#در_فراق_خواهر #دلگویه_از_زبان_خواهر_مازنی 🏴😭🏴😭🏴😭🏴😭🏴 خواخرِ دلخِشی وِنـه خواخره خواخرِ دلسوزی همه جـا پره نَتّـونّـه شه خواخر ره زار بَوینه بـه درد و غصه گـرفتـار بَـوینه اَمون از روزی که خواخر بَمیره وِنه خـواخر چِتی آروم بَهیـره اونم اون خواخری کـه مهربونه خـواخر مهربون خواخر جـونه صدتا رفِـق خوب خواخر نبونه خـواخر خوب برکتِ خانمـونه غـم جان خواخر درمون ندارنه وِنـه خواخر دیگه اَمون ندارنه مـه سینـه پُـرِ درده پُـرِ درده دیگه مِـه نازنین خواخر بَمرده مه دل تنگومه دل تنگومه دل تنگ خـواخِر خواخِر بَهییه مِه دلِ وَنگ «مداح»خواخر بَمِرد دنیـا نخوانه وِه دیگـه عمـرِ تـا فـردا نخـوانه 🏴😭🏴😭🏴😭🏴😭🏴 شعر:علی اکبراسفندیار«مداح» کانال اشعارآیینی درتمام مناسبتهاو ختم خوانی درتلگرام و ایتا👇 @aliakbar_esfandiar_madah