#عشایرایران #شعر #چهاربیتی دوبیتی های بختیاری ،وحید کیانی ۱ نه روز داری ، نه هم شَو ، ای دل ای دل نه مَه داری ، نه اَفتو ، ای دل ای دل همه مردم به دینِ دل اِگردن یه عُمره رهدیه خَو ای دل ای دل ۲ دل بی مونسم چی بافه زرده تَش و تُنگِس نَمند و کور و سرده به تَمدارس نمنده عشق وا پا دل مو عاشقی سر چاله گرده ۳ تش و تنگ دلم از غم بلازه ندونم وا که ای دل چاره سازه یه عمره سر به صحرا ناده و کُه دل عاشق کشم بی ساز ابازه ۴ خراوه کار دنیا ، دل دونگه پسین و صحو و چاس و شو به جنگه چنو اَو چاله ریز اُوبیده ای دل که خُلقِ چاله از کاراس تنگه ۵ ستین ایل و بُنگ گوگری رهد هیاری خون عشق للری رهد هَنی مندیر کوگِس مَنده ای دشت ز ایل بختیاری گَفتری رهد ۶ یه دم آروم یه دم بیقرارم یه دم لوخند و یه دم خین اِبارم خدا دونا که من بختم چه خَووه مو سر از کار دنیا نیدرارم ۷ دلم چی آسمونا پر غُواره وِ جا بارون تَش از اورا اِباره سُوار باد ایا وا گَرتِ لیله لو اَو هُشک و صحرا خین و خاره ۸ دل از دین تو کندم غم نهامه سر وار تو مندم غم نهامه ندارم طاقت دیریته ای گل مو تا عهد نبندم غم نهامه ۹ وری دل بار و بندیلا نبهسن دلامون چی دل عاشق شکهسن ز دست ای زمونه کُه گرهدم ولا دی جا نمنده سی نشهسن ۱۰ نه چی اوری نه چی بارونی ای دل نه چی منگشت و نه کارونی ای دل نهادم زیر پا دنیانه دیندات تو چی گنج کُه قارونی ای دل 🌐🌐 به کانال عشایر ایران بپیوندید: 💟 @ashayernews_ir

#عشایرایران #شعر #دوبیتی 🐑 دگر از رنج اجباری شدم سیر،، 🐏 از این روزای تکراری شدم سیر،، 🐐 زبسکه جو گران و یونجه نایاب،، 🐐 من از عشق گله داری شدم سیر،، 🌐🌐 به کانال عشایر ایران بپیوندید: 💟 @ashayernews_ir