکا رِ جا ندمبی شو دکته آدم رِ سو ندِمبی اتا «روح پاپلی» رِ او ندِمبی ملیجه‌ی دسِّ نون رِ گیرمبی تیکای ملک و سامون رِ گیرمبی انده مزّیر که خو کوتن بهینه یک شو لوتکی وطن بهینه عُمِر بورده عاشِقِ گل نهیمی عاشِقِ خوندِشِ بلبل نهیمی اتا عمرِ دل به اندون هدامی دل رِ دسی دسی زندون هدامی ندامی دل رِ کوتر کوه بوره ماه چارده شوی پادو بوره گِلِ ونوشه‌ی گِر رِ نِشامی عشقِ امیر و گوهر رِ نِشامی دیگه مه مله بالِ ماس دنیه   اتّا آدِمِ رُک و راس دنیه هئیی ئه ریه رِ هره کشمبی بیستا بیستا داز و دره کَشمبی  اتّا دارا صدتا فقیر درنّه صد تا به نونِ شو اسیر درنه درنه وچونی وِشنا خِسّنه بی‌بالش، بی سرین، بی‌لا خِسّنه ندائه مال که فخر و فیس هاکِنی جمع هاکِنی و دس رِ میس هاکنی مال هدائه اَتی رِ تیم هِشِندی   اَتی رِ سفره‌ی یتیم هِشِندی دَس هدائه فقیرِ دس رِ بیری تا مظلوم حقوق رِ پس بهیری زنده اون نیه تَشِ سو بکوشه گِل رِ لو بیره، بک و بو بکوشه چه وِنه کوتر رِ کپّل بَزِنیم؟  هئی رِ تهمتِ باطل بزنیم چه وِنه چلچلا رِ هیش هاکِنیم؟  پاپِلی بمو در رِ پیش هاکنیم بِلیم شوکا زلالِ او بخره بوره ممرز کشه تو بخره   بِلیم تیکا خِر و خشی هاکنه هرجا خوانه شه کوچ کَشی هاکنه بلیم بلبل شه سه سِرنا بزنه  بوره ویشه به ویشه پا بَزِنه تا دَرِمبی او رِ تیلِن نکنیم  بدی به سبزه و هِمن نکنیم سر آخِر یک وجه کفن ورمبی  اتّا میس خاک، سرین بِن وَرِمبی  امه جا اتّا اسم و نوم موندنه  اتّا مزار بی‌نشون موندنه #شعبان_نادری_رجه #کوهیارسوادکوهی #شعرمحلی_مازندرانی #شعرمَلِه 🔰 به کانال اخبار #لفور بپیوندید 👇👇 @akhbarelafoor 👆 با ما همراه باشید