##ارسالی از سعادتی قم المقدس ## هر زمان گورسم گلیرموجه آخیر مستانه سو آغلارام یانام ویرار اود بو دل سوزانه سو یاده عاشورانی سالدوقجا اولار دریا گوزوم وار یئری دونسون گوزومده قطره قطره قانه سو یاده سالام عترت زهرانین عطشان لبلرین دیل دوداقیم اودلانار گلدوقجا هر عنوانه سو نه روا اوز باشینه صحرالره آخسین فرات اهل کوفه وئرمه سین بیر قطره ده مهمانه سو سو مگر مهریه زهرا دییل آیا ندن کربلاده اولدی اهلبیتینه بیگانه سو آل طاها قالدی عطشان ایچدی سو اهل جفا تا قیامت وار یئری گلسه اگر افغانه سو باخدی سقا چشم حسرتله بوشالمیش مشگینه تشنه سرداری سالیب دیر درد بی درمانه سو الده نقد جان گلیب میدانه سقای حرم بیلدی وئرمز یول کسنلر قیمت ارزانه سو نهری آلدی مشکی دولدوردی سووا لب ورمادی تا خجالتدن دونه بیر آتش سوزانه سو ائیلدی سقانی شرمنده اوشاقلاردان عدو اولمادی امکان گتیرسین تشنه لب طفلانه سو قالدی سو جامی الینده تشنه قیزلار منتظر مشکی اوخ دلدی توکولدی حیف نخلستانه سو یاندی سقا شرم اودوندا دوندی خجلتدن سوا تا قالا عطشان همیشه اول لب عطشانه سو اولمادی بیر کسده انصاف و مروّت تا دییه قوخمیون دریا قوتولماز وئرسه بیر پیمانه سو گون به گون آرتار آزالماز هیچ ربابین نیسگلی یازسا شاعر لر نقدری دفتر و دیوانه سو کیم سوسوز اولسا وئره للر سو اولار راحت ولی قان اولان قلبین ربابین دوندریب القانه سو یاتدی قیزلار یاتمادی شام غریباندا رباب زورق جسمین سالیب بیر سهملی طوفانه سو اصغرین یاد ائیلدوقجا توکدی گوزیاشین دئدی هارداسان قسمت اولوب سنسیز من نالانه سو گل علی گل هارداسان اولسون آنان قربان سنه وئرمه دی دشمن لر حتی سود امر قربانه سو گون قباقینده قوتاردی عمرینی بیکس رباب هر سو ایچدوقجا کانه اود سالیب دیر جانه سو سو آدی گلدوقجا عطشان گوگلومی#مدهوش ائدیر گوزلریم توکسون گرک دیر بو دل سوزانه سو #مدهوش کانال رسمی مدح و مرثیه اهل بیت عصمت و طهارت علیهم السلام ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

شام غریبان ## #ارسالی از سعادتی قم المقدس ## کیم کول اوستونده وئریب یئر بئله مهمانه اوغول کیم گتوردی باشیوی کوفه ویرانه اوغول سینم اوستونده سنی بسلدیم ای روح و روان ساخلامیشدیم گوزوم اوسته گئجه گوندوز نگران وای منه قانلی باشین گور ائلییوب هاردا مکان دوندریب له نئجه گور باغریمی القانه اوغول نقدر ظلمیده طغیان ائلییوب اهل جفا باشوی تشنه کسیب لر دالیدان وا اسفا پیکرین باشدان ایاقه یارادی نازلی بالا منی دردین گتیریب ناله و افغانه اوغول گلمیشم دیده سی گریان چکیرم حسرتیوی گوزون آچ ائیله بیان باشه گلن محنتیوی کیمه تاپشورمیسان ای شاه جهان عترتیوی یوخدی بیر کس چکه باش زینب نالانه اوغول باشوا وئردیله مطبخده یئر ای ماه لقا گلمیشم دیدیوه بو منزله من دیلده نوا یوخسا زهرا هارا بو منزل بیگانه هارا وای اولا بیر بئله منزل بئله دورانه اوغول آنا قربانین اولا قویما کول اوسته یوزوی نگرانم دیله گل منله دانش هر سوزوی هله فرصت دی اوپوم قانیله دولموش گوزوی بیر ده قسمت اولا هیهات بو پیمانه اوغول بیله تقدیری دی سن جاه و جلاله چاتاسان حقه لبیک دئیوب قانیوه عطشان باتاسان قویماز اعدا سنی بوندان صورا راحت یاتاسان گیده جاق قانلی باشین نیزه ده هریانه اوغول گرچه سو وئرمه دی عطشان باشیوی کسدی عدو تشنه ی جام بلاسن سنه لازم دگی سو لب عطشانیوه حسرت چکیری جام و سبو عالم عطشانیدی بیله لب عطشانه اوغول #مدهوش #محمد_هوشمند 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

#وداع زبانحال غمونده باغریم اولدی قان هارا گئدورسن آی ننه اماندی صبر ائله دایان هارا گئدورسن آی ننه بابام رسوله نور عین اورکلرین حبیبی سن جهاندا یوخ تایین آنا نجیب لرین نجیبی سن کیمه اذیتین دگیب که شهروون غریبی سن منه بو سری قیل بیان هارا گئدورسن آی ننه صغیر اوشاقلارین ندن بو نوعی گوزدن آتمیسان ائوین صفاسی یوخ داخی که گون مثالی باتمیسان نماز وقتدور اویان نه بی جواب یاتمیسان اویان عزیز جان اویان هارا گئدورسن آی ننه کیمه دئیوم اورک سوزون که یوخدی آشنا منه نئجه دوزوم بو سنّیده هجوم ائدیب بلا منه جهان محبت ائیله سه مگر اولار آنا منه منه عزیز و مهربان هارا گئدورسن آی ننه اجل آییردی تئز سنی بو عالمین وفاسی یوخ سن اولماسان داخی ائوین نواسی یوخ صفاسی یوخ ئولوم چتین دی هر ندن بو دردین هیچ دواسی بهارین اولدی تئز خزان هارا گئدورسن آی ننه دئدیم اجل وئره امان آناما خدمت ائیلیم اقلی فرصت اولمادی دویونجا صحبت ائیلیم کرگ اورک یاناندا من اوزومله خلوت ائیلیم حالیما یوخدی بیر یانان هارا گئدورسن آی ننه بابام اجازه وئرموری اوجادان آغلیام سنه که بلکه سس یئتیشمییه بو نصف شب ده دشمنه دویونجا اوخشیانمادیم گلیر بو غم گران منه خراب اولیدی بو جهان هارا گئدورسن آی ننه غریب ئولن عزیز آنام ائدیم باشا نچاره من نه وار ائوه اگلیب گئدن نه واردی تسلییت وئرن بابام علینی سیندیریب سپاه غصه و محن قولی شکسته قهرمان هارا گئدورسن آی ننه گوزوندن آتما زینبی سنه فدا اولوم آنا زمانه سالدی محنته دونوبدی باغریمیز قانا قالیب دی دورت یتیم بالان شکسته دل یانا یانا اورک یارالی باغبان هارا گئدورسن آی ننه هر ایل ده فاطمیه ده آچیلسا عشق دفتری بیریسی اولسا اهل دل سالار خیاله انوری یانا یانا دولار گوزی اورکده درد مجمری دییر منه عزیز جان هارا گئدورسن آی ننه #فاطمیه #مدهوش #محمد_هوشمند 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

#زبانجال #جدید ای عشقی اولان عمریمه سرمایه عم اوغلی عزت وئرن‌ ای خلقتی دنیایه عم اوغلی مشتق اولونان کلمه ی اعلادن علی سن حق اهلینه دنیا بویی میزان و ولی سن عالم لری حیران ائلیین نور جلی سن مظهردی جمالین حق یکتایه عم اوغلی مین عالم اولا مثلیوی تکرار ائده بیلمز منطق ده بیری سن کیمی گفتار ائده بیلمز بیر کس گوزل اجلالیوی انکار ائده بیلمز قران دولوسی شانیوه وار آیه عم اوغلی زهرایه نصیب اولدی بو آز عمر سعادت تا سن کیمی مولایه ائده شوقیله خدمت صبر ائیله اگر آیریلیق اولدی بیزه قسمت تقدیر بیزی چکدی بو ماوایه عم اوغلی هر قدر توان وار ره عشقینده دایانام پروانه کیمی نار مصیباتیوه یانام مین جانیم اولا قانیمه مین دفعه بویانام قربان اولا جان سن کیمی مولایه عم اوغلی سنلن دی منیم هر ایکی عالمده جلالیم سنلن دولانیر شام و سحر مرغ خیالیم دیلدن سیلینر گرد غم و رنج و ملالیم ائتدوقجا نظر سنده کی سیمایه عم اوغلی جانسان منه ای شاه ولا قدریوی بیللم گر قاخسا قولوم گوزلریوین یاشینی سیللم اما بیلیرم صبحه کیمی قالمارام ئوللم آز قالدی گئدم عالم عقبایه عم اوغلی گل بیر دانیشاق وقت سفر چوخلی سوزوم وار بو لحظه آخر گئنه لطفونده گوزوم وار سنده بیلیریم بار مصیبتاته دوزوم وار صبر ائیله بو اندوه و بلایایه عم اوغلی هر چند بو آز عمریده وئردیم سنه زحمت عفو ائیله منی باشلانیر ایام فراقت بو لحظه آخرده واریم نئچه وصییت خوشدور اوز الینلن یئته اجرایه عم اوغلی دورت گل قالیری گلشن عمرونده امانت مندن صورا بو گوللره چوخ ائیله محبت سعی ائیله داخی چکمییلر رنج و مشقت یانام دوشه گر هر بیری ایذایه عم اوغلی قران اوخی قربان سنه جان گلدی دوداقه وصل عالمی ختم اولدی بو گون بزم فراقه باشین ساغ اولا لطف ائله دین یاخشی قوناقه شامل ائله دین لطفیوی زهرایه عم اوغلی بیر عمر منه اولدی آدین مایه عزت سنلن منه حق شان و شرف ائتدی عنایت چوخ خدمت ائده م حیف سنه اولمادی فرصت اگهسن اوزون دیلده تمنایه عم اوغلی ای حجت حق میر هدا نور تولا دفن ائیله گئجه وقتی منی ای شه والا راضی دگیلم دفنیمه شرکت ائده اعدا یوخدور منه بو شهریده همسایه عم اوغلی قربان اولا جانیم سنه هر رازه امین سن یوخ چاره وصیتده داخی اینجمه مندن وئر غسل منه سن دل شب کوینگین اوستن توک گوزیاشیوی جام تسلایه عم اوغلی بیر گون بیلیریم‌ امت ائدر ظلمیده طغیان حق اوسته اولار تشنه حسین قانینه غلطان مطبخده اولار بیر گئجه نی کوفه ده مهمان یانام بو غم و محنت عظمایه عم اوغلی جان اوسته دوشوب یادیمه بیر مطلب دیگر سالدوقجا خیاله دوشوری جانیمه اخگر ظلمیله چکر زینبوی شمر ستمگر قولباغلی بو صحرادن او صحرایه عم اوغلی 1403 ابان #فاطمیه 1403 #مدهوش #محمد_هوشمند 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

نوحه زبانحال #ام_البنین #ارسالی از سعادتی قم المقدس ## ای منیم آرام جانیم نیّر تابان ابالفضل هارداسان گل باشیم اوسته جان وئریم آسان ابالفضل ای منیم ماه منیریم هارداسان غیرتلی شیریم دورت اوغولدان نئیلیوم بس هیچ بیری یوخ باشیم اوسته گلمیشم نی تک نوایه غربت ائلده دلشکسته آزقالیر عمروم قوتارسین بار غمدن زار و خسته گوزلریم یوللاردا قالدی باغریم اولدی قان ابالفضل من نه مدت دور بیلریسن اولموشام هجرونده دلگیر گوزلدیم یول گلمدین سن روحیمی غم ائتدی تسخیر یوخ امان پیک اجلدن ائتموری بیر لحظه تاخیر آزقالیر چیخسین دوداقدان حسرتیله جان ابالفضل نیسگلیم چوخدور اورکده مونسیم یوخ دور وطنده کیم واریم تا رو به قبله ائیلسین تا جان وئر ده سنده گلسون دردیم آرتار قوللارین یوخدور بدنده اود دوتار یکسر وجودیم ائیلرم افغان ابالفضل سن گئدن گوندن عراقه اولموشام منده زمینگیر هر گئجه گللم فغانه وار اورکده آه شبگیر بسکه نالم ده اثر وار ائیله دی دشمنده تاثیر سس سسه وئردی منیله آغلادی مروان ابالفضل غملی باشدا یدی قاره م وار، حزین ام البنینم اشک حسرت گوزلریمده دلغمین ام البنینم عزتیم گئتدی الیمدن بی بنین ام البنینم گلشن امیدیم اولدی ظلمیله تالان ابالفضل اوز خیالیمده سنیله ای وفالی همدم اوللام طائر روحیم آچار پر کربلاده با هم اوللام سسلرم گلمز جوابیم غرق دریای غم اوللام غم سالار هر لحظه سنسیز روحیمه طوفان ابالفضل یاده ساللام کربلانی حسرتیله یانه یانه ائیله گللم شور و شینه وورام اود قلب جهانه بیر بولوک ایل و تباریم کربلاده باتدی قانه غصه قلبیم دن آزالماز هیچ منیم بیرآن ابالفضل وای منه ، ایوای نه چکدین باشیوه یاره دگنده نیلده دین السیز او چولده مرکبین اوستن دوشنده ای منیم غیرتلی شیریم کیم سنی سالدی کمنده یادیمه دوشدوقجا یانام ای یل دوران ابالفضل داغلی قلبیم تنگه گلدی یانمیشام نار فراقه دفتر عمریم غمیله دولدی جان یئتدی دوداقه تیکمیشم گوز ای عزیزیم شوقیله سمت عراقه هارداسان ای راحت جان دردیمه درمان ابالفضل پرچمه باخدوقجا گوردوم باشیوین درد و بلاسین مشکه باخدیم شرح ائدوردی نهر علقم ماجراسین داغلی قلبیم یاندی بیلدیم اوخ یاراسین داش یاراسین عشقیوه قربان که ائتدین عالمی حیران ابالفضل هارداسان گل داده اوغلوم دیل دولی نیسگیل غریبم باشدا قاره جان دوداقدا ائللریم دن بی نصیبم ای آدی دردلر دواسی منده مشتاق طبیبم کاش اولا حسن جمالون ئولمه میش احسان ابالفضل ای وفالی قهرمانیم غم منی سالدی حصاره گل اوزون عزتله اوغلوم نعشیمی تاپشیر مزاره بیر دویونجا اوخشا آغلا بو غریب و دلفکاره قبریم اوسته خوش سسیله باشلا بیر قران ابالفضل #مدهوش 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

#میلادیه سحر آچیلدی، گونش اوجالدی، یئتیشدی حق دن، گوزل نشانه خبر گتیردی، صبا نسیمی، کی جان جانان، گلیب جهانه مبارک اولسون مبارک اولسون مبارک ( ۴ ) ائدیب تجلی ،گوزل جمالی،صفا تاپوبدی جهان خلقت محبت اهلی چاتیبدی کامه دونوبدی دونیا یوزی جنانه بهار گلدی چمن سئویندی چیچک لنوبدی دوباره باغلار اویاندا بولبول، بویاندا قمری، گلوبدی شوره اوخور ترانه مبارک اولسون مبارک اولسون مبارک ( ۴ ) گولوب دوداقلار جوشوب بولاقلار یانیب چراغلار، نگار گلدی موبارک اولسون، بو عید اعظم ، مداوم اولسون بو خوش زمانه جمالی زیبا ، کمالی اکمل، صفاسی باقی ، عزیز و خوش یمن مبارک اولسون بو ماه عشقین قدوم پاکی جهانیانه مبارک اولسون مبارک اولسون مبارک ( ۴ ) مقام وعزت، نعیم رحمت، صفا و صولت، تاپوبدی انسان عنایت ائتسین خدای ذوالمن بو تازه مولود اولوب بهانه ائدین نظاره، جمال یاره ، ایشقلی آی تک اولوب نمایان خدایه حمد و ثنا کرگ دور بو لطف و احسان بو ارمغانه مبارک اولسون مبارک اولسون مبارک( ۴ ) گوزل نگاریم وفالی یاریم ای افتخاریم عنائت ائله سنه غلامم سنه گدایم سیخیلمیشام من بو آستانه #کربلایی_محمد_هوشمند #مدهوش 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

#سلام سلام بر غریب بغداد حضرت امام موسی کاظم ع سلام تیر بلا داغلی قلبینی بولنه سلام گوشه ی زندانیده غریب ئولنه سلام سینه ده چوخ نیسگلی قالان آقاما فراق محنتی ، آرامینی آلان آقاما سلام اولا او عزیزه که همدمی یوخیدی انیسی آهیدی باشدا بلاسی چوخ چوخیدی سلام او عاشقه که ذات حقه عاشیقدی همیشه ذکر دعا و نمازه شاییقیدی سلام او عابده کی ذکر حقه طالبیدی رضای حقه گوره دیو نفسه غالیبیدی سلام او مومنه که ظلمه اولمادی تسلیم سلام او رهبره کی کفره ائتمه دی تعظیم سلام اولا او مریضه که یاد ائدن یوخیدی گوروشه گوشه زندانیده گئدن یوخیدی سلام او شیره که اولموشدی بسته زنجیر دیلینده جاری اولوردی او حالیده تکبیر سلام او عابده که عالی امتیاز اوسته دایاندی گوشه زندانیده نماز اوسته سلام او زاهده که قیده اولمادی بسته ولیک سند او قدر ووردی ائله دی خسته سلام اولا او امامه که صبره حاکم دیر مصیبت عالمی داغ تک متین و کاظم دیر سلام اولا او امامه که حقه شاکری دی غم و مصیبته دریا مثالی صابریدی سلام او سروره که دوشدی درد هجرانه گوزل بالالاری دائم گلردی افغانه دئیردی گرچه بو زنداندا ناخوشام یارب ولی بو خلوته چوخداندی دلخوشام یارب ادامه دارد.. #محمد_هوشمند #مدهوش 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

میلاد نور اراده ائله دی حق تا وئره دنیایه پیرایه حسینیله وئریب شعبان آیی پیرایه دنیایه بو نوریله اولوب افلاک روشن سوم شعبان حسینی خالق ارض و سما پای وئردی زهرایه حسین نور خدادور که ظهوره گلدی عالم ده فدا جانلار بیله بیر سویملی مولود والایه اولوب بیت امامت انس و جنه کعبه ی آمال گلیر خیل ملائک شوقیله گویدن تماشایه چکیب صف انبیا و اولیا چوخ شوق و ذوقیله دئسین لر تهینت تا بیر به بیر بو امری طاهایه حسینین عشقینی خالق اوزی یازمیش اورکلرده گوزل بیر تحفه دی الده صفای عشقی عقبایه حسین نور هدایت دیر حسین منهاج وحدت دیر حسینیله چاتار عنقای جان قاف تمنایه حسین کان کرامت دیر حسین راه سعادت دیر حسین عشقی چکر موسالری صحرای سینایه حسیندور نوحه پشتیبان خلیلی قورتاران اوددان حسیندور که وئروب ذکر شریفی دم مسیحایه حسیندور شیعه یه دنیا و عقبا عزت و شوکت تولاسی وئریب شان و شرف اهل تولایه حسینون مکتبی بیر مطمئن یولدور تکامل ده ملازم دور تولا و تبراسی مصلایه حسینون کربلاسی قتلگاهی عرش یزداندور شهادت منصبینده بو شهیده یوخدی همپایه حسینین حق یانیندا رتبه سی افضلدی والادی گرگ فخر ائیلسین شیعه ایکی دنیاده مولایه حسینه عاشقم تا عمر وار حسنونده مدهوشم خوشام مجنون کیمی عشقینده دوشسم کوه و صحرایه #محمد_هوشمند #مدهوش #شعبان 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

#عرض ارادت به مقام امام سجاد ع#﷼ #ارسالی از سعادتی قم المقدس ## ای اسوه تسلیم و رضا حضرت سجاد قربان اولا عالم سنه ای قید دن آزاد عابدلره ای زینت اولان ذکر و نمازی ساجدلره ای فخر اولان قبله اوتاد سنسن اسرا رهبری قرانه مبلغ سندن اوجالیر عالمه یئتمیش ایکی فریاد یوخدور حرمین قبریوه قربان اولا جانیم دنیا نقدر وار آقا اولسون ائوین آباد ای کرببلا شاهدی ای صابر اعظم راوی لره سندن اولی هر عصریده امداد سن کرببلا نین غم عظماسینی گوردون قلبین دوتولوب اولمادین هیچ لحظه ده دلشاد شاماتیده هر بیر غمه دوزدون نئجه دوزدون حیران دی سنون صبریوه بو عالم ایجاد دردین یازیلیب قلبلره اولدی صحیفه تا قلبین اولا معرکه غصه دن آزاد هر خطبه ده مین لر دل نادانی آییتدون غفلت ده یاتان امتی سن ائیلدون ارشاد باخدون نئجه دوزدون آتاوین یاره لی باشین سرنیزده گزدیردی بوتون چوللری جلاد احیا ائلدون حقی عیان اولدی بو مطلب "با آل علی هر که در افتاد ور افتاد" #مدهوش 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

ولادت شبیه مصطفی شده امشب جهان روشن، به ماه انوری دیگر خدا آورده بر دنیای خاکی دلبری دیگر به حسن و جلوه‌اش شد آسمان زندگی روشن رسید الله اکبر را، نشانِ اکبری دیگر ملائک تهنیت گویند بر پیغمبر خاتم که نخل عصمت آورده کنون، بار‌ و بَری دیگر عیان گشته به دستان ظریفش قدرت اللهی گشوده چشم در آغوش مادر حیدری دیگر عجب حسنی، عجب نوری، عجب روی دل انگیزی رسید از جانب حق، آیه و پیغمبری دیگر چنان مژگان او در باغ چشمانش مسلح بود که گویی آمده بر فتحِ خیبر، لشگری دیگر خدا منت نهاده بار دیگر امت حق را نموده خلق از بهرِ هدایت رهبری دیگر مقدر بود از روز ازل اوضاع عاشورا به اردوی حسین امشب رسیده یاوری دیگر به دشت کربلا دیدند اعدا، ضرب شستش را که جاری بود در لبهای تیغ‌اش، آذری دیگر ز درد تشنگی تا بر امام خویش حاجت برد عیان شد بر جهان اعجاز با انگشتری دیگر امان از لحظه‌ای که کرد منشق، فرق حیدر را میان معرکه با تیغ کینه، کافری دیگر غلامی هستم و بر خوان احسانش طمع دارم اگر چه نیستم در کوی وصلش قنبری دیگر بیاد خال رویش می‌شوم مدهوش هر لحظه رسیده بر سرای شاه خوبان نوکری دیگر #محمد_هوشمند #مدهوش #حضرت _علی_اکبر_ع 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

میلادیه نیمه شعبان## #ارسالی از سعادتی قم المقدس ## ای پور مرتضا دلبند مصطفا سلطان ماسوا سن شاه من گدا یابن الحسن آقا (۲) دیل تنگه گلدی گل غم قلبی دلدی گل وصلین گوزلدی گل قویما اورک یانا جانیم سنه فدا یابن الحسن آقا (۲) ای درده آشنا سر منشا وفا وی علت بقا جانیم سنه فدا یابن الحسن آقا (۲) ای منجی جهان ائله اوزون عیان غم دن امان امان قلبیم دونوب قانا جانیم سنه فدا یابن الحسن آقا (۲) دردیم عیان دی گل حالیم یامان دی گل اشکیم روان دی گل یوخ دردیمه دوا جانیم سنه فدا یابن الحسن آقا (۲) یا صاحب الزمان یا امن و الامان مولای مهربان وئر قلبیمه صفا جانیم سنه فدا یابن الحسن آقا (۲) گل انتظاریوم چوخ بیقراریوم باخ اشکباریوم قلبیمده وار نوا جانیم سنه فدا یابن الحسن آقا (۲) شعبان 1402 #مدهوش #محمد_هوشمند 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

میلادیه نیمه شعبان ای پور مرتضا دلبند مصطفا سلطان ماسوا سن شاه من گدا یابن الحسن آقا (۲) دیل تنگه گلدی گل غم قلبی دلدی گل وصلین گوزلدی گل قویما اورک یانا جانیم سنه فدا یابن الحسن آقا (۲) ای درده آشنا سر منشا وفا وی علت بقا جانیم سنه فدا یابن الحسن آقا (۲) ای منجی جهان ائله اوزون عیان غم دن امان امان قلبیم دونوب قانا جانیم سنه فدا یابن الحسن آقا (۲) دردیم عیان دی گل حالیم یامان دی گل اشکیم روان دی گل یوخ دردیمه دوا جانیم سنه فدا یابن الحسن آقا (۲) یا صاحب الزمان یا امن و الامان مولای مهربان وئر قلبیمه صفا جانیم سنه فدا یابن الحسن آقا (۲) گل انتظاریوم چوخ بیقراریوم باخ اشکباریوم قلبیمده وار نوا جانیم سنه فدا یابن الحسن آقا (۲) شعبان 1402 #مدهوش #محمد_هوشمند 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛