‍ ‍✳️ شعر محلی وصیت : بَمِردمه مِسِّه سیو نکنین مِسِّه چش ر هراز او نکنین مسه اتا تپه اسری نشندین گلاب ر تابوت پلی نشندین تا دیمه گتنی وضو نهیرنه دل ر خدای روبرو نهیرنه ته همونی که تش ر تو هدایی مره دس بزویی دریو هوایی ته همونی مه پاره داز بزویی نوج بزه سوزی ر گرواز بزوهی کاری هاکردی که کهلین بهیمه اتا عمر خنه نشین بهیمه کاری هاکردی منه بال بسوته مره پرهایتن اقبال بسوته مره ارزون مره ارزون بروتی مره دکون نامردون بروتی مه خنه کور سو بئیه نشایی مریض بیمه دم آخر نمویی خسته تن بیمه مه کایر نمویی چه برمه ای اسیر خاک بهیمه بنه ی ما چکل خراک بهیمه چه برمه ایی سر ر هاچین بزونه مه دور ر صدتا لا آپچین بزونه اسا رخت سیو کندی چچی سه؟ چش ر اسری او کندی چچی سه؟ اسا نون و خرما دنی چه فایده مسه ختم جابه جا دنی چه فایده ؟! اسا ریش ر بلند کندی چه فایده ؟ خنده ر سرکوتن کندی چه فایده ! نخوامبه منه عکس ر قاب بهیری مه قلب سر سنگ ناب بهیری شاعر : استاد #شعبان_نادری (رجه) #شعرمحلی_وصیت ▪️آنان که رفتند آرمیدن در دلِ خاک قرین رحمت الهی باشند ، جهت شادی اموات بخوانید من يقرأ فاتحه مع الاخلاص و الصلوات 🌹 به کانال مجازی دیار #باقیات_صالحات خوش آمدید https://eitaa.com/diyarbaghiatosalehat 🌹🌹🌹🌹🌹🌹🌹