#دلگویه_مازنی_شهید_شیرودی #شهید_شهادت 🥀🇮🇷🥀🇮🇷🥀🇮🇷🥀🇮🇷 نِیِستُون در نِیِستُون ناله دارمه شه دل داغ هزاران لاله دارمه مه دل خون ومه دل خون ومه دل خون دواره بَیــمه دلتـنگ شهــیدون یادش بخیر اروند, شلمچه, کارون چَنّه دس و پا کَته اون بیابون بورم بَگِردم و سنگر به سنگر اونجه که شهیدون بَهینه پرپر کِنِسّه بَهووم شه دلِ درده قصه ی دلتنگیِ اَتـــا مَرده مره یاد بموعه اکبر شیرودی مه نازنین گل پرپر شیرودی فراموش نکمّه بازی درازه ته قتلگاه ته آخرین پروازه تِه ره آسمون بــالا بَـــزونــه بمیرم ته ره بی هوا بَزونه چی بَهووم من از روز جدایی غریبونه بیابون جان هدایی مه دل تِه وِسّه کِنّه بی قراری تــا قــیامت تِــه اَمــه افتخاری تِه عکسه بَزومه شِه قابِ سینه اکبرجان ته وِسّه بی تابِ سینه خدا دونّه که مه دل تِسّه تنگه شب و روز اکبراکبر دلِ وَنگه بهار که بی تِه بِک و بو ندارنه مه اَبر چِش که دیگه او ندارنه به حقِ زینب وحسین بی سر همنشین هَسّی با علیِّ اکبر به حقِ فاطمه عنایت هاکن «مداح»ره قیامت شفاعت هاکن 🥀🇮🇷🥀🇮🇷🥀🇮🇷🥀🇮🇷 شعر:علی اکبراسفندیار«مداح» 👇کانال اشعارمذهبی ودلگویه👇 @aliakbar_esfandiar_madah