می‌باری ای باران و می‌شویی زمین را اما نمی‌شویی دل اندوهگین را… سنگین‌ترینی بی‌شک اما اندکی نیز تسکین نخواهی داد، این غمگین‌ترین را! #حسین_منزوی #لالجین_شهر_جهانی_سفال #انجمن_ادبی_مجازی_لالجین_لعلین @anjoman_adabi_lalejin_lalin

غزلی زیبا از مرحوم#حسین_منزوی، خطاب به دختر دلبندش غزل: آچ گؤزون قوی یوخودان گوللر اویانسین غزلیم آچ گؤزون قوی باخیشیندان گون اوتانسین غزلیم گؤره بیلمز گؤزه لیم آیدا اوزونده ن گؤزه لین باخ آیا قوی حسدینده ن پارالانسین غزلیم سن اولان یئرده گولوم! گول نئدی؟ دور گولشنی گه ز قوی سنین باشیوا پروانه دولانسین غزلیم چیخ چمن سئیرینه، مدهوش ائله سروی، سمنی قوی آدین عطر کیمی باغدا جالانسین غزلیم گون نئدی؟ آی نئدی؟ اولدوز نئدی؟ گؤیچکلر آدی سن اولان یئرده گره کدیر قارالانسین غزلیم قالمیشام قاشیوی، کیپریک لریوی، گؤزلریوی قلمیم هانسینی وصف ائیله یه؟ هانسین؟ غزلیم! سنی آغوشه چکنده اوره ییمده ن دئیه رم اولاً کاش دور زامان بوردا دایانسین غزلیم یا دایانسین یادا هر لحظه نی هر ثانیه نی بئر ایل اولسون، ایلی بئر عومر اوزانسین غزلیم سنی هر کیم دیله چالسا، گؤروم آغزی قوروسون گؤروم آغزیندا عومور کن دیلی یانسین غزلیم ائلیمین غملری بسدیر منه، سن غم یئمه دای قویما غم، غملرین اوستونده قالانسین غزلیم آغلاما، غم یئمه قوی گوللر آچیلسین بالاجان ائله گول کی قوی آتان غملری دانسین غزلیم #انجمن_ادبی_مجازی_لالجین_لعلین 🦋@anjoman_adabi_lalejin_lalin🦋