عرض ارادت خدمت منجی عالم بشریت حضرت امام زمان عج شعراز:کربلایی محمدهوشمند بانوای:کربلایی منوچهرحسن زاده از بس که یوخ زمین و زماندا مثل سنه حیرتده دیر قلم نئجه یازسین غزل سنه تعریفوی یازاندا کیمه بنذه دیم سنی نه آی، نه گون، نه گول، اولا بیلمز مثل سنه حسن و وقاریده سنه بیر همطراز یوخ سن اصلسن، یاراشمیری اصلا بدل سنه نه تک منم که عشقیوه بیر ادعا ائدم دلبسته دور تمام خلایق گوزل، سنه از بس که قاف شان و جلالین رفیع دور سیمرغ دل محالیدی که، تاپسین ال سنه نقاش روزگار سنی چوخ گوزل چکیب احسان اولوب بو مرتبه روز ازل سنه سن نورسن، حقیقته عالی عیارسن شایسته دور که باش اگه شمس و زحل سنه یازسین گرک دی وصفیوی شاعر اوز آدیوه سن اصلسن بو دهردیده یوخدور بدل سنه عالم سنی امید بیلیر داده تئز یئتیش حی علی الظهوردی، خیرالعمل سنه مدهوش اولور گلنده آدین دفتر و قلم منت چکیر عومور بویی قند و عسل سنه #سلیم_نظرآباد #انتظار #کربلایی_منوچهر_حسن_زاده #کربلایی_محمد_هوشمند #پیشنهاد_دانلود

ضامن آهو شاعر:کربلایی محمدهوشمند بانوای:کربلایی منوچهرحسن زاده منی شوق وصالین ائیلیور هر لحظه دیوانه یاخیندور کی دوشم عشقینده مجنون تک بیابانه چکیبدیر گونلومی زنجیره چوخدان دور غم هجرین نولار پای پیاده گلسه بو دیوانه ، دیوانه بیلیرسین قالمیوبدی طاقتیم بو قان اولان دیلده اسیر عشقیوم ائیله عنایت بو پریشانه اگر اذن اولماسا سیزدن اورک مقصودینه چاتماز منی دعوت ائله ای ضامن آهو خراسانه منه بیر قول قاناد وئر تا گلیم دیداریوه مولا خوشام مرغ خیالیم قونسا بیر قوش میثلی ایوانه منه چوخلار جواب ائتمیش اورکده محنتیم چوخدی الیمدن دوت اماندی احتیاجیم واردی درمانه سنون صحنین ده سقاخانه لر تسنیم و کوثردی چاتار هر بیر سر و سامان سر کویونده سامانه ضمانت ائیله بیر آهو کیمی اوز باشیمه قویما یاخین دیر کاخ امیدیم اولا ای شاه ویرانه عطشدن اودلانیر قلبیم کرامت چشمه سین گوستر ایچیم جام وصالین عشقیله، پیمانه پیمانه جهانی دولدروب فتنه آلیب اطرافیمی غملر طبیبا چاره قیل باغریم دونوب دور غصه دن قانه ایکی دنیاده سلطان سان، سنه چوخ احتیاجیم وار نه غم گر لطفیله باخسان منه بیرده طبیبانه اگر گورسم منه بیر دفعه ده قسمت اولوب قبرین دولاننام باشیوه شوقیله شاها مثل پروانه یدالله سیزده دور کون و مکانه حکم ائدن سیزسیز حصار امن دی تا حشر لطفوز ملک ایرانه نسیم صبحیله عطرین گلیر مدهوش اولور گونلوم منی دعوت ائله کرب وبلایه یا خراسانه #سلیم_نظرآباد #کربلایی_محمد_هوشمند #مدهوش #کربلایی_منوچهر_حسن_زاده

نوحه حضرت رقیه س شاعر:کربلایی محمدهوشمند بانوای:کربلایی منوچهرحسن زاده یاده سالموسان بو غریبه نی خوش گلوبسن ای مهربان بابا باخ رقییوه باخ خرابیه گورهارا اولوبدی مکان بابا سن منی گوزوندن سالان کیمین ائیلدی فلک باغریقان منی هر زمان فراقینده آغلادیم یولدا ووردی شمر و سنان منی تنگه گلدی از بس سیزیلدادیم سالدی چوللره ساربان منی قورخلی بیاباندا حالیمه بیر نفر یوخیدی یانان بابا باخما منزلیم بیرخرابه دی یوخدی فرشی توپراقدی بستریم قال قوناق بیزه فخر ائدیم سنه باشوون فداسی بو گوزلریم طعنه و شمادت ائدیر بیزه شام قیزلاری یوخدی یاوریم درد هجریوه من دوزنمیرم آیریلیق آلیب دی توان بابا وای منه سنین گول دوداقلارین علتی ندور تازه قان وئریر بو یارالی باشین خرابه ده باشوون بلاسین نشان وئریر باشیوی کسن لرسنین بابا گور بیزه هایاندا مکان وئریر تنگه گلمیشم بو خرابه ده بس گولور منه شامیان بابا هانسی بیر شل اولموش جفا الی من بلاکشی ائیلدی یتیم بوینوون دامارلارینی کسیب قان ائدوبدی گوز یاشیمی منیم قال یانمیدا گئتسون اجازه وئر منده باشیوون آردیجا گلیم تنگه گلمیشم درد و غصه دن دیلده چوخدی درد نهان بابا تک خرابیه گلموسن اوزون پس هانی علی اکبریم منیم یوخ عموم ابوالفضلیدن خبر هاردا قالدیلار ائللریم منیم تاپمورام آلام بیر قوجاقیمه هاردادور علی اصغریم منیم یوخ منه بیرهمدم بو شهریده غصه قلبیمی ائتدی قان بابا #کربلایی_منوچهر_حسن_زاده #کربلایی_محمد_هوشمند #سلیم_نظرآباد #مداحان_اردبیل #پیشنهاد_دانلود #شادی_روح_سلیم_صلوات