#شعرمازنی_مار از دست روزگار اسیر بعیمه / سن وسال نارمبه من پیر بعیمه مره داغ جانِ گتِ مار پیر هاکرده / ته داغ هسه که من دل گیر بعیمه خنه گتِ مار دنیعه تاریک شوعه / ته دلِ گوشه ونسّه کعوعه مثل ابر بهار بونه تنه چش / روز و شو ندارنه دائم سیوعه من شه جان گتِ ماره قربون بواشم / الهی ته بلا گردون بواشم سختی بَکِشیعه مه جان گتِ ننا / نکرده راحتی این دار دنیا مریضی تنِ گوشت ره او هاکرده / چتی نووم جان گت مار من ته فدا گل الالهٔ من کجه بوردی / ماه و اِستارهٔ من کجه بوردی  ته که پر بکشی سونه کبوتر / به هر درد چاره من کجه بوردی کوه به کوه گردمبه کمبه ونگ وا مله به مله ره پا زمبه تسّه / ........................ شاید مه جان گتِ مار بهووه پیدا کسی سون ته مهربون ندیمه / خجیر و انده خش زبون ندیمه اتا عمر امسه زحمت بکشی / ته جور عاشق به شه وچون ندیمه پاپلی بومبه وا گردمبه ته سر / یا بسوزم یا راه بووم تنه ور اگر بپرسینه چی کاره هسّی / گمبه هسمه جان گتِ ماره نوکر جان گتِ مار مه غم درد ره دواعه / جان گتِ مار رحمت از سوی خداهه خدا بشته بهشت ره ته لینگ بن / (صفا) دم زنده که من ته گدامه 💌سپاس از ف. طاهری گلچالسرنکا 🌐http://mohsendadashpour2021.blogfa.com/post/2254 ─═༅𖣔❅ ⃟ ⃟ 📚 ⃟ ⃟ ❅𖣔༅═─ 💥#پژوهش_ادملاوند @edmolavand ﷽ #آوات_قلمܐܡܝܕ 📡✦‎‌‌‌࿐჻ᭂ🇮🇷࿐჻𖣔༅═─