‍ ‍ #زبانحال_حضرت علی(ع) #در_شهادت_حضرت_زهرا(ع) ✍#مرحوم_فرهاد_فکری_اردبیلی الهی دفن ایدیم نجه اوز اللریمله یاریمی مزاره تاپشورام گرگ گجیله من نگاریمی بو درده یوخدور الیمده چاره قویوم نه نوعی یوزون مزاره ⚫️ جنازه سین گتورمیشم گجیله گورمسون بیری نهان قالا بو شهریده همیشه قبرینون یری عجبدی ئولمیوب قالوب بو غمده مرتضی دیری نهان ایدیم گیدیم نجه بو در شاهواریمی ⚫️ ئولونجه یانام آغلارام نه غملی ماجراسی وار جفای روزگاریدن اورگده چوخ یاراسی وار قویوم نه نوعی تپراقا ایوینده دورت بالاسی وار تیکوبله گوزلرین یولا چکوله انتظاریمی ⚫️ تمام اولوبدی دوقوز ایل قوتاردی عمرموز بجه قویوم بو چولده یاریمی دوروم گیدیم ایوه نجه گل ای اجل هایانداسان قوتار علینی بو گیجه ئولیدیم ایندی کاش منیم قازیدیلار مزاریمی ⚫️ ویرن زماندا غسلونی ایدوبدی مه عیان یوزون او قدری با حیائیدی ایدردی تز نهان یوزون ئولنجه ویرمدی منه او با وفا نشان یوزون آلوبدی قلب زاریدن بو نسگلی قراریمی ⚫️ قویاندا قبره جسمینی او عرصه گاهیلر یلی عیان اولوبدی قبریدن پیمبرون ایکی الی ندا گلوبدی صبر ایله دایان عم اوغلی یا علی بو نوعی ویرمدیم سنه جهاندا یادگاریمی ⚫️ گوزتله چوخ دیدیم سنه آناسی یوخ بلالیدی گوزینده قانلی لکه وار ندن شکسته بالیدی قابیرقالاری ظلمیلن سینوب نیه یارالیدی سولوب گتورموسن علی گجیله گل عذاریمی 🎧#با صدای استاد مرحوم حاج سلیم موذن زاده ⚫️⚫️⚫️⚫️⚫️⚫️⚫️⚫️

#حضرت_عباس_ع زنجیر زنی شور سه ضرب بانوای کربلایی منوچهرحسن زاده شاعرمرحوم فرهادفکری اردبیلی @Hazrate_Abalfazll یاحسین یاحسین شرمنده نوکرم من اوخلانوب سو مشگیم یولووی گوزلریم من سقایم سقایم سقای تشنه گانم سو اوستن گلنده باغلادیلار یولومی دورت مین اوخ آتانلار آلدی صاق و صولومی سالدیلار ظلمیله نخلستاندا قولومی اللریم دوشوبدی عنقای بی پرم من سرو تک یخیلدیم آخر قانلی چمنده اوچیلار شیریوی سالوبدیلار کمنده باشیمی دیز اوسته گل آل قارداش ئولنده یالقوزام بی کسم بی یار و یاورم من ئولونجه چیخمادیم قارداش حسین سوزوندن اوخلاندی سو مشگیم منی سالدی دوزومدن بیر اوچ پر اوخ دگوب بو چولده صاق گوزومدن گوزلریم دعواده گورمه سه نیلرم من نوکرم ایت قبول اگر چه ناقابلم خیمه ده قیزلاردان صد حیف اولا خجلم جان اوسته من سنون دیداریوه مایلم بیلورسن خاطروی چوخ چوخ ایسترم من عباسون غصه سی اندازه دن رد اولدی دوشمنیم بو چولده بیلورسن نامرد اولدی سقالیق آخرده منه بیوک درد اولدی شرمنده ی روی علی اصغرم من ناامید اولمیشام من بو اوزون اللردن دشمنی ایلیور شماتت دور و بردن مشگییمده سو یوخدی شرمندیم اصغردن بو چولده شاهین شکسته شهپرم من #شادی_روح_سلیم_صلوات #مرحوم_فرهاد_فکری_اردبیلی #کربلایی_منوچهر_حسن_زاده #شهرستان_نظرآباد #پیشنهاد_دانلود #کانال_مداحی_ترکی_با_سبک @Hazrate_Abalfazll