- سِكايبَ .
. 𓏺 : @Cliii_1 𓏺 .
مره بليله من الخوف
شفت شباجي سد روحه
رسمت اعلى سگف احلامي
قبل النوم ونمت بعين مفتوحه
وشفت امرايتي من ابعيد
مكسوره وعليها اثار دم من ايدي ممسوحه
وسمعت اطفال صوت اصايحهم عالي
بحديقتنا وحجي وضحكات مفضوحه
وطفل گال لطفل بس أصعد ادفعني
رغم ماعدنه مرجوحه
ورغم ماعدنه حتى اطفال
افراگك سوه بيَ اشياء
ماتخطر ابد ع البال
- سِكايبَ .
. 𓏺 : @Cliii_1 𓏺 .
خية مالچ عرف بیه مضیعه بنَية
ارید اضحک و اراویچ ابتسامه
تذکرین آخر ضحکه ویای
ضحکنا و بینت ضحکت ندامه
منهد مالتی یبنی یبنی الوحدک نام
الهسه و آنه ادور لیل انامه
لهسه بلا قطه و من یعبر الیل
یفززنی البَرد فزت حمامه
عرفت الَغیرت ب رسوم الایام
عرفت الشایل ب صدره القیامه
یما هاي آنه الَغریبة الما کملت ضحکته
و الی تشیل جنازته و تفزع عمامه
یمه تنقصت من عیشه العوز
من ضیم المصائب ولملامه
بعدنه بلا عرس و الَوادم اتگول
محد عرس بذول الَیتامه
- سِكايبَ .
. 𓏺 : @Cliii_1 𓏺 .
شفت كوَمة عبي وزدَاد همي
اگلب بالعَبي ما بيهن امّي
لا مشُيتها لا ذبه رجُلها
صوت بتوَتها تسمع دوِلها
من تمشِي العطُر يمشِي وراها
ومن تلبس عباه محلا عبَاها
وانا تمنيت هَاي الليلة يمَي
واكُلب بالعبي مَا بيهُن أمي .