.: أشبعي شوف من عبدالله هالليلة ولوليله اشكثر تردين لوليله دللول الولد يبني دللول ................ لو در ما بگه ابصدرج ترضعينه حلي اكماطه بطلي و لا تگمطينه خل يلعب بديه و يثني رجلينه و كل ما ظل يناغيلج تناغيله دللول الولد يبني دللول ............،، ابحضنج خل ينام و حللي اهدومه هاي آخر منامه و ما بعد نومه باجر تكمل الست اشهر ابيومه وبعد اكبر ملابس لا تفصليله دللول الولد يبني دللول  .......... صفني أعله الولد و اتذكري اطباعة لو شفتي ابركبته يزهر اشعاعة حبّي وشمي نحره و شبعي بوداعه باجر ماكو ماي ايبرّد اغليله دللول الولد يبني دللول ............ باجر ما يرد من النهر عمه ابدال الماي رايح يرتوي ابدمه وهوه ابحضن ابيه وحرمله يفطمه وبهاذ السهم يطفن قناديله دللول الولد يبني دللول  ............... گلب الام اثاري محسّب و يدري وتلولي و تكله يا غصن عمري ليش ايلالي نحرك يا بعد نحري گلّت يلولد من امك الحيله دللول الولد يبني دللول ............. اشمالك مضطرب يا وردة اغصانك و ريحانك ذبل يوليدي ريحانك وعلي نظرتك و تلوج بلسانك وبعد مابیک یبنی حیلک اتشیله دللول الولد يبني دللول ................. بلچي اتناملك ساعة يلمدلل و ريجك لو نمت يلولد يتبلل شتأمل ييمه و كاعده أتأمل آنه امك ييمه و عندك ادخيله دللول الولد يبني دللول  ✍🏻 عزيز الفيصلي #شعبی #اليلة_العاشرة 🔰 الموضوع #العشرة_الاولى_شهرمحرم_الحرام 💠 المحاضرات الإسلامیة https://eitaa.com/almohazarat

اشوفك يبني بصفنات الغروب لو چلچل ظلام اللیل عالبیت واظل بکل کتر یولیدی اشوفك ییمه اهنا گمت و اهناک گعدیت و انز نزات من یتدگدگ الباب واگوم ابساع حسبالی انته ردیت و من اسمع اولاد السلف یحچون یرن صوتک بذانی یمه انا جیت و انام اللیل اذب افراشک احذای و افز کالساع حسبالی انته فزیت و امد ایدی اعله الوساده ارد اشبگک یچنک مای من ایدی و تبدیت یمه انملخ گلبی اعله فرگاک ومن دارک الگبرک یبنی امشیت اوحید و اعز عندی من الاعذیبی و ردتک ذخر لایام شیبی ✍🏻 المرحوم الشیخ ابراهیم الدیراوي #شعبی #اليلة_العاشرة 🔰 الموضوع #العشرة_الاولى_شهرمحرم_الحرام 💠 المحاضرات الإسلامیة https://eitaa.com/almohazarat

علیه بیدمن یحسین وصیت یفزع لو سمع نخوای وصیت عگب ذاک الاسم والخدر وصیت ابغربه وناس تتفرج علیه ✍🏻 عزیز الفیصلي #ابوذية #اليلة_العاشرة 🔰 الموضوع #العشرة_الاولى_شهرمحرم_الحرام 💠 المحاضرات الإسلامیة https://eitaa.com/almohazarat

وداع السیدة زينب مع الحسين ليلة العاشرة احاچیمن بعد ویردلی اجواب وعاتبمن وگول یفید العتاب جرح افراگ اهلنه لسه ماطاب ترید اتعوف زینب بید الاجناب چا گلبی یخویه عایز امصاب تمنیت اندفن یحسین یمک حل صدرک یخویه خل اشمک دخلینی انفذ اوصیة امک حِبی احسین گالت لا تگصرین حل صدره یویلی وشبگت اعلیه وابوالیمه مسح عیناهه بیدیه یگللها یخویه الدمع بطلیه بعد بسچ یزینب لا تنوحین تگله اشلون ابطل البچی والون وخل عینای آیحسین یعمن عدمن هالغریبه اتبات عدمن عدمن صایره ابیا بلد یا دین ✍🏻 صادق المنابي #شعبی #اليلة_العاشرة 🔰 الموضوع #العشرة_الاولى_شهرمحرم_الحرام 💠 المحاضرات الإسلامیة https://eitaa.com/almohazarat

زينب لفت يم حسين لچن گابعه بالهم تگله يا ضوه عيوني.. عليمن هالفزع ملتم تعنت ليه للخيمه وتفسر الصخر ونتها طبت قعدت اگباله وعالخد تهل دمعتها تگله اعليك ضلع امك المظلومه او مصيبتها سولف لي يماي العين لا تخفي علي يحسين عليمن هالفزع صوبين وأشوف ابكثر عج الخيل وادي كربله غيم أويلي من سمعها احسين سالت دمعة اعيونه يگلها أخاف أسولف لچ. او وجهچ ينخطف لونه ابچتلى او چتل أهل بيتي يختي الگوم يردونه ولا بد ما تشوفينه فوگ الثره امگطعينه يزينب لا تنوحينه عينج عاليتامه النار لو شبت بالمخيم تگله الكاتبك يحسين من هالناس چا وينه يگل لها يماي العين كلها انگلبت اعلينه تگل له حمل اضعونك او سدر للوطن بينه يگل لها ما يخلوني أسدر بعد بضعوني نيتهم يچتلوني ولابد ما تشوفيني او شيبي يگطر امن الدم والأكبر عالأرض مطروح يختي عيونج اتشوفه او جاسم عالثرى مرمي ابدال العرس والحوفه وأخوج اعلى النهر نايم ويمه امگطعه اچفوفه او يمه رايته او جوده او عينه ابسهم ممروده بطل حيلي على ازنوده لو شفتيهن ابكتره او جسمه اعلى الثره امخذم يختي او سهم المثلث ابدلالي تشوفينه او عبدالله الطفل يختي ابدم نحره امطوقينه او لو شفتي الشمر يمي ابعدي او لا تحاچينه تراه هو يگطع ابنحري او يتربع على صدري يزينب عايني او صبري لمن يحكم الباري او هوه ابحالنا أرحم     ✍🏻 المرحوم السيد عبدلحسين الشرع #شعبی #اليلة_العاشرة 🔰 الموضوع #العشرة_الاولى_شهرمحرم_الحرام 💠 المحاضرات الإسلامیة https://eitaa.com/almohazarat

ظل يا ليل دثرنه ابظلامك لا تزول ابساع تدري الوكت رمشة عين يخلص من يصير اوداع يا وسفه و حرامات العمر راحت أيامه اضياع يا يوم الذي بعمري سر گلبي و شفت ربحه . يا ليل اشكثر يا ليل بيك اگلوبنه ارتاعت و من عظم الحزن و الخوف چم روح الذي ماعت حگهه اطفال اخوی حسین بالصیوان لو لاعت لو ما کربله ما چان منهه انفگدت الفرحة . يا ليل الحزن يا ليل اخذ من عمري العمرک ارید من اهلي اشبع شوف لا یطلع علي فجرك اخافن ينهتك خدر الحرم من ينهتك سترك و بيت المجد و العز ذاك باچر ینهدم صرحه . بس افطنت بس فکیت عيني الهم تلگانی بعده ماحله ابعینی الوكت و الدهر بچانی من مصاب النبي جدی مصاب الوالده جانی جرح یلچم جرح یمته الگلب من هالوِلَم یصحه #شعبی #اليلة_العاشرة 🔰 الموضوع #العشرة_الاولى_شهرمحرم_الحرام 💠 المحاضرات الإسلامیة https://eitaa.com/almohazarat

📌زینب: وصو بنه قبل الترحلون و قبل العله الغبره تنامون منته یخویه نورالعیون ابحرمه و غریبه لا تگطعون 📌الحسین علیه السلام : باچر یخیتی اشلون باچر اطیح و یجیچ المهر غایر اوصیچ یاسترالحرایر 📌زینب: خويه حسین توصینی بالایتام انه حرمه و طحت مابین ظلام #شعبی #اليلة_العاشرة 🔰 الموضوع #العشرة_الاولى_شهرمحرم_الحرام 💠 المحاضرات الإسلامیة https://eitaa.com/almohazarat

ليلة العاشر لماعلمت زينب بأن الحسين ينعى نفسه (يا دهر أف لك من خليل) اثاري حسین عدنه الیله خطار و باچر ینذبح هوه و الانصار انه خایفه و الگلب محتار عله بدر السلف و انجوم الازهار فرشنالک الخیمه ارتاح يحسين و جمعنالک دمع بچی النساوین طب یل ناشفه اریاگک گبل اموادع افراگک خويه اعلیک زینب ریض اشویه مابیه بعد وگفه عله رجلیه اشوفك محني ظهرک حیل ما بیه لو توگف عدل لو تنتچی علیه موش انته الامس یمی انحنه طولک یطول امی اهی ساعه و بعد ماشوفک اسنین ساعه و بعد ماشوفک یبوالشیمه ثلث تیام راح اتنام بل هیمه 📌فقال الحسين: گللها یخویه قسمة الله علينه هلي صار او امر الله زينب يالعزيزة وداعة الله اريدنچ عگب عینی تصبرین 📌زينب: تگله حسین عزمتو تروحون عنّه ياعزيزي او نور العيون خوية احسين اريدنكم توصون بينه لا نظيع ابين جاسين 📌وصية الحسين: اوصیچ یازینب وصیه عینچ عله ابنیتی رقیه ماتحمل عله افراگی خطیه #شعبی #اليلة_العاشرة 🔰 الموضوع #العشرة_الاولى_شهرمحرم_الحرام 💠 المحاضرات الإسلامیة https://eitaa.com/almohazarat

طلع من خيمته حسين الشفيه اوبگه ايشلع ابشوك الغاضريه ليله اشلون ليله اتفت الگلوب او محبوب ایتوادع ویه محبوب او ظلام الیل گطع كل الدروب اومدرى اشلون من باتت رقيه يگل لخته اگربت ساعة مماتى امانه امنيدى الايدچ بناتی صاحت یاستر خدری اوعباتی ما بیه استمع های القضیه لوعتچ يزينب سامحينى او اذيتچ یزینب حاللینی یخیتی ابخوة البينچ او بینی ابری ذمتی ابهای المسیه باچر يالاخت لو يطر فجره على جسمى اتغدى طبره اعلى طبره گلبچ یالاخت لا يتم صبره و ضل علارض مسلوب العليه ايتامى اعلى ايدچ نومیهم اویا خیتی ابعباتچ دثریهم اخاف الیتم باچر یاذیهم اوبیهم ادری میحملون اذیه اعز من ولدی ولدک تدری بیهم او یخویه لا یضل بالک علیهم یخویه ابجفن عینی لغطیهم وصیرن حارسه البنتک رقیه اولادک اولادی ما بفرقون اولخلی ابحضن عمتهم ینامون انا اتاذه ولا هما ایتاذون وقسملک قسم بمنه الرچیه ✍🏻 احمد الزهیري #شعبی #اليلة_العاشرة 🔰 الموضوع #العشرة_الاولى_شهرمحرم_الحرام 💠 المحاضرات الإسلامیة https://eitaa.com/almohazarat

مکتوبات #اليلة_العاشرة 👆

نعي الليله العاشره للرضيع ع ذهـيـلـه ابـكـربلـه ومشدوه بالي ألـولـي لـلـمـهـد والـمـهـد خـالـي فـجـئـه وخـبــر عبدالله اجـالـي فــت الـدلـيــل وشــاب حــالــي ضـاع الامـل والـگـلـب مجروح وضـلـيـت اونـن ونّـت الـدوح ورده الرضيع وريحته اتـفـوح جـابـاه ألـيـه حـسيـن مـذبـوح شـفـت الـسـهـم حـافـر رگبتـه وراح الـتـعـب كـلـه الـتـعـبـتـه مـثـل الـحـلـم غـابـت ضحكتـه مـادارت بـعـدهـه ايـام سَـنـتــه *------------------------*--------------------* ابوذيات اســولــف بـأسـم عـبـد الـلـه.. ورد بيه واشـمـن مـهـده چــن ريـحـة.. ورد بيه خــــذاه حـسـيـن لـلـحـومــه.. ورد بيه ابـوسـط نـحـره السـهـم جـابـاه الـيـــه                               *-------------------------*----------------------* شــوفــي بـحـزن لـولـيـدي.. دريته وسـالـم بـعـد مـــــــايـرجـع.. دريته مـــو درّي دمـــع عـــيــنــي.. دريته خــذاه الـمـوت مـنـي وگـطـع بـيــه                                                                                              *---------------------*------------------* ✍خـادم الـحسيـن (ع) الشاعر رعد الجريخي #اليلة_العاشرة 💠 المحاضرات الإسلامیة https://eitaa.com/almohazarat

#ابوذيات الليلة العاشرة الليله للوداع التم ....        شملهم ابعباته احسين كل اهله .. شملهم واحد واحد اعياله .....     شملهم وشبگ ابنه الطفل . ويحب رقيه زينب يا گلبها الصبر ...    گل بي تگله احسين مو گطّعت .. گلبي يگلها جسمي خويه الظهر .. گلبيه واذا سالم كتر عتبي عليه .. تگلها حچيك الروحي ... يلمها باچر زينبك منهو .......  يلمها روحي لو گضت محد .. يلمها اذا باچر شمر حارس عليه ... واتگول العمر گضيته بس ابهم .. بعد  هم اخوتي اشلون ياروحي .. بعدهم الشمر والموت  لو عني ...بعدهم اروح الوين . من ينغر عليه ... يزينب بالچ اتموتين ........... لو عاتّ الشمر . نحري اويلوعچ راد ... لوعات وصيتي: ارويحتچ لو عَلَي .... لا عات اغلجي العين لتصدين اليه .... واخبرچ باچر اعليه ........ تره اداچ الخيول . اومن تگصديني .... تردچ بالچ تسحگ اضلوعچ ..... تره الدچ كلف . وازيد كلافه امن المنيه ... كلف باچر يزينب صبر ....... ولماي تراهو اشما بچيتي ايزود . . ولماي بين التلّه تحتارين ........... والماي لا للشط وصلتي او لا اليه .... الشاعر ابو فاطمة الطائي #اليلة_العاشرة 💠 المحاضرات الإسلامیة https://eitaa.com/almohazarat