#بداهه_سرایی_در_گروه_شعرا_و_مادحین تاریخ 97/7/20 ضمنا شراکت تمامی اعضای مجموعه کانالهای مدح ومرثیه در ثواب این عرض ارادت حتمی میباشد الله الله کربلاده معنی احسان یاتوب ؟ یا سپهر عشقیده خورشید افروزان یاتوب ؟ ایلیوب یکسر احاطه کربلانی بحر نور گوئیا انوار حق ایلور بو ماوادن ظهور موسی عمرانی حیرتده قویوب نور حضور طوره باخ نوری ایدوب موسانی سرگردان یاتوب طور سینای محبت ده ایدوب موسانی مست موسوی عیسی' اولوبدور طوریده صهبا پرست قبر پاکی، ایلیوب مسکن، خدای هستِ هست معنی عشقه وئروب عالی سر و سامان یاتوب عیسی عیسا قویوب عیسانی حیران عشقینه وار یئری گر اهل عالم اولسا قربان عشقینه ایلیوب فدیه بو عشقین صاحبی جان عشقینه عشقینه عشق ایلیوب فی المحضر جانان یاتوب آه او ساعتدن یتوب زینب بلا صحراسینه درد محنت وئردی یوز کرب و بلا زهراسینه خون دل قاتدی دوباره چشم خون پالاسینه چون گوروبدور ساقی مستان، اوزی عطشان یاتوب مرقد ششگوشیه دقتله تا سالدی نظر آه آتشباری ووردی رکن ارکانه شرر گوردی گویا سینه مشروحیده بیر سود امر سونمیوب سوز و گدازی العطش گویان یاتوب دور مهر عالمه حلقه ووروب نچه قمر زیب اولوب بالا سره نعش حبیب خونجگر عرض ایدوب، حر هاردادور، ای خسرو عالی سیر خجلتیندن بولمورم پیدادی یا پنهان یاتوب جان زینب عرشیدور، یا فرشدور قبرون شها! عرشیده بو کثوت اولماز بوردا وار روح خدا ایلیوب تذهیب بو ششگوشه نی پایین پا لیلی نالانی ایلوب گور نجه گریان یاتوب ای یکانه مهر رخشان سپهر آبنوس روح آدم، جان خاتم، عالمه نفسِ النفوس صبر ایدوب بیر اربعین هجرانیوه تازه عروس چون بولوردی کربلاده روحینه ریحان یاتوب ای شهید راه شاهد شاهد منان حسین آلتی گوشه بو مزاره زینبون قربان حسین قاسمین هاردا یاتبدور قالموشام حیران حسین قاسمینده باغری اولموش اکبرون تک قان یاتوب؟ مجتبی دوشدوقجا یاده قاسمی یاد ایلدیم نو عروس قاسمی گوردوقجا فریاد ایلدیم قبرینه گتدیم سریه قلبینی شاد ایلدیم محضرونده قاسمی گوردوم که دست افشان یاتوب وار گلایم قلبیدن اسپهر نیلی فامیدن اولمادوم آسوده خاطر گردش ایامیدن کاروان عشقیوی آخر گتیردیم شامیدن بیر قالیب نازلی رقیه ن شامیده نالان یاتوب شامیده نازلی قیزون اشراریدن طاقت آلوب شور و حالیله یزیدین جانینه لرزه سالوب نهضت خونینه شام ایچره نماینده قالوب فکر واهی ائتمسونلر شامیده طوفان یاتوب نه نماینده سفیر کشور خونین شاه درگهی شاهان دهره شامیده عالم پناه جذبه ی زینبدن اولموش واقف سرّ اِلاه خط سیرین ایلیوب شاماتیده پایان یاتوب نازمان مستغرق اولدی زینب کبرا غمه ایلیه عرض ارادت تا کی صاحب پرچمه قویدولار یوز دیده گریان سمت نهر علقمه نهر علقمده بولوردی ساقی عطشان یاتوب حالت رقّت یئتیشدی قلب زار زینبه آگه اسرار ایدوب، زوار عشقی مطلبه خیردا قبر اولماز اوجا قامتلی صاحب منصبه سرو خوابیده بولوردی پیکری شان شان یاتوب قلب «دلجو» دور «زکی» دن یار دلدار آختارور بار محنت دن «عتیق» ی عشقینه یار آختارور ناله ی « شبگیر» یلن کهنه خریدار آختارور بطن شعرینده اگر دقتله باخسان جان یاتوب https://telegram.me/ganjine5