محبت عالمي بزم ولانین عاشيقي ام وصال ياره گوره هر بلانین عاشيقي ام هواي وصل هوادن چكيب كناره مني نسيم ياریله حال و هوانین عاشيقي ام جنون عشق آليب صبر و تابيمي الدن بو يولدا باشه گلن ماجرانین عاشيقي ام عنائت اولماسا بیر كيمسه وصله یول تاپماز گلیب اومیدله لطف و عطا نین عاشيقي ام بو آستانیده آب حیات آختاریرام فنا یوروب منی دار بقانین عاشيقي ام یالانچی عشقیلره من وورولمارام اصلا جهاندا عترت خیرالورانین عاشيقي ام خطور ائدن ده منيم ذهنميه حديث بكا خلوص قلبیله بزم عزانین عاشيقی ام آقام حسينین آدي روحيمه صفا گتيره ر نقدري وار نفسيم كربلانین عاشيقي ام او پاك تربتي درماندي جمله امراضه بصيرت آلمآقا خاك شفانین عاشيقي ام جانيم فدا اولا شهزادگان تشنه لبه شبيه جدي اولان دلربانین عاشيقي ام بیلن شهادتی بالدان شیرین مرام اوسته حسن نشانه سی اول باوفانین عاشيقي ام سو ايچمي ين لب علقمده تشنه سرداری امير لشكر او قولسوز فدانین عاشيقي ام ربابه سویگلی دنیانی آغلادان غمینه علی اصغر مشکل گشانین عاشیقی ام نماز ظهری قيلان اوخلارين هجومینده ائله غریب قالان مقتدانین عاشيقي ام گون اورتا چاغی چیخیب تئز باتان جفالاریلا مدار عشقیده شمس الضحانین عاشيقي ام او چولده قانه باتان باوفا مجاهدلر كتاب عشقيده هر آشنانین عاشيقي ام یازاندا شعری دئیر حسرتیله هر بندیم شكسته ني كيمي دایيم نوانین عاشيقي ام نصیبیم اولسا اگر قتلگاهیده دئیره م چاتام سعادته منده منانین عاشيقي ام بیر عمریدی منی #مدهوش ائدیب بهشت عطری خدا نصیب ائله من كربلانین عاشيقي ام #مدهوش #محمد_هوشمند @hushmand

حریم خلوت عشق یارب نقدر خلوتیوین لذتی واردیر آسوده دی هر کیم سنیله اُلفتی واردیر درگاهوین آسایشی وار نعمتی واردیر هر کیم سنه وابسته دی حیثیتی واردیر کیم اولدی پناهنده سنه قدرتی واردیر کویونده اولان بنده لرین عزتی واردیر ای خلق ائلیین قدرتیله خرد و کباری وسعت وئرن ای دشت وبیابان و بحاری زینت وئرن ای گلشن و گلزاره هزاری روزی یئترین بنده لره لیل و نهاری سندنصورا کیم روزی وئره منتی واردی کویونده اولان بنده لرین عزتی واردیر مین درد و غم و حسرته اکندیم الله عصیان ائله دیم فکری پراکنده یم الله اوز وورما بیلیرسن نئجه شرمنده یم الله هر کیم ده اولام درگهویه بنده یم الله مهمان اولا هر کیمسه سنه حرمتی واردیر کویونده اولان بنده لرین عزتی واردیر یارب منی عفو ائیله بو گون حیدره خاطر وئر قدر و شرف فاطمه اطهره خاطر مایوس ائلمه حضرت پیغمبره خاطر آچما الیمی قطع اولونان اللره خاطر گر فاش اولا فعلیم منه چوخ خجلتی واردیر کویونده اولان بنده لرین عزتی واردیر باری کرم ائیله دل سوزانه صفا وئر وا رچوخلی نیازیم نظر ائت حال دعا وئر دردیم سنه وابسته دی دردیله دوا وئر روحیم مرضی شدت ائدیر شرح و شفا وئر باخ بنده وه باخ گور نقدر حاجتی واردیر کویونده اولان بنده لرین عزتی واردیر یارب منه سرمنزل عشقونده مکان وئر اوز نوریویله مقصد والانی نشان وئر سوندورمه یانان قلبیمه اسباب فغان وئر قهر و غضبیندن من مسکینه امان وئر یوخسا بیلیرم واقعه نین شدتی واردیر کویونده اولان بنده لرین عزتی واردیر #مدهوش #محمد_هوشمند #مناجات لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨