زمینه

شور

🍁 بسم‌ الله الرحمن الرحیم 🍁 آتانین وصفینده دهریده عشقیـله آرامشه معنـا آتـادی دُر ارزنـدهٔ بو چـرخهٔ دنیـا آتـادی دولانیر چرخ فلک عمر گرانمایه سی آز بیزه دونیاده قوناق ،هدیهٔ عظما آتـادی وصفینی یازماقا عاجزدی قلملر گورونور اولان اولاده دمی چون دم عیسی آتـادی گیزلدر غملرین اٍودَن بالالار شاد یاشیـا اولارا دنیادا چون جنت و مأوا آتـادی سن آییل هوش اله سیندیرما ئونازک قلبی بیل بو دونیاده اولان حکمته دارا آتـادی الین اوپ جنت الاعلی جوازین کسب ایله خواب غفلتـدن اویان فکر اله رویـا آتـادی داماریندا دولانان قانی چیخاتما یاددان اولان آرامش هر لحضه و هر جا آتـادی غیرتی ،زحمتی اولادینه گلمز سانیـا رنجی چوخ مینتی آز ماه دل آرا آتـادی نجه عرفانی اولان خلق صداقت بیـنر بیـَنن زحمتینی خالق یکتـا، آتـادی آغارینجا باشی قبر ایچره گدینجه هرآن اورگدن صدقیله الادینه تقـوا آتـادی حرمتین حفظ ائلیوب زحمتینی یاده سالاق کولگه سی باشمیزین اوستونه پهنا آتـادی آنانین قارقیشی دوتماز هامی آگهدی بیلر دوتسا آهی سالاجاق دیـلره غوغا آتادی سن تلاوت اله قرآن (علی اصغر) آغـلا روحی برزخده ، یـادی قلبـه تسلا آتـادی ✍ علی اصغرعباسعلی نژادکیوج_سراب التماس دعا... ✨اَللّهُمَّ عَجِّل لِوَلیِّکَ الفَرَج✨

🍁 بسم‌ الله الرحمن الرحیم 🍁 یاعلی جان ابـوطالبـه آللـه ویـریـب هدیـه رجبـده گوز آچدی بو جهانه قالوب عالم عجبده سالوب بیت خداده بو گون نوریله غوغا اولوب فاطمه فارق گلوب هدیـهٔ عظما بشردورنه بیـلیم من ،ملک دورنه بیـلیم من گلـنـده بـو جهـانه یـِر اهلی اولوب ایمـن بو بیر نوریدی گـویدن گلوبـدی بو جـهانه اولـوب خلقتی حقـدن رهـه عشقـه بـهانه نـه تقدیری گوزلدی اولوب مکه ده حیـدر مقـامی نـجه وا لا گـلوب شافـع محشر علی فـاتـح خیـبـر ، مسلمـانـلارا بـاور یقیـن حق یـارادیـبـدی، رسـواللهـه یـاور علی مـرد عدالت یـر اهلیـنـده سـخاوت ئوزی بابیـدی عـلمه ،ایدیـب حقی تلاوت اولـوب کاتـب قرآن ، علی مـعدن ایـمـان بـو آیـنـهٔ خلـقـت ،هـامی دردلـره درمان علی جنگ و جدلده ابـَر مـرد رشـادت اونا مقتـل اولوبـدی کی مـحراب عبـادت قـلم وصفینـه عـاجز ، آدی عشقیدی رایـئج اولوب نسل علیـدن، بـویوک باب الـحوائج اونون همسـری زهـرا، پسندیده سی طاها آتـا اون بیـر امـامه ، علیـدور علی مولا یازورسان (علی اصغر) گوزونن تـوکولـور یـاش علی شافعین اولسون،قیـامت گونی ای کـاش ✍️ علی اصغرعباسعلی نژادکیوج_سراب التماس دعا... ✨اَللّهُمَّ عَجِّل لِوَلیِّکَ الفَرَج✨

🍁 بسم‌ الله الرحمن الرحیم 🍁 🏴حضرت زینب (سلام الله علیها) دلشوره داشتی و برادر نداشتی بعد از حسین(ع) سایۂ بر سر نداشتی داغت عظیم بود و دل کوه را شکست صبرت جمیل بود و برابر نداشتی در کربلا، بلا به سرت آمد آنچنان جز تیر و نیزه خاطره دیگر نداشتی گفتی میانِ گریه که ای شمرِ(لع) بی حیا در قتلگاه...کاش که خنجر نداشتی می سوختی از اینکه؛ از آن دستِ بی عقیق وقتِ وداع؛ بوسه چرا برنداشتی میسوخت خیمه ها و به کوریِ چشم بد جلباب بود! اگر چه که معجر نداشتی دور و برَت نگاهِ علی اکبری نبود عباس ِ غیرتی و دلاور نداشتی مرهم نداشت داغِ دلت! بغض کردی و... غم داشتی؛ نوازش ِ مادر نداشتی جانت به لب رسید! که دنیایِ بیوفا ماندن نداشت! چونکه برادر نداشتی! ✍مرضیه عاطفی التـماس دعا... ✨اَللّهُمَّ عَجِّل لِوَلیِّکَ الفَرَج✨

🍁بسم الله الرحمن الرحیم 🍁 ‍ زبانحال حضرت زینب (س) در احتضار (سبک : ای وئرن ویرانه یرده) جان    وئرور      غربتده     زینب گل    ئوزون     فریاده    قارداش ال    اورکده      جان       دوداقدا یوخ    گلن     امداده     قارداش شامیده         نالاندی    قارداش گوزلری     گریاندی       قارداش  تئز    یتیش    قارداش     هرایه یاندی    قلبیم           آیریلیقدان یدّی        قارداشین       عزیزی ایندی  قارداشسیز   وئرور   جان تماپمادیم     گر چه    کفن    من قالدی  جسمون    چولده  عریان سن    ولی    گل    غربت    ائلده زینبی   سال     یاده      قارداش هر     نفس    غربتده      چکدیم اود    سالوبدور   جانه    قارداش آشنا          یوخدور     بو     حاله آغلیوب         بیگانه       قارداش چوخ    گوزلدور    تئز    یتیشسه خسته    جان    جانانه    قارداش تنگه   دوشدی   خسته    روحیم بو     یالان    دنیاده       قارداش دوشمیشم          درد        فراقه بئش   یاشیندان    آغلادیم   من عمریمه          غملر      باغیندان بیر    قوجاق   گل   باغلادیم  من سینه می      عشق        آتشینده کربلاده           داغلادیم       من اشک     اولوبدور   خون     قلبیم دیده ی      بیناده          قارداش قهرمان      زینبدی        سسلور یدّی          قارداشین        هرایه گور    نئجه   غربت      سالوبدی زینبی           دام              بلایه گلمه سون       بو    آخرین    دم ائتمرم            سندن        گلایه چونکه   روحون     منله     واردور عالم            معناده       قارداش آتش    عشقی     گورن       یوخ چونکه     قلبیمده           نهاندور یاندیرور         تاریله         پودی حاصلی        آه    و         فغاندور اللی        ایلدور      بو     سیاقدا غملی        زینب       باغریقاندور گلمیوب     من     تک     بلاکش عالم           ایجاده        قارداش بیر     زمان       گلزار       عشقه باغبانیدیم                   حسینیم عشق     و    ایثارین        یولوندا گل          فشانیدیم      حسینیم صاحب        مَجد    و     جلال  و آشیانیدیم                   حسینیم ایندی        امّا         آشیان سیز بیر    قوشام   دنیاده      قارداش ✍شادروان حاج داود بیدق داری التماس دعا ✨اَللّهُمَّ عَجِّل لِوَلیِّکَ الفَرَج✨

🍁بسم الله الرحمن الرحیم 🍁 مقام زینب(س)  نِجه زینبدی  خانم  شیر خدا زینبیدور پنج تَن سویگُلوسی آل عبا  زینبیدور نجه زینبدی اونون شَانینَه حیراندی عُقول مَهد تعلیمی اولوب  سینهء زهرای بَتول هَل اَتی  مَنزلت  عِترته  گر  اولدی  نُزول هَل اَتایَه یاراشیق  اهل کسا  زینبیدور آدی داغلاردان اوجاکرب وبلا زینبیدور نجه زینب که اونی اُمّ  اَبیها  بِجَروب حیطهء عشقیده بیرسالک معنابِجَروب رزمیده شیرزن و صبریده دریابِجَروب قَلعهء دینی اونون خُطبه سی آباد ائلدی صود وِئرن دامن اونی بیربِلَه اُستاد ائلدی نجه زینب که ئوزی حل مُهمّات   ائلین قُلّهء عشقه چیخان سِیر حِجابات ائلین عِصمت اهلی آدینا جُمله مُباهات  ائلین مریمه بیر باخیشی نَفسِ مَسیحادَن عزیز آسیه فَخر ائلیر  فِضَّه سینه  اولسا  کنیز نجه زینبدی خانم شیر خدا زینبیدور مَشعر و کوی مِنا  غار حَرا  زینبیدور قامتی پیکرهء حُجب وحَیا زینبیدور قُطبِ هَستیدَه اولان نُه فَلکون اولدوزیدی حَسنینون باجیسی حیدرون حیدر قیزیدی نجه زینب که جَلیلَه صِفت ومُحترمَه آستانینده  اولان فوجِ مَلکلر  خَدَمه آدی اِخطاریدی اَدواریدَه تخت ظَلَمَه خُطبه سی موجه گلَر بَحرشجاعتده  داشار اونا بیچاره دِئمک فکرائله هِچ گور  یاراشار نجه زینب که مَقاماتی بیلینمَز  عَلنی یازور انصاف اِئلَمور بعضیلر آیری سخنی شَانینی سِیندیرانون وار یِری سِینسون دَهنی خیبری سِیندیرانون زُهرهء بیداریدی بو قهرمان فاطمه نون حیدر کرّاریدی  بو بو خانم پیکرهء زُهدو حَیانون  تاجیدی کربلا شاهینه  ایستکلی عزیزه  باجیدی دئمه مُحتاج آدینا عالم اونون مُحتاجیدی حرم جَدّینه هَرگَه که سالاردی  یولونی یِدّی قارداشی آلاردی خانیمون ساق صولونی بیلدی قارداشلارینون  قَدرینی  اَوّلده  ئوزی اولارون تَک تَکینه هر ساتاشان وقتی گوزی ئوز ئوزیلن دانیشاردی بو اِشارتلی سوزی یِدّی قارداشی منه پای بولَن اَل یاخشی بولوب نَنَه مون اولمادی بیرقارداشی قارداشسیز ئولوب ائله بیل سیر قضا  ایستدی پای بیرده بولَه دوستلاری آغلاشا دشمنلر اونی گورسه گولَه کیم دیردی بوخانیم بیرگونی قارداشسیزئولَه تِز اوزولدی عجبا زینب اَلی طَنطَنه دن پای آپاردی بِله بیر غُربتی آخر نَنَه دن (نادرا)خَلوَتووه خوان عَزانی  سالوسان عالم شعریده هریرده که حیران قالوسان دَم پاک صُلَحادن سوزووَه دَم آلوسان سعی قیل دَفترووه ثبت ائله بَرجسته سوزی اَنورون شعری کیمی دوز قاتا زهرانون ئوزی ✍حاج نادر بابایی التماس دعا... ✨اَللّهُمَّ عَجِّل لِوَلیِّکَ الفَرَج✨

🍁 بسم‌ الله الرحمن الرحیم 🍁 وِقار حضرت  زینب (س) شیعیان را اِقتدار از  اِقتدار   زینب است کلمهء زیبای حَق ،اَلحَق شعار زینب است در مَقام صبر  او سرگشته اند اَیّوبها صبر باسِلم ورضا چون یادگارزینب است درحِِجابش بَس بوَد گویم اگر روحُ الاَمین از مدینه  تا مدینه  پَرده دار زینب است سوی شامم  میبرد  عطر  دل انگیز   خیال چون مَطاف یوسف زهرا مزار زینب است عارفان و  سالکان  ،بر  آستانش   مُعتَکِف این شریعت باطریقت درجوارزینب است در فراق  یار خود  مَنزل به مَنزل میرود این حسین فاطمه دار وندار زینب است میرود با دست بسته کوفه را  ویران کند یاور  این  قهرمان  پروردگار زینب است بر سر  نیزه  سری   قرآن  تلاوت  میکند اینصدای کیست یارب گفت یارزینب است گفت ای قاری توخود قرآن بی شیرازه ای لَحن قرآنت که میدانی ، قرار زینب است روی گُل هرگز ندیدم  جای خاکستر شود قِصّه ای از غُصّه هایت آشکار زینب است رَاسِ تو بر نیزه و منهم به مَحمِل ،هَمسفر نالهء  این  دخترت زنگ قطار زینب است قُمری امشب با دلم همناله گشته در سفر مرغ کوکو  را مُدرّس آه و زار زینب است (نادرا) گردید هویدا صبح صادق صبر کن رفع حاجات تو هم در اختیار زینب است ✍حاج نادر بابایی التـماس دعا... ✨اَللّهُمَّ عَجِّل لِوَلیِّکَ الفَرَج✨

🍁 بسم‌ الله الرحمن الرحیم 🍁 زبانحال حضرت زینب سلام الله علیها ترک ائده آز قالور حسین تیره جهانی زینبون گوزلری آختارور سنی فاطمه جانی زینبون الّی بئش ائیلدی سایه لطفوه دالدالانمیشام عشقیوه دستگیر اولوب شهرلری دولانمیشام شمع یانوب خموش اولار منکه همیشه یانموشام اللی بئش ائیلده سونمیوب سوز نهانی زینبون آزقالوری یومولماقا اشک تری آخان گوزوم میلۀ غصّه سُرمه سین کیپریگینه یاخان گوزوم قتلگهونده نعشیوه حسرتیله باخان گوزوم منتظروندی دیدۀ اشک فشانی زینبون شامه اوزاقدی کربلا چوخدی اگر چه فاصله سن آقاسان اوزاق یولون زحمتینی قبول ائله بیر یول ایشیم دوشوب سنه گلمسن ایلرم گله غملی باشین دیز اوستونه یوخدی آلانی زینبون هر باجی جان وئرن زمان من کیمی اولسا دربدر صاق وصولا باخار گوزی قارداشین آرزو ائدر قارداشی دفنه گلمسه قبرینه ناگران گئدر گل نگران گئدور بو گون روح روانی زینبون یاسین اوخوردون هر شب جمعه آنام بتوله سن فکره گئدوردوم عالم عشقیده فوق العاده من کاش دیردوم ای حق قادر و حیّ ذوالمنن زینب ئوله حسین اولا فاتحه خوانی زینبون من دئدوم عمرومون گلی عزّتیلن سولار حسین تربتیوی ئوپر باجون جام صفا دولار حسین غصّه لی روحی غصّه دن اوردا خلاص اولار حسین گورمدی جان وئرن زمان کرب و بلانی زینبون یتمه دی بهری زینبه قارداش او خاک اقدسین درک ایلیم مزاریده اصغرین آغلاماق سسین خاطرین ایستین قزون ساخلادی یورقون عمه سین قونشی اولار رقییه خوشدی مکانی زینبون یدّی وفالی قارداشین خواهر مهربانیم کرب وبلا ددیارینون غصه لی مهربانیم شمره اسیر اولانلارون حافظ و پشتبانیم ایندی اجل گلوب حسین یوخدی توانی زینبون سنسیز حسین یاتاندا من هر گجه غمله یاتمشام غصه لرون دوشوب یادا ئوز ئوزومی اویاتمشام قدّیمی غملرون بوکوب پرچمووی اوجاتمشام آدون اولوبدی دم بدم ورد زبانی زینبون یاخشی دگل گتورسه کیم ائتدیگی خدمتین دیله خدمت ائده وظیفه دور شوقیله باغبان گُله گُللرووه ئوزون کیمی یِتشمدیم گذشت ائله عذره یول آختارور دئدی بو جریانی زینبون سوز غمونده قلبیدن عود کیمی آلیشمیشام هاردا دئیوبله آدیوه خارجی من دانیشمیشام هاردا سالوبلا مشکله عترتیوی چالیشمیشام عزّتیله دولاندیریب آل عبانی زینبون رخت اسارتی گیوب پاک و خجسته ساخلادیم دوره می آلدی بیر بُولوک قلبی شکسته ساخلادیم ساخلا دئدون رقیه می سینمون اوسته ساخلادیم پرورشنده غفلتی اولمادی آنی زینبون رنگی سارالدی گون بگون بیلدیم او قز خطرده دور هی سنی مندن ایستدی منده دئدوم سفرده دور یومدی گوزون خرابه ده داغی یانان جگرده دور حیف او بالا ئولن زمان چخمادی جانی زینبون باشیوی آلدی سینه سی اوستونه دقت ایلدی دوردی چکیلدی گوشیه ، مجلسی خلوت ایلدی سنله خصوصی بیر نچه ثانیه صحبت ایلدی باشیوه اوخشاما دئدی قینه دی قانی زینبون نُطقی کسیلدی غفلتاً درک ائده بیلمدوم سوزون فکر ایلدیم یاتوب بالون گُل یوزووه قویوب یوزون گوردوم او طفل نازنین یومموش همیشه لیک گوزون وای دئدی داده سسلدی زین العبانی زینبون میّتی جابجا ائدم یاخشی اطاقیم اولمادی باشینون اوسته یاندیرام شمع و چراغیم اولمادی یاخشی حسین خرابه ده ئوزگه قوناقیم اولمادی ایلدی رو بقبله اول خردا بالانی زینبون گوردوم اونون قرا تلی گُل یوزون ایلیوب نهان دوزمدی قلبیم ایلدوم طره لرون اویان بویان گوزلرینی ئوپوب دئدوم آچ گوزوی رقیه جان گلمدی نطقه بلبل باغ خزانی زینبون ✍شادروان انـور التماس دعا ✨اَللّهُمَّ عَجِّل لِوَلیِّکَ الفَرَج✨

🍁 بسم‌ الله الرحمن الرحیم 🍁 🏴احوالات حضرت زینب سلام الله علیه 🎼میگذرد کاروان گل باشیمون اوستونه جان وئریرم جان حسین گل چاتور عمروم باشا بیـر اوخی قرآن حسین هجرون ائدوبدی منیم قلبیمی شانشان اخا بیرده گوروم گل سنی جان چیخا آسان حسین گوزلریمی یوخدور باغلیان باشیمین اوستونده آغلیان گل حسین جان گل حسین جان زینبین ای ذبح اولان ظلمیله قارداشی گل نیزه باشیندا قالان ای کسیلن باشی گل طاقتیمی فرقتون آلدی قوجالدی باجون آخدی گئدنن منیم گوزلریمین یاشی گل گوزلریمی یوخدور باغلیان باشیمین اوستونده آغلیان گل حسین جان گل حسین جان زینبین ای نور عین باشینه قاره سالوب کرب و بلادن سورا خوش گونه حسرت قالوب آیری سالوبلار سنی منن اورک داغلیـام گل باجیوین طاقتین درد فراغین آلوب گوزلریمی یوخدور باغلیان باشیمین اوستونده آغلیان گل حسین جان گل حسین جان کوفه لیـلر،شامیـلر ویردی داشی باشینا باشی بـلالی باجون آغـلادی قارداشینـا کرب و بلاده سولان یـدی گوله آغلادی شامین ارازیـللری باخمادی گوز یاشینـا گوزلریـمی یـوخدور باغلیـان باشیمیـن اوستونـده آغلیـان گل حسین جان گل حسین جان دار و نداری گئدن زینبه تقـدیر اولوب باشی بلالی باجین باخ نجه گور پیـراولوب جان یئتیشوب آخره گل سنی بیـرده گوروم کربلادن سورا عمری گئچیب سیـر اولوب گوزلریـمی یـوخدور باغلیـان باشیمیـن اوستونـده آغلیـان گل حسین جان گل حسین جان هر گجه گوندوز سنه آغلامیشام من حسین قاره لچک باشیمه باغلامیشام من حسین صون نفسیمدی ائشید گل باجیوین سوزلرین شامیده هجرونده دیل داغلامیشام من حسین گوزلریمی یوخدور باغلیان باشیمین اوستونده آغلیان گل حسین جان گل حسین جان باشی بلالی باجون قالدی یامان گونلره یدی عزیز قارداشی ئولدی یانوب یکسره دوغرادیـلار اکبری قلبیـم اولوبدور یـارا رحم اِلَموب اشقیـا دیلسیـز علی اصغره گوزلریمی یوخدور باغلیان باشیمین اوستونده آغلیان گل حسین جان گل حسین جان گوزلری یاشلی(علی اصغر)اولوب روضه خوان شرح حالیم ثبت ائدیب دفتریـنه قلبی قان اول شب قبـرینه باش چک حسینجان ئوزون ائتدسن عنایت وئرر ئـوردا گوزل امتـحان گوزلریمی یوخدور باغلیان باشیمین اوستونده آغلیان گل حسین جان گل حسین جان ✍علی اصغرعباسعلی نژادکیوج_سراب التماس دعا ✨اَللّهُمَّ عَجِّل لِوَلیِّکَ الفَرَج✨