🔰 الموضوع #اللیالي_الفاطمیة #شعبی لسان حال أمير المؤمنين بنوحكم يا شيعه لاتنسوني شما ذكرتوا فاطمه ذكروني ☄☄☄ شما ذكرتوا فاطمه ياشيعتي ذكروا بالتفصيل هضمي ومحنتي والله لو ما چتفتني اوصيتي ياهو من اعداي يوگف دوني ☄☄☄ من يگف دوني وأنه حامي الحمه لكن ابصبري امر رب السمه الباب كون الباب يعصر فاطمه وأنه ابحبل اوصيتي ايچتفوني ☄☄☄ ابد ماهمني السده اعليه وجرى واليعاتبني عله الصار اعذره ابگلبي نار الباب ظلت موجره وابمصيبة فاطمه صوبوني ☄☄☄ هالمصيبه المصطفى بينها الي وگلي لأجل الدين تصبر ياعلي الله غيرك بعدي ما نصب ولي والينكرونك علي ينكروني ☄☄☄ آنه شفت النار تسعر بالجذع وشفت بابي عله الحايط يندفع لچن ما چنت ادري مكسور الضلع بالغسل شفت الكسر بعيوني ☄☄☄ شفت بعيوني اشكثر متألمه بالغسل جرح الصدر ينزف دمه وحمره چانت عينها وأمورمه كل جرح خط صورته بظنوني ☄☄☄ بالغسل شفت الزچيه اتلوعت وروحي من ذاك الحنين اتگطعت للحسن وحسين حين اتوادعت ينهدم صبري وتهيج اشجوني ☄☄☄ طلعت الزهره ايديها امن الچفن وضمت حسين ابحضنها والحسن ومن شفت زينب وامها اتوادعن صار بيه المادرى ولاموني #عزيز_الفيصلي 💠 المحاضرات الإسلامیة https://eitaa.com/almohazarat