#بنال_ای_دل_که_از_غم_مفتلامه #امام_حسن_عسکری_مازنی 🏴😭🏴😭🏴😭🏴😭 بنال ای دل که ازغم مفتلامه عــزادار امــام سـامـرامـه بنال ای دل کـه اَمه جان آقا عزا بَهیته از داغ شِه بابا بنال ای دل بنالم با ته زار زار که صاحب الزمان بَیّه عزادار وِنـه دلِ جا غم بَیّـه صمیمی هِنیشته وِنه سر خاک یتیمی امام عسکری بسان لاله پرپر بَهییه مهدی زَنّـه ناله بنال ای دل بنال تا دم بَهیرم شِه امام زمانِ غم بَمیرم امام عسکری تا بَیّه خاموش مهدی فاطمه بَیّه سیاه پوش آقا جان تسلیت آجَرک الله از این غم تعزیت آجرک الله ته گردنِ شال عزای قروون تِه ناله زَنّـی تِه صدای قروون جان آقا تِره چه سر نوشته دست قضا تِه ور غم بَنوشته پنج سالگی داغ بابا ره بَدی بی وفاییِ این دنیا ره بدی یتیمی درد بی درمون تِه ناله تِه غریبی هزارو اَندی ساله اَجل تا تِه جان پِر ره بَورده تِه زخم غریبی سر باز هاکرده هزارو اَندی سال پُر دردی آقا بَمیرم که بیابون گردی آقا کِجه بابای ور عزا بَهیتی کجه ناله ی واویلا بَهیتی تِه چِش پَلی بابا دس پا زو یقین دارمه شِه مهدی ره صدا زو تِـه زِنّـی سر ته باباجان هداعه آقا «مداح» ته وِسّه جان فداعه 🏴😭🏴😭🏴😭🏴😭 #علی_اکبر_اسفندیار_مداح کانال اشعارآیینی فارسی،مازندرانی درتمام مناسبتهاوختم خوانی👇 @aliakbar_esfandiar_madah