#تک‌بیت
کوسموشم سندن اگر چه لااقل درک ائت منی
واردی فرقون کل دنیائیلن اما بی وفا
#محمدرضاصادقی‌شیدا
#تک‌بیت
تنگ اولوب گوندوز اورک ، گولدی دوداق غم قورتولوب
وئردی اما بیر آغیر تاوان گئجه بو گوزلریم
#محمدرضاصادقی‌شیدا
#تک‌بیت
منی جهنمدن ائله قورخودور
ائله بیر یاشیرام بهشتین ایچره
#محمدرضاصادقی‌شیدا
#تک‌بیت
وَ اِن یکاد بخوانید و آورید اسپند
که عالمی ز نگاه بَدان فنا گردد
#محمدرضاصادقی‌شیدا
#تک‌بیت
دامجی دامجی حلال گلوب یغیشار
حرام گلوب سئل تک یغوب آپارار
#محمدرضاصادقی‌شیدا
حضرت موسی بن جعفر (ع)
#محمدرضاصادقی (شیدا):
شه مشکل گشا موسی بن جعفر
هامی درده دوا موسی بن جعفر
#حاج‌محمدتقی‌جابری :
ولیّ خالق ارض وسمادور
سجایاسی سجایای خداور
وصیّ پاک ختم الانبیادور
سلیل مرتضا موسی بن جعفر
#محمدرضاصادقی‌شیدا
اولان ای هر غم و درده معالج
نیاز اهلی آلار سندن نتایج
تانور عالم سنی باب الحوائج
قاپوز باب الرجا موسی بن جعفر
#علی رضاجابری:
اولابیرکس دچاررنج دوران
اورکده دردین ایتمزغیره اعلان
دوتاریوزکاظمینه دیده گریان
دییَرصدقیله یا موسی بن جعفر
#الیاس ملک پور :
گلر شیعه غمونده شورو شینه
یولی دوشسه دیار کاظمینه
گهی آغلار سنه گاهی حسینه
هامی اهل ولا موسی بن جعفر
#حاج اصغر فرشچی (عدلی ) :
سنی هرکس چاغیرساداده مولا
چاتارسان لطفیله امداده مولا
کیم اولسا گر سنه دلداده مولا
تاپار قلبی صفا ، موسی بن جعفر
#شیرزادشکوری هشترودی:
چوخورسردابیده بوینوندا زنجیر
گرفتار بلا بیر سید پیر
عبادت لذتیندن اولمادون سیر
اولوب ذکرون دعا موسی ابن جعفر
#رمضان نقاش(شاهد):
گوزل آدون اولوبدور دلده ازبر
اولار شاهلار سنه فخریله نوکر
بیزی یاددان چیخاتما یوم محشر
سنی جان رضا موسی بن جعفر
#صابرثمودی:
اولان ای گول آدی غملر دواسی
جهاندا شیعیانین مقتداسی
دخیلم من سنه زهرا بالاسی
ایا کان سخا موسی بن جعفر
#ادریس ملک پور:
سنی مسموم ائدوب سند بن شاهک
یانار احوالیوه فوج ملائک
سلام ای عبد صالح قلبه مالک
امام و مقتدا موسی بن جعفر
#استادحاج‌ولی‌الله‌کلامی
امام صادقین ای نور عینی
نصیب ایله بو جمعه کاظمینی
گیداخ اوردان گوراخ قبر حسینی
اولوب دل نینوا موسی بن جعفر
#حاج‌ستاررزاقی:
سنه بی حَد جفا ایلوبدی اوباش
دلیمده یوخ توان تا ایلییم فاش
ولی ظلّامه هرگز اگمدون باش
بو عشقه مرحبا موسی ابن جعفر
#اکبرملک پور:
سنی وئرروخ قسم شمس الشموسه
امام هشتمه مولای طوسه
بو جمعی دعوت ائیله پای بوسه
به حق لایری موسی بن جعفر
#سید جواد حسینی:
سنون احوالیوه پیغمبر آغلار
یانار دلدن امیر خیبر آغلار
توکر قانیاش بتول اطهر اغلار
دییر ایوای بالا موسی بن جعفر
#روح‌الله رمضانی :
اولان ای سکه سی دنیاده رایج
هامی امراضه دنیاده معالج
نظر ائیله اَیا باب الحوائج
تاپا دردیم دوا موسی بن جعفر
#مقصودارفعی خسروشاهی:
دَم آلدی غیرتوندن استقامت
سنه زیبنده دور تاج کرامت
قاپوندان فیض آلار ارباب حاجت
سنه جانلار فدا موسی ابن جعفر
#سرکارخانم رقیه سعیدی(کیمیا):
گرفتار اولسا هر کیم بیر بلایه
یولون سالسا او صحن باصفایه
قسم وئرسه سنی اوغلون رضایه
اولار حاجت روا موسی بن جعفر
#حاج‌نادربابایی:
سنون احوالیوه زنجیرون آغلار
غلافینده قالان شمشیرون آغلار
قوری یرده دوشن تصویرون آغلار
سنه آغلار سما موسی بن جعفر
#علی‌جعفری(عاجزتبریزی)
اولوبسان حبسیده چوخ زاروخسته
دیلینده وای اوغول قلبی شکسته
آلان اولمادی باشون بیردیزاوسته
دیـه واویـلـتـا موسی بن جعفر
#استادجابرولدپور(مژده اردبیلی):
امام اوغلی امام ای جان زهرا
رطوبت یئرده قالدون زار و تنها
بیلن یوخ دردیوی غرق بلایا
ملالون جانگزا موسی ابن جعفر
#اسماعیل نصیری موحد:
او محبسده یوخیدی خویش و یارون
فقط اللّهیدی محبسده یارون
نگهبان که گوروبدور حال زارون
چکوب دیلدن نوا موسی ابن جعفر
#شهنام آریانی (غریب اردبیلی):
رطوبت إیلیوب جسمونده تأثیر
أیاقلار کنده ده قوللاردا زنجیر
إئدیبدور قامتون ظلمیله تغییر
گؤروبسن چؤخ جفا موسی بن جعفر
#محمدکاظمی زنجانی:
سنون احوالیوه آغلار فلکلر
غمونده غم دوتور یکسر اورکلر
چکوبل قارَوی عرشه ملکلر
یانور اهل وفا موسی ابن جعفر
#رسول بابایی:
سنه ای پور صادق آغلارام من
غمون یاده سالوب دیل داغلارام من
گوزوم یاشین عذاره باغلارام من
به جان مصطفا موسی ابن جعفر
#محمدهوشمند(مدهوش):
بیر عمری سهملی طوفانه دوشدون
ره قرآنیده زندانه دوشدون
ایویندن آیریلیب هجرانه دوشدون
گوروبسن چوخ بلا موسی ابن جعفر
#رضاغلامپور(دلپاک):
دم پاکی مسیحایه وئرر دم
قویار موسانی حیرتده مسلم
هامی دریایه اعجازه مصمم
اگر وورسا عصا موسی بن جعفر
#عبادی طارمی
ائدیب ایرانی انوارین منور
خراساندا شه والا و سرور
صفاتی موبه مومانند حیدر
تاپوب سنلن بقاموسی بن جعفر
#فرهاد گوهری:
فوآدونده فراقِ درد هجران
نه چکدون اون بیرایل زندان به زندان
ایاقون کُنده ده بوینون قیزیل قان
سنه جانلار فدا موسی ابن جعفر
#سرکار خانم لیلی احمدی:
جمالون شمعینه پروانیم من
ره عشقونده بیر دیوانیم من
غلام درگه شاهانیم من
اسیر و مبتلا موسی ابن جعفر
#حاج رحمن شاجری زنجانی:
یانار بو قلب زاریم هر غمونده
آخار اشکیم عذاره ماتمونده
ئولونجه وار گوزوم اُول پرچمونده
سنون ای مُقتدا موسی بن جعفر
#سید بشیر حسینی میانجی:
ثنا آللّهه هر آن ایلدون سن
او زندانی گلستان ایلدون سن
گلستان یوخ کی رضوان ایلدون سن
سنه قربان، آقا موسی بن جعفر
#طاهرنوروزی
سلام اولسون سنه ای روح پرور
گوزل آدین اولوب دللرده ازبر
کمین دردی اولا ، ای ماه انور
سن ائیلرسن دوا موسی بن جعفر
#امیر عبدی :
گل ای آرام جانیم گل رضاجان
داخی یوخدور توانیم گل رضا گل
چیخور عرشه فغانیم گل رضاجان
اولور سندن جدا موسی بن جعفر
#محمد افکاری سردرودی:
وئروب قبرون شرافت کاظمینه
شرفده اقتدا ایتدون حسینه
فدا دی شیعه سن تک نور عینه
ولی کبریا موسی بن جعفر
#اصغرگلمحمدی(دلجو):
سنی وئروخ قسم شاها رضایه
امیر ملک ایمان، مرتضایه
آنان صدیقه ی خیرالنسایه
بیزه یاز کربلا موسی ابن جعفر
#محمدمهدوی مرام(جابر):
عجب قیلدون نظرای کان رافت
بومجمع ده بوشعراولدی کتابت
بوجمعه بیر صله ایله عنایت
برات نینوا موسی بن جعفر
#الیاس ملک پور :
امام صادقین ای نور عینی
ائدن ای نورباران کاظمینی
اوتوز بئش شاعره قبر حسینی
اوزون ائیله عطا موسی بن جعفر
#محمدرضاصادقی‌شیدا
امام صادقین ای دل ستانی
اوتوز بئش شاعر اولدی شعره بانی
عنایت ائت بو جمع شیعیانی
اولا حاجت روا موسی بن جعفر
جمعه ۶ بهمن سال ۱۴۰۳
مجری اقتراح:
گروه تخصصی مجمع الذاکرین تبریز
هر گوز کی سنه چپ باخا دگسون داشا قارداش
دشمنلریوین عمری یئتشسون باشا قارداش
آرزیم بودی حقدن سنه اولسون بیر عنایت
مین یوخ ایکی مین یوخ نئچه مین ایل یاشا قارداش
#محمدرضاصادقی‌شیدا
قائم آل محمد مهدی موعود ماست
سرور و سالار دین و حجت معبود ماست
نور چشم شیعیان باشد، امام انس و جان
هر که باشد منکر مولای ما، مطرود ماست
#محمدرضاصادقی‌شیدا
#تک‌بیت
من قدیملر کیمی سئومیرم سنی
سَنی ، تازالیقدا چوخ چوخ سئویرم
#محمدرضاصادقی‌شیدا
#تک‌بیت
دوزدی الله رحیمیدور اما
آرپا اکسَن دَرَنمَسن بوغدا
#محمدرضاصادقی‌شیدا
#تک‌بیت
منی قورخوتمیون غربتده ئولماقدان کی چوخداندی
ئولوبدور، هر او کس کی اوز عزیزیندن اوزاق دوشموش
#محمدرضاصادقی‌شیدا