─‌┅═‎‌‌‌‌‌‌═‎‌‌‌‌‌‌༅࿇༅ ❃﷽❃ ༅࿇༅═‎‌‌‌‌‌‌═‎‌‌‌‌‌┅─ #سلام_بابا_سلام_آسمون_ماه #دلگویه_مازنی_دختر_شهید #شهید_شهادت_دلگویه_مازنی #ره_توشه_مجالس_ختم 🇮🇷 سـلام بـابـا، سـلام آسـمون ماه خَسّـه تـنِ قـروون بَرسی از راه توسه همیشه تنگ گیته مه دل یـا بـرمه کردمه یـا کَشیمه آه مسافـر هرکه داره چش براهه ونه دل تنگ و سینه پُـر آهـه همه شهر و محلّه بَیّـه اعلام شهید بیاردنه از جبهۀ شام بِمونه مرد و زن دسّه به دسّه بـه استقبالِ کــاروان خسّـه ناگمون با تعجب برمه واری تِه عکسه بَدیمه تابوت سواری خسّه تنِ بلاره مرد جنگی بابا کی بَدیّه به این قشنگی؟ مدافع حرم هسّی بابا جون همه جا محترم هسّی بابا جون اِساخوامبه تِره هادم نِواجش تره جان رقیه مره هارش اگه مه نازنین بابا ته هسّی مره پس چه بدی چش ره دوسّی؟ سِیو ریشِ حِنا چَنّه قِشنگه چیکار هاکنم این دل تِسّه تنگه لباسِ غرقِ در خون شهادت موارک بر ته سرباز ولایت قسم به سینه ی پُر آه زینب فدا بَعی بابا در راه زینب«س» ته که بوردی سفر ناشتمه اوقات دِتِر وسّه چی بیاردی سوغات؟ شِه زانو سر تره دِمبه نواجش تا پاره بَوّه دلِ هر چه داعش خوامه بَـوّم که بابای صمیمی نَدُونّی چَنّـه سخت هسه یتیمی تره تا بدیمه دل بَیّه پاره بابا ته خون آشی ریشِ بلاره بابا دونّی مه ور چی تازه بَیّه؟ غم خِرابـه و داغ رُقَــیّه فقط من بابای دتر که نَیمه من از رقیه بالاتر که نَیمه من اینجه چون بِیمه شهیدکیجا همه مهربونی کردنه مِه جا اگرچه سخته ته مصیبت وداغ دیگه اینجه مره نَزُونه شلاق داغ جدایی مه دل ره بَزُو چنگ ته تابوت ره کسی نزوعه باسنگ مه وسّه اینجه دسّه گُل فراوون ولی اونجه رقیه جانِ دل خون نا مه تن کهو بَیّه نـا مه بازو رقیه زیر شلاق دس و پا زو اگر چه بابا جون مه دل کبابه ولی اینجه کجه شام خرابه؟ مره که نزونه تن بَهیره تش مثل رقیه که نکردمه غش شهید اگه قراره سر نداره خدا هاکنه وه دتر نداره شب و روز بَیـّه مه کاربرمه زاری مره بکوشته ته چشم انتظاری اِسا که دِترِه شهید بَهیمه پیش رقیه رو سفید بَهیمه بابا جون ای فداییِ ولایت گوارای ته شربت شهادت مه دل تنگه بابا ازاین جدایی بابا غصه نخر دارمی خدایی بـابــا دیـگه کـجه تره بَوینِم؟ گل ِ بُوسه ته دیم جا بچینم؟ ته که بُوردی مه همدم جان ماره اگــر چــه از غـم ته بیـقراره بــدور ازمـن همیشه برمه کِنّه تـه غـم وغصه ره شه سینه کِنّه. مِه دل از حرف مردم خَله گِیته گِـنّه شِـمه شهـید چَنّـه بَهـیته ؟ ته که بوردی اَما دارمی ولی ره خدا حفظ هاکنه «سید علی» ره «امام خامنه ای»به این صمیمی بَهـیـّه مَــرهم زخــم یتـیـمی بـابـاتـر ازبــابــاهـای نـمونه خـدا دونّــه کــه چَنّه مهربونه دعا کِمّه که به حقِ پیمبر خدا سلامتی هاده به رهبر مِه دردِ دِلّه«مداح» بَخونِسّه انگاری مِه حال و روزه دونِسّه 🇮🇷 شعر:علی اکبراسفندیار«مداح» http://eitaa.com/ashaar_khatm ─┅┅═❧❧❧═┅┅─ 📌درصورت نشرمطالب ڪانال در دیگر ڪانال ها و گروه های مرتبط،حذف نام ومنبعِ اشعار و،،،شرعاً جایز نمیباشد. #ره_توشه_مجالس_ختم #مجموعه_اشعار_ختم_و_ترحیم_خوانی #نشر_اشعار_بروز ─‌┅═‎‌‌‌‌‌‌═‎‌‌‌‌‌‌═‎‌‌‌‌‌‌═‎‌‌‌‌‌‌༅࿇༅ ❃ ༅࿇༅═‎‌‌‌‌‌‌═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌