روضه قتلگاه دولانوب قتلگهی تاپدی باجی قارداشینی گوردو یوخ کوینکی اگنینده توکوب گوز یاشینی اگیلیب آلنین اوپه گوردی کسیبلر باشینی اوپماقا تاپمادی بیر یر باشا باش قاندی گوروب ال آتوبدور الینه اللریده یوخدی گوروب کیم سویوب حضرت زهرا توخویان پیرهنی ؟ کیم قویوب داشلارین آتدا بو یارالی بدنی ؟ کیم یخوبدور یوزی اوسته بو چوخور یرده سنی ؟ باخمیوب پارچالانوب آلنووی اوخدان یارالی گل یوزون یرده کسوب باشیوی دالدان یارالی هانسی الده ئولنون باشی قالوب اللرده ؟ داغیلوب عضولری یرده چکوب قان پرده یوخدی بیر بوسه یری زینبه بو پیکرده باخورام جسمووه باشدان باشا پیکاندی حسین نه باشون وار نه الون هر طرفین قاندی حسین یرده عریان بدنون داشلارین آلتیندا قالوب کیم بو باشسیز بدنی یرده یوزی اوسته سالوب بیر یاران واردی منیم طاقتیمی الدن آلوب بو نه پیکاندی ویروبلار اورگوندن یارالی ؟ قلبوون قانی آخوبدور کور گوندن یارالی سویولان پیکره باخدوقجا حسین وای دییرم داشلار آلتندا قالان جسمووه ایوای دییرم قویسالار بوردا قالوب من سنه لای لای دییرم نیلیوم گیتمه لیم شامه نه چارم یارالی ؟ یارالی قوش کیمی صیاده دچارم یارالی قانه دوندردیله بو کوفه لیلر گوز یاشیوی سوسوز ئولدور دیله اوغلانلارووی قارداشووی دوداقین اوپماقا گلدیم آپاروبلار باشووی باشون اولسیدی اوپردیم دوداقوندان یارالی داغیلوب قلبون اوپوم قوی ایاقوندان یارالی بیر یاران وار یارالی قلبیمی اوخ مثلی دلیر اورگیم قانینی رخساره سرشکیمله الیر گیجه بوردیدی آنام فاطمنون عطری گلیر بیلمدیم گول گوله مهماندی یارالی یارالی یرده گل پیکرون عریاندی یارالی یارالی باشون اوستونده دونن بوردا کشا کش چوخودی مقتلون گوردوم ئوزوم دوره سی نیزه اوخودی بو چوخور یرده گئچن گون بو قدر داش یوخودی باخورام هر داشا القاندی یارالی یارالی مقتلین قانیله الواندی یارالی یارالی دور حسین سال یولا بی یار و پناهم گیدورم قویمادیم قلبیده کی یارووه مرحم گیدورم وئر ابوالفضله خبر شمریله باهم گیدورم دئینن دور قافله یولاندی یارالی یارالی هم رهیم دشمن ناداندی یارالی یارالی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

احوالات تنور خولی دیدی حسین گوزون آچ کام آلیم نگاهوندن خبر ویریم سنه اوز قانلی قتلگاهوندن او چولده من واریدیم چشم خون فشان واریدی غریبه منظره لر واضح و عیان واریدی یانان چادردا نماز اوسته زینبون گوردوم نه دیزده طاقتی نه قلبیده توان واریدی سریر نازیده صبح ایلین یالالاریوا گئجه نه بستر راحت نه خانمان واریدی گوزوم که دوشدی فراته آخوردی اوز باشینا شریعه ده نه موکّل نه پاسبان واریدی کسیلسون اللری شمرون، ایوی خراب اولسون گوروم که من کیمی قلبی یانوب کباب اولسون مرحوم استاد منزوی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

اجلال نزول حضرت سیدالشهدا(ع)به تربت خونبار کربلا و آمدن ذوالجناح به خیمه ها مرحوم انور دل آچوب طوطی طبعیم دانیشور دلبردن اورگیم غمله دولوب گوزلریم اشک تردن عاشقم عمر بویی دلدن حسینون آدینا ئوپرم نام حسین زینت اولان دفتردن شکر اولا حقّه منه قدرت تمییز وئروب آییروب عقل سلیمیم عَرَضی جوهردن کاش ئولنده آقامون قاره سی اگنیمده ئولم جان چاتا مقصدینه عشق همایون فَردن پیکریم حمل اولونا بزم عزادن قبره ائتمیم کوچ ابدی منزلیمه بستردن گوزل آدی آقامون نقش اولا قبریم داشینا ره گذر یاد ائده مولایه گوره نوکردن لحد آلتیندا بئله واردی بیر آز غصه لی خاک یادگاریدی قالوب نوحه یازان «انوردن» ظهریله عصر آراسی دوشدی حسین زین اوستن صوت عُرّا اوجالوب نُه فلکه لشگردن قاش گوزی صورتی بیر پارچا قیزیل قانیدی طاقت آلمیشدی تیکانلار او گل پَر پَردن جسم موزونیده یارای تعادل یوخیدی تیتریوردی بدنی اوخلار ائدن لنگردن یاره لی ال یارالی قلبینون اوستونده امام آیریلوب گون کیمی سیر ایلدیگی محوردن ایکی سوزش واریدی قانی آخان قلبینده بیری اوخدان بیریده داغ علی اکبردن تپراق اوسته یخیلان وقته دئدی بسم الله سجده ی شکریله یاد ائتدی حق داوردن انبیای اولوالعزم آچدی او صحراده باشین گلدی زهراده اورا جنّت جان پروردن مرکبی باخدی حسینه،ائدوب احساس خطر راکبین درک ائلدی قوزانا بیلمور یردن هی دولاندی باشینا شیهه سینی ائتدی بلند بویادی کاکلینی خون شه محشردن اوجونا صاحبینون قانلی لُجامین قویدی کلمه سیز قیلدی تمنّا یارالی سروردن دور سوار اول سنی فوراً یتوروم خیمه لره ائتمه شرمنده منی عترت پیغمبردن یاره لی جسموه هی اوخدی گلور داشدی یاغور چوخدی زجری سنه داش یاره سینون خنجردن هر قدر سنده نفس وار وراجاق کوفه لیلر بیر به بیر عضولرون آیریلاجاق پیکردن ذوالجناحه بیر اشاره ائلدی سرور دین گئت خیامه دئدی ال چک منِ بی یاوردن گوزی یولدا قالان اطفاله گوزل قاصدسن اوجالوب ناله سسی عائله ی حیدردن سوسوز آهولریم ایندی ملشور هجریمدن گئت حمایت ائله بیر عدّه قرا معجردن ویرمینجا باشیمی شمر دنی نیزه سینه کوفه نون اهلی بوراخماز یاخامی اللردن حلّ اولان گوردی دگل مشکل لاینحلّی یارالی مرکب اَنوب خیمیه فوراً تلّی بیر اوجا شیهه چکوب ایلدی اعلان خطر بیلون ای ختم رسول عترتی ختم اولدی سفر الظّلیمه سؤزی شیهمده شعاریمدی منیم قاصدم خیمه لره منده دی هر تازه خبر ایسته سوز دردی سیزه روشن اولا صاحبیمون ایلیون پیکر مجروحیمه دقّتله نظر منه بیر یاره دگنده اونا یوزیوز دگدی گورون ایندی یاراسی راکبیمون وار نقدر مایلیدیم گتورم،گئت دئدی سن خیمه لره باشینون اوسته آچوبدور باشینی پیغمبر منتظر قلبلره منعکس اولدی بو صدا چیخدی پیشوازینه وحشت زده آل حیدر اللری باشدان اوجا، طرّه لری یوزلرده هاموسی تشنه لبیدی هاموسی تشنه جگر بیر سوری قورخولی جیرانه شبیهیدی اولار ایلیوردی مَله جک سسلری آفاقه اثر ناقصیم واردی خیال ایلمه تشبیهیمده هانسی جیران آتاسیز قیز کیمی نسکللی ملر ذوالجناحی بیلوسوز گوردی نه حالدا بالالار سورونور یرده جلو ، قارنینین آلتیندا اَیَرْ دوره وردی بالالار مرکبی آلدی آریا بیرده گورمز ائله بیر منظره 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

آدمایی که بیشتر میفهمند رنج بیشتری میبرند 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

صبح 2 مرداد #رادیو_مرسی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

علیرضا_عصار سجاده عشق #امام_حسین #محرم 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

زبانحال حضرت زینب (س) با حضرت رقیه (س) سبک:گلمیشم فغانه یانه یانه عمه 🏴🏴🏴🏴🏴🏴 قلبیمی بو غمده داغلاما رقیه یاندی قلب زاریم آغلاما رقیه ای وفالی دلداریم خورداجا علمداریم آغلاما رقیه ( 2 ) یادیوه دوشنده اکبرون جمالی بو خرابه یرده اوج ایدر ملالی زینبی بو یرده ایلمه عزالی صبر ایله عزیزیم ای حسین غزالی ای وفالی دلداریم خورداجا علمداریم آغلاما رقیه ( 2 ) هجر و ماتمونده گلمیشم فغانه حالیمه قان آغلار بیلسه کیم شبانه زینبی یوروبدی سن کیمون زمانه قامتی دونوبدی غصه دن کمانه ای وفالی دلداریم خورداجا علمداریم آغلاما رقیه ( 2 ) قوی اوپوم لبوندن ای گل امامت آیریلوق غمیندن سولما ایله طاقت گل قوجاقیمه بیر یوخلا بلکه راحت صورتونده واردی زرد بیر علامت ای وفالی دلداریم خورداجا علمداریم آغلاما رقیه ( 2 ) 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

بسم الله الرحمن الرحیم #السلام_علیک_یا_اهل_بیت_النبوه #یوسف_عشق #اندر_مصائب_راه_شام سن  ایله  نوک جداده  عشقیله  ماءوا اوغول منده مجنون تک اولوم آواره ی صحرا اوغول آچ  گوزون بیر آن نولور بی خانمان لیلایه باخ چوخدی دردیم، آند وئرَّم من آنان  زهرایه،باخ گوزلریم  قربان اُولا اُول  دیده ی شهلایه، باخ آز منی  یاندیر  بو  غمده ای مَلَک سیما اوغول   چیخموسان  سیره  سرِ  سرنيزه  ده  اجلالیله من ده باشون آردیجا محزون، پریشان حالیله رهسپاروخ  شامه  روز  و  شب  بئله  منوالیله ایلروخ  طی  منازل  همره   و   همپا   اوغول آسمانِ  عمرومه  سن  بیر  ایشیقلی  ماه  سن یوسفیم  سن  نیزه  باشینده  اسیرِ  چاه  سن پیر   کنعانم   سنه  محتاج،  اوزون  آگاه سن بیر نگاهونله  اولار  بو گوزلریم  بینا  اوغول رنجِ   راهه   ائتمرم   اصلا   بو   یولارادا   گِله گلمرم   بیر   ذره   بو   غمدن  منِ   شیدا   دِله نیزه   دارون   آچمیا    ایکاش    آرادا   فاصله ائتمیه  بو  دیده  ی  خونباریمی   دریا  اوغول یثربی  ترک   ایلیَن  گوندن  منِ  زار  و  نزار سن دولاندون باشیمه یولاردا هی پروانه وار نیلییم قول  باغلی ام یوخدور الیمده اختیار ایلیَم  جبران  سنون زحمتلرون حتی' اوغول حبَّذا   اقبالیوه   اولدون   فدایِ  راهِ   عشق شوقِ وصل یار باشدا،  مستِ قربانگاه عشق ایلیوب همره اوزیله  چونکه شاهنشاهِ عشق باشیمی عرشه اوجاتدون ای ملک سیما اوغول زلفِ پر چینونده تِل تِل، تِل لره  دل  باغلانوب قلب   لیلادور  بئله   زلفونده  حایل  باغلانوب قید حسرت دور یانان دل ده حمایل باغلانوب آچمارام بو قیدی دل دن تا کی وار دنیا اوغول سن وفا  صیادی سن منده  غمِ عشقه اسیر عشقون  ایلوبدی  منِ بی خانمانی  دستگیر مین زلیخانی سنون عشقون ائدرعالمده پیر مرحبا نقاشیوه نقشون چکوب زیبا اوغول قلبمون قانین قاتیب گوزیاشیمه قان آغلارام آغلارام  بو غمده  فریاد  ایلرم  دل  داغلارام اولسا امکانیم آلوب باشون یاراسین باغلارام نیلییم وئرمور باشون بو فرقه ی اعدا اوغول وئرسه لر باشون  اگر سیللَم جمالون  قانینی بلکه  آرام  ایلیه بیر  آن   گویول  طوفانینی بو  دلِ غمدیده  مین  شاید  تاپام  درمانینی دردیمون درمانیدور اُول دیده ی شهلااوغول بو زبانحالی "دلجو" یازمیسان چوخ ساده وار سعی  ایله  بو  آستان  دان  دهریده اولما کنار روز و شب یاز نوحه وی بو نعمته قیل افتخار عزت  دنیا و  عقبی'  دور   سنه   تنها   اوغول #راه_شام #حضرت_علی_اکبر_ع #دلجو 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

‍ #کلید جنت# ا#رسالی از سعادتی قم المقدس # گرک حسینچی اولان صاحب دیانت اولا نتیجه ی عملی دینینه ضمانت اولا همیشه اگنینه تقوا لباسی زینت اولا حسین کیمی سوزی هیهات منا ذلت اولا بویوردی حضرت صادق رئیس مذهب و دین حسینه آغلیانین اجری دور بهشت برین او گوز یاشی که دیوب شرطی واردی ایله یقین بهشته گئدمگه لازمدی که طهارت اولا بو نکتیه گرگ ائتسون حسینچی چوخ دقت او هانسی گوز یاشی دور که بهاسی دور جنت نه علته وئریلوبدی اونا بیله قیمت بو قیمته داخی چاتماز نقدری نعمت اولا او گوز یاشی که آچار باغ جنتین قاپوسین تاپا گرکدی بو دنیاده عترتین قاپوسین او خاندان آچالار تا شفاعتین قاپوسین او گوز یاشی اونا تا که کلید جنت اولا اولده شمر اوزی آغلوب حسینه واردی سند گوروم که قادر قدرت عذابین ائتسون اشد اونین او گوز یاشی گر بیر یره ییغیلسا چو سد او آغلاماقلارا جنت محال قسمت اولا حسینه آغلاسا هر کس حرام ایشه باخماز حلالی ترک ائدنین اشکی صدقیلن آخماز دوز عاشق عشقینه رنگ خیانتی یاخماز محال دور بئله بیر عشقده صداقت اولا حسینچی دیلده حسین قلبده یزید اولماز اولار خطاسی ولی جرمی چوخ شدید اولماز ایچوب شرابی یقین مست اولوب پلید اولماز بو کج مسیره گئدن تیره بخته لعنت اولا ندندی ایندی حرامی هوسلین چوخدی عزا لباسی گیوب شمری سسلین چوخدی یزید عشقینی گوز یاشلی بسلین چوخدی مگر روادی حسین عشقینه خیانت اولا واریدی شمرده قالو بلاده زینب ده واریدی شمرده کرب و بلاده زینب ده توکردی گوز یاشی شمر دغاده زینب ده مهم اودور او بکاده نه نوعی نیت اولا بو آستانه ده (( زعفر )) خطا یولین گئتمه مواظب اول عمل زشت و ناروا ائتمه مرادیوه ره مکر و ریائیلن یتمه تلاش ائله عملون مایه ی سعادت اولا 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

حالات ورود اهلبیت به کوفه باشون اشاقه سالوب زینب آغلیوردی حزین دوشردی یاده گئچن گونلری اولوردی غمین دیردی کیم بیلوری کوفه ده جدالیم وار گئچن زمانلاری یاده سالام خیالیم وار بورا او یردی آتام پایتخت ائدوب ئوزونه گورردی کوفه لی لر حشمت و جلالیم وار بورا او یردی که بش ایل خانملیق ایلموشم گورردی عورت اوشاق مکتب و مقالیم وار بورا او یردی ابوالفضل و نچه قارداش آلاردی دوره می مردم گوره نه حالیم وار من هرکسین سوئونردی سلامین آلسیدیم دیردیلر منه لطف ائت خانم ملالیم وار گورردی کوفه نین عورتلری مجالسده باشیمدا معجر و بوینومدا سبز شالیم وار یوخومدی معجر اضافه چکم الان یوزومه یوخاری قوزامورام باشیمی بو حالیم وار او زینبم ولی کیم باور ایلیر گورسه باشیمدا سایة شمشیر وار ظالم وار قبول ایلمز هیچ کیمسه زینبم یارب قولومدا بند رَسَن باشدا قیل و قالیم وار گنه خانم ئوزون آماده ایلدی دانیشا بویوردی اُسکُتوا ای کوفیان سئوالیم وار بیلورسوز هانسی جگر پاره ائتدوز احمددن سیزه قضّیه نی روشن ائدم خیالیم وار اون ایکی مین اونا نامه یازندا یوخ غیرت یزیده اگدیله باش شرحه انفعالیم وار اوتانموسوز یغیشوب آل احمده گولوسوز بیلنموسوز نقدر محنت استغالیم وار خیال ایلموسوز ایندی اقتداریم یوخ یزید کاخینی ویران ائدم مآلیم وار سیزه عُبید زیادون مرامی روشندور بو کوفه ده اونی رسوا ائدم مجالیم ور علف کیمی اسوروز یل اسنده هر طرفه منافق اولماقوزا دلده اشتغالیم وار گوروم که آز گوله سیز سیزلری چوخ آغلیاسوز همیشه حیله لروزدن غم لیالیم وار ✍منکلام:استادحاج غلامرضا عینی فرد زنجانی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛