220525_016.MP3
زمان:
حجم:
4.9M
نوحۂ بختیاری حضرت زینب(س)
#نوحه_بختیاری
#شاعر_و_مداح_خ_علیمحمدی📝
#اجرای_سبک_استاد_پرویزی🎤
#مداحِ_بختیاری🎹👌👍
عزا عزا بیوی زینب واویلا دِرارین،شیون ورارین(2)
وُ رَهدُمه به شهر شام،ایکنن زمینه
وُ اِوَنن مِنه زمین،جسمِ نازنینه
عزا عزا بیوی زینب واویلا دِرارین،شیون ورارین(2)
وُ شهرِ شامِ غم گِره،یه عزای سنگین
وُجون نهابیوی زینب،همه حالِ غمگین
عزا عزا بیوی زینب واویلا دِرارین،شیون ورارین(2)
وُ چندی تو غصه خوری،زِ غمِ برارِت
وُ دی مَکَش تو انتظار،نیا وا دیارت
عزا عزا بیوی زینب واویلا دِرارین،شیون ورارین(2)
وُ عبدالله بیو وا سرُم،بیو وا دیارُم
وُ زینبه حلال بکن،اِخوم جون سپارُم
عزا عزا بیوی زینب واویلا دِرارین،شیون ورارین(2)
وُ دو ساله شیر جاهلُم،به زیرِ زمینه
خَوَرنداره کَس زِمو،که دلوم به خینه
عزا عزا بیوی زینب واویلا دِرارین،شیون ورارین(2)
وُ ای حسین دو ساله که،رَهِته مو پاهُم
وُ دیدُمت به مِنه خَو،گُدی دی نیاهُم
عزا عزا بیوی زینب واویلا دِرارین،شیون ورارین(2)
وُ مو درختِ غم پَرُم،پَر کَدُم نَمنده
وُ داغی وَست سرِ دلوم،دلوم دردِمنده
عزا عزا بیوی زینب واویلا دِرارین،شیون ورارین(2)
وُ آسمونِ مو دیه،نداره ستاره
وُ گِریوُم سی بختِ خُم،چی اَوره بهاره
عزا عزا بیوی زینب واویلا دِرارین،شیون ورارین(2)
وُ(هستی)تو خَوَر داری،دلِ مو غمونه
وُ(پرویزی)مداحِ خو،تکه به زمونه
عزا عزا بیوی زینب واویلا دِرارین،شیون ورارین(2)
مداحی باسبکِ استاد پرویزی
زمان:
حجم:
594.5K
نوحۂ حضرت فاطمه(س)
#سبک_دا_مهروونُم_رَه
#نوحه_بختیاری
#شاعر_خ_علیمحمدی📝
#اجرا_استاد_پیام_پرویزی🎤
#مداحِ_بختیاری🎹👌
یکی یَه دونَم رَه،سِتینِ حونَم رَه(2)
وُی تیگ نویس واخطِ غم وی بختُمه نوشته
وُی تَش زیدِن درحونه م آخی دِلُمْ برشته
یکی یَه دونَم رَه،سِتینِ حونَم رَه(2)
وُی مالِمون خومالیه وُلا آوازه داره
وُی مُردنِ بیوی زهرا وُی ظلم اُوی دُواره
یکی یَه دونَم رَه،سِتین حونَم رَه(2)
وی چرخِ گردون فلک وُی تیری زی به بالُم
وی شیعیون امشوبیوین وُی بِنیَرین به حالُم
یکی یَه دونَم رَه،سِتین حونَم رَه(2)
وُی یادگاری مَنده بی وُی زِس چادرگُلدار
وی به سرزینب کنم که وابیدُم عزادار
یکی یَه دونَم رَه،سِتینِ حونَم رَه(2)
وی دُهدَره پیغمبره وُلاداغِس گرونه
وی بی مُروت تش مزن آخی زهراجوونه
یکی یَه دونَم رَه،سِتینِ حونَم رَه(2)
وُی اُسو که زهرانه بی دنیانداشته بی غم
وُی زغمِس ای شیعیون مووابیدُم ایطو خَم
یکی یَه دونَم رَه،سِتین حونَم رَه(2)
وُی موکَموتَر سُهده دل که بالِ بال زنُم سیت
وی بمیرُم سی جوونیت چندی موزال زنُم سیت
یکی یَه دونَم رَه،سِتینِ حونَم رَه(2)
وُای اجل دینُم به نات زهرا به خاکِ سرده
وُحیف زِبیویِ زنون که لاایی همه بَرده
یکی یَه دونَم رَه،سِتینِ حونَم رَه(2)
وُحونه ی کافر خراوکه غم نها وِ بارُم
وُیا محمد زِبهشت بنیَرتو روزگارُم
یکی یَه دونَم ره،سِتین حونَم رَه(2)
وی ای(هستی)توبنویس سی یارمهرونُم
وی(پرویزی)دُندال بخون سی یاس اَرغوونُم
یکی یه دونُم رَه،سِتین حونَم رَه(2)
─═༅𖣔𖣔یازهرا𖣔𖣔༅═─