زبانحال حضرت مسلم (ع) #سبک_ای_منی_آواره_قویان ای آدی هر قلبه صفا حسینجان حسینجان جانیوه مسلمون فدا حسینجان حسینجان کوفه ده مسلمون دوشوب بلایه بلایه دام بلاده توش اولوب جفایه جفایه گور نجه مسلمون گلوب نوایه نوایه جان وئرورم دیلده دعا حسینجان حسینجان دولت عشقیوین منم سفیری سفیری دام بلانون اولموشام اسیری اسیری ظلمیده یوخدی کوفه نون نظیری نظیری کوفه لیلرده یوخ حیا حسینجان حسینجان حقیقت اوسته دی منیم مرامیم مرامیم سنه بو صون نفسده وار سلامیم سلامیم بیرده اورکده وار سنه پیامیم پیامیم گلمه بو کوفیه آقا حسینجان حسینجان کوفه لیلر دام بلا قوروبلار قوروبلار تیر جفائیله منی وروبلار وروبلار گلمه سلاح الده بولار دوروبلار دوروبلار رحم ایلمزلر قوناقا حسینجان حسینجان گلمه کی شهر کوفه ده صفا یوخ صفا یوخ جماعتینده ذره جه وفا یوخ وفا یوخ گلمه کی بوردا مطلقا حیا یوخ حیا یوخ واردی فقط بوردا بلا حسینجان حسینجان یوخدی بولاردا ذرجه صداقت صداقت دعوت ائدنلر ائتدیلر خیانت خیانت باغریمی قان ائیلدی بو جماعت جماعت کوفه ده یوخ مهر و وفا حسینجان حسینجان عشق یولوندا ناتوان قالوبلار قالوبلار ایمدی آرایه مسلمی سالوبلار سالوبلار داش الینه جماعتی آلوبلار آلوبلار هاممی ائدور ظلم و جفا حسینجان حسینجان سالدیلا چوخ اوزاق منی ائلیمدن ائلیمدن قمچی الینده ووردولار بئلیمدن بئلیمدن شیدا بوسوزلری یازوب دلیمدن دلیمدن ایستوری بیر کرب و بلا حسینجان حسینجان #محمدرضا‌صادقی‌شیدا