السلام علیک یا اباعبدالله الحسین(ع) دوشوبدی باشیمه یارب هوای کرب و بلا آلیر قراریمی دیلدن صفای کرب و بلا دوشور خیالیمه بین الحرم اورک آلیشیر که بی مثالیدی الحق فضای کرب و بلا حریم جنتی روحیم قوشی طواف ائیلیور او دم که قلبیم اولور آشنای کرب و بلا گوزوم بولوط کیمی اشکیله هی دولور بوشالیر دوشنده یاده هاچان ماجرای کرب و بلا حسینه اغلاماق البته خوشدی هر یئرده ولی صفالیدی بزم عزای کرب و بلا مریض عشقم اگر تاپماسام دوا ئوللم علاج ائدر غمه خاک شفای کرب و بلا پیاده یوللاری گویا بهشته زایرسن نفس وئرر یورولاندا غذای کرب و بلا شرار محنتیله اود دوتوب یانیر اورگیم بیر استکان اولا کاش الده چای کر ب و بلا نولار گوروم گینه یولدارشلاریملا زوارم دیلیمده ذکر الیمده لوای کرب و بلا حسین مکتبینین جانثاری اوللام من شرف وئریب بیزه اول مقتدای کرب و بلا ✍#بقلم_محمد_هوشمند_ 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛