꧁꧂🌼꧁꧂🌼꧁꧂ #خاطرات #مازنی 📝اون گدر اَمِه مَله روستا  بی یه   اّمّو مالک نشین بی یه هِلّا مرکز بخش نَی یه  نسبت به دهات دیگر، آباد بی یه :مدرسه تا دیپلم ، مرکز دهداری ،درمانگاه ،پُست ،  بانک ، بازار و  .....  داشته . 👈اِسا چَن سال از انقلاب بُگذشته اصول و معیار های انقلاب قایم جا دَکت بَی یه   تقریبا همه ی مردم حرمت داری کردننه پیر و جوُن  در نگاهداری انقلاب کم نیاردننه ، شور دئیه جوانمردی و غیرت، اونچه دل بخاس بو  دَیه . 📌اَما #فیروزجائی ها ۲۴ #طایفه که اتتا ایل هسمی در #بندپی از همه طایفه دِله در حمایت از انقلاب، چه عرض هاکنم، مالی، جانی ،بقول مَروف کُلی کم نیاردننه مهربانو های اَمه دیار  بافتنی جات از گِلِج بقول فارس ها جاجیم گرفته تا لِواس زیر و آذوقه های خراب نشدنی فراوون رایی کردننه و اَئی محصلین ، بِتیمِ وَر زوننهِ کمک کردننه ، اتتا  .....ننه دَئیه پیر بی یه دوره شاه #کدخدا بی یه ،حتّآ وِه اتتا  جا بدا  پتو  داشته در بیارده رایی هاکرده. گالش و چپون کره بینجکر دونه روتننه  پیل وَری کمک کردننه . جان خواخر وجان برار دوننی کجه رایی کردننه ؟ جبهه جنگ صدام آمریکایی علیه ایران  وِسه . 🟢#امام_خمینی ره رهبر انقلاب قید حیات بی یه و حرف ِ وِه حرف بی یه، و دنیا حرف نداشته وِنه جا که بَزِنه. مرجع تقلید ایرون ، خارجه، همه این گَتِ مردی بِقوله آقا  مرعشی  نجفی سید جلیل القدر دونسنه واحترام داری ِ وه واجب دونِسِنِه. 👈کتاه مه گب : اِما شه شیمی و رایی هم کردِمی کِ رِه ؟رزمنده ها رِه،اِما رِه گِتننه بسیج  رَم ده ، یَنی #بسیج جبهه رایی کرَ. اِسا شه هم ،اتتا گروه از هم محلی ها جابوردِمی. کجه ؟ جبهه ، کِدوم جبهه این دفه هم مثل دفه پیش   بَوِر دِننه  هفت تپه . مابین اهواز اندیمشک. اونجه اتتا آموزش کتاه هداننه تمرین ها ویشتر ورزشی بی یه دو بدو  ، یک لینگی دِ لینگی  هِنیشت و پِرِسا  بَی می بمومی مرکز هف تپه قرارگاه لشکر ۲۵ کربلا، اَت  دِ روز استراحت هاکردمی  اتتا روز پیش از شام خط هاکردننه بَتِنه بِیین (بیایین) لواس و وسیله خط واسه تحویل هایرین . بوردمی تحویل هایتِمی اَمّو لواس گرم ، اتتا خار رفق داشتمه بدیمه گِنه، ایندفه اینجاهون  اَمه جا نی نیه، خانه بَوِرِن سِردِ سِر . 👈تقسیمات بَی یه اِسا دونسّمی ماموریت کجوئه مه  خار رفِقِه دَکِته گردان رزمی فاطمه الزهرا  س فاو  عراق رَفِق دِیومی پاسدار بی یه دکَتِه گردان بهداری که مهارت داشته و کار بَلِد بی یه . اِما  ره سوار اتوبوس هاکردننه  شو سَری اِسا ندومبه ساعت چن بی یه. هوای گرم ِ جه رَد بَیمی  سردی ِهوا ره حس کردِمی بَدِ شهر و کوه و کمر  برسیمی " مریوان"، مریوان هِچی کوچ و کِل دَنی بیننه اَمارِه اتتا #مدرسه مونایِ دِله جا بداننه ، خاه، اونجه هم سردی هوا حرف نداشته اِ ما هم لواس گرم داشتمی . اتتا دِ روز کلاس توجی  بِشتِننه بَدِ  اون، بَوِردننه اتتا کوه ِ دامنه دِله که ورف تا ساخ بی یه، بقولی اردو بزومی هر ۱۰ یا ۱۵ نفر کمتر یا ویشتِر  اتتا چادر، بیل ِ جا وَرف ِ کنار هدامی چادر بزومی ، اینجه بَتِننه که شِما تیپ رمضان هَسِنی اَمه مقر اینجه هَسّه اَمه ماموریت را بَتِنه از این کوه وِنه لو بوریم، اون کوه نوم چی بی یه؟ کوه ملخ خور ساعت ۱۲ شب گذشته همه آماده با تجهیزات کامل منَوِر  آسمون منطقه را روشن هاکرده توپخانه ها وخمپاره پِشتِ سر هم ،سونه وارش اِمو . 📌خلاصه من این گِدِر فرمانده دَسّه بی مه، عملیات والفجر ۱۰ ره شروع هاکردِمی و خرمال رِه رد هاکردمی وادامه کار ها......عملیات سخت عبور بی یه بعد ها  امه راهِ برگشت ایرون دله رِه بوردیزل بزوننه ،گَتِه شن کش ماشین ِجا اَ ما رِه بیاردن  آ   اَما ره مرخص هاکردننه بقیه ، بموننه بعدها . برگشت هارکردمی بطرف دزلی ،کُرد های عراقی زن ومرد و وَچه بضی همرا با مال داشتننه بطرف کردستان ایران اِموننه. بمومی مقر (دِزلی) از اونجه بوردمی مریوان خَوِر گیری هاکردمه از رفق پاسداری که بهداری گردان دَیّه ، 👈بَتِننه :هواپیما عراقی بمباران هاکرده وِشونِ سنگر بهداری دِله چن نفر #شهید بییننه که وِه هم شهید بَییه این رفق پاسدار نوم بی یه🌹 هدایت زاهد #پاشا از بندپی روحش شاد. و اون خار رفق که بورده گردان #فاطمه_الزهرا  س فاو  وِه هم باتکِ بعثی ها شهید بَیه: وِنه نوم هم بی یه 🌷شهید غلام زاده #میر از میرکلا بخش #گتو  بابل وِشونه رو  شاد و خاطره ها  مانا 📝خلاصه از فارسی به تبری :  🖊#علی_مهدی_نیا_فیروزجایی  ۱۴۰۲/۹/۳۰ 📒دفتر خاطرات من http://mohsendadashpour2021.blogfa.com/post/3050 ─═༅𖣔❅ ⃟ ⃟ ﷽ ⃟ ⃟ ❅𖣔༅═─ 📑#پژوهش_ادملاوند @edmolavand 📚#آوات_قلمܐܡܝܕ 📡✦‎‌‌‌࿐჻ᭂ🇮🇷࿐჻𖣔༅═─