🔳 زبانحال امیرالمومنین(ع)🔳 #فاطمیه آچ گؤزون اویان ای وفالی همسریم قالدی تک علی ای یارالی یاوریم دور ایاقه یالقیزام گؤر نئجه آدامسیزام یاتما فاطمه... قلبیمی یوروب محن آی کیمی بو حالدا سن باتما فاطمه... --- یاتما فاطمه --- گللریم سولوب باغیمی ویریب خزان درگهون یانیب قلبیوی ائدیبدی قان سن باشی بلالیسان سینه‌سی یارالیسان یاتما فاطمه... کَفْن ائدیم نئجه سنی گؤزلروندن هئچ منی آتما فاطمه... --- یاتما فاطمه --- قدیوه خانم هئچ یاراشمیور کفن نولدی کوچه‌ده سؤیلمور منه حسن گوئیا ویریب سنی ثانی یاندیریب منی آغلارام سنه... یوخدی حیدره کمک تا نفس واریم ئورک داغلارام سنه... --- یاتما فاطمه --- باشین اوسته من ایلورم خانم فغان آغلارام بونا قبره گئدیسن جوان یوخدی دردیمه دوا واردی سینه‌ده یارا گئتمه فاطمه... ویردی باغیمی خزان باغریمی بو حالدا قان ائتمه فاطمه... --- یاتما فاطمه --- 🟥🟥🟥🟥🟥🟥🟥🟥🟥🟥🟥🟥 التماس دعا ✍️ هادی حسن‌پور(صالح) @asharesaleh

سبک شعر فوق👆

🔳 زبانحال امیرالمومنین(ع)🔳 #فاطمیه وفالی زهرا ... حیالی زهرا علی‌یه دور نفس وئر ای یارالی زهرا کمکسیزم من ... هارا گئدورسن عم‌اوغلووین داغیلدی باخ جلالی زهرا بهار عمرون ... آچیلمامیش خزانه دؤندی او یاخجی گونلر ... گئچیلمه‌میش فغانه دؤندی یاراشمیری ... سنه اینان ... کفن یارالی گؤرنمرم ... سنین کیمی ... ئولن یارالی ئورگیمی ... بؤلور منیم ... مُحَن یارالی --- یارالی زهرا --- ئورکده یاره ... باشیمدا قاره بو چاره‌سیز عم‌اوغلووا دور ایله چاره نوالیام من ... عزالیام من منیم تزه آچان گُلوم توخاندی خاره قراریم الدن ... آزالدی یاتما فاطمه منی گؤزوندن ... آماندی آتما فاطمه دؤزنمرم ... فراقیوه ... اویان آماندی نظر ائله ... آدامسیزام ... حالیم یاماندی بالالارین ... ئورکلری ... بو ائوده قاندی --- یارالی زهرا --- 🟥🟥🟥🟥🟥🟥🟥🟥🟥🟥🟥🟥 التماس دعا ✍️ هادی حسن‌پور(صالح) @asharesaleh

سبک شعر فوق👆

🔳زبانحال امیرالمومنین(ع)🔳 #فاطمیه ای منیم غملی نگاریم آچ گؤزون دار و نداریم حیدر آواره قالیبدی قالمیوب صبر و قراریم قلبیمی یوروبدی هجران اولموشام من گؤر نه نالان چاره‌سیز قالدیم یارالی دردیمه دور ایله درمان --- هر گئجه فاطمه آغلارام من --- --- غصه‌دن سینه‌می داغلارام من --- گؤزلریم غمینده دولدی گللریم گلشنده سولدی فاطمه سن بیله اولدون نظم خانه برهم اولدی گؤر نه آغلیلّار بالالار غنچه گُل مگر سارالار سنی زینب اوخشویاندا عالمین قلبین یارالار --- هر گئجه فاطمه آغلارام من --- --- غصه‌دن سینه‌می داغلارام من --- وای منه چوخ تئز قوجالدین گُل کیمی زهرا سارالدین حقیوی غصب ایلدیلر غملری جانیوه آلدین درگهون ظلمیله یاندی دور عم‌اوغلون نیمه جاندی گؤزلروندن ائوی آتما بالالارین قلبی قاندی --- هر گئجه فاطمه آغلارام من --- --- غصه‌دن سینه‌می داغلارام من --- قلبیمی غملر سیخیبدی آهِ دل عرشه چیخیبدی فاطمه سنین یاتماقین منیم ائویمی ییخیبدی نیلورم سنسیز جهانی قاره دوتدی ماسوانی چوخ چتیندی دفن ائدم من همزبانِ باوفانی --- هر گئجه فاطمه آغلارام من --- --- غصه‌دن سینه‌می داغلارام من --- 🟥🟥🟥🟥🟥🟥🟥🟥🟥🟥🟥🟥 التماس دعا ✍️ هادی حسن‌پور(صالح) @asharesaleh

سبک شعر فوق 👆

🔳 زبانحال حضرت زهرا(س)🔳 #فاطمیه عم‌اوغلی گل بالینیمه حالیم یاماندی گؤروش قالدی قیامته تئز گل آماندی گؤروم صون لحظه‌لرده من... رخساریوی گئدور الدن گل کفن ائله... دلداریوی عم‌اوغلی گل --- بلالیام سنه علی --- وفالیام یارالیام عم‌اوغلی جان دشمن منه ائتدی جسارت گئدورم من ائویم قالدی سنه امانت بوکوبدی قدیوی سنین... ییخیلماقیم قاپیلا دیوار آراسی... سیخیلماقیم عم‌اوغلی گل --- بلالیام سنه علی --- وفالیام یارالیام باغیشلا گر بزم وفا قورانمورام من یارالیام ایاقیوه دورانمورام من سنی ترک ائتمزدیم علی... وفالیام ییخیلماقیم سبب اولوب... یارالیام عم‌اوغلی گل --- بلالیام سنه علی --- وفالیام یارالیام بو قدری چوخ آغلاما سن دؤزنمورم من ئورگیوی داغلاما سن دؤزنمورم من یاراشمیری سنه علی... آغلاما چوخ سرشگیوی عذاریوه... باغلاما چوخ عم‌اوغلی گل --- بلالیام سنه علی --- وفالیام یارالیام 🟥🟥🟥🟥🟥🟥🟥🟥🟥🟥🟥🟥 التماس دعا ✍️ هادی حسن‌پور(صالح) @asharesaleh

سبک شعر فوق 👆

🔳 زبانحال امیرالمومنین(ع)🔳 #فاطمیه ای غملی نگاریم زهرا ای یاره‌لی یاریم زهرا پوزقون یئل اسیب باغیمدا دور سولدی بهاریم زهرا ✴️زهــــرا اویان یاتـــــما آماندی✴️ ✴️آچ گؤزلرون حالیم یاماندی✴️ گلزار پیمبر سولدی اشگیله گؤزوموز دولدی سن قانیوا باتدین زهرا منیم ئورگیم قان اولدی ✴️یاره‌لــــریــــــن قــــــــراری آلدی✴️ ✴️دور گؤر علی نه حاله قالدی✴️ عهدین بو جماعت قیردی بعضی قاپیمی یاندیردی یاندیم یارالی غیرتدن پهلووی قاپی سیندیردی ✴️دور چاره قیل بیچاره‌یم من✴️ ✴️زهـــــــرا اویــــــان آواره‌یم من✴️ غملر مرتضایه قالار غنچه گل مگر سارالار قلبیم اود دوتوب اودلانیر ائوده آغلیلّار بالالار ✴️اوجــــــالــــــدارام نوا و شینی✴️ ✴️آتما گؤزوندن سن حسینی✴️ 🟥🟥🟥🟥🟥🟥🟥🟥🟥🟥🟥🟥 التماس دعا ✍️ هادی حسن‌پور(صالح) @asharesaleh

سبک شعر فوق👆

🔳 زبانحال حضرت امیرالمومنین(ع)🔳 #فاطمیه آچ گؤزیوی فاطمه --- دوشدی علی چوخ غمه یاتما آماندی اویان --- قلبیده وار واهمه دور علی آواره‌دی --- غمدن ئورک پاره‌دی باشیوین اوسته علی --- گؤر نئجه بیچاره‌دی ✴️هرگئـجـــــه فاطــــمه آغلارام✴️ ✴️غصه‌دن سینه‌می داغلارام✴️ ای یارالی یاوریم --- سیندی منیم شهپریم ای منی آغلار قویان --- آچ گؤزون ای دلبریم ای منه تاب و توان --- ای منه روح و روان دفن ائده بیلمور سنی --- اولدی علی نیمه‌جان ✴️هرگئـجـــــه فاطــــمه آغلارام✴️ ✴️غصه‌دن سینه‌می داغلارام✴️ پوزدی خزان گلشنی --- یاتما آز آغلات منی قالمیشام ایندی نجور --- دفن ائلیوم من سنی بعدِ نبی پیر اولان --- خوش گونه حسرت قالان غنچه کیمی تئز سولان --- حیدری درده سالان ✴️هرگئـجـــــه فاطــــمه آغلارام✴️ ✴️غصه‌دن سینه‌می داغلارام✴️ همدمیم افغان اولوب --- قلبیدن طوفان اولوب بیلمیورم هئچ ندن --- قلب حسن قان اولوب یاتماقین ای جان جگر --- حالیمی برهم ائدر نیلی اولوبدور یوزون --- کوچه‌ده اولدی نلر؟ ✴️هرگئـجـــــه فاطــــمه آغلارام✴️ ✴️غصه‌دن سینه‌می داغلارام✴️ 🟥🟥🟥🟥🟥🟥🟥🟥🟥🟥🟥🟥 التماس دعا ✍️ هادی حسن‌پور(صالح) @asharesaleh

سبک شعر فوق👆