‍ #الهی_هیچکه_رنگ_غم_نوینه #در_فراق_جوان_دلگویه_مازنی 🏴😭🏴😭🏴😭🏴😭🏴 الهی هیچکه رنگ غم نَوینه داغ جوون در این عالم نَوینه الهی هیچ جوون نَوّه کفن پوش وِنه چراغ عمر نَهووه خاموش الهی هیچ پِروماری در عالم نوینه شه نازنین جوونِ غم خبر بِمو که مه پسر بَمرده اَمه مَحْله شه تن سیو دَکرده تا بَدیمه پسره کار تمومه وِنه تابوت دنبال سینه زومه جوون شه پِروماره چِشِ سوعه جـوون وِشـون دلِ آرزوعـه جوون پِر وماره چشم و چراغه بَمیرم جـوون داغ گَـتی داغه تابوت سوار بَدیمه شه جوونّه کفن دَپـوشینه مـه پهلوونّه غم پسر چه بَد سوزنّه دِلّه ونـه داغ تـا اَبـد سـوزنّه دِلّه چتی تاب بیارم مرگِ پسر ره زیر خاک بوردنه پاره جگر ره پسر تا بَدیمه تابوت سواری دیگه مه کار بَهییه برمه زاری ته که بوردی پسر مره بکوشتی مه چراغِ آرزو ره دَکوشتی کجه بُوردی ته مه بهار بِلبِل چنه زود ته خِنه بَیّه زیـر گِل از غم ته مه دل در شوروشینه جان پسر مـه نـاله یاحسینه اگه من داغ شه پسر بَدیمه هیچکس ره خَنده خشحالی نَدیمه مرد و زن تسلیت بَوتنه مره بـا بِـرمه تعزیت بَـوتِنـه مـره مه جا همدردی هاکردنه همه اَمـان از دلِ حسیـنِ فـاطمه حسین تا بِرمه کرده خَنده زونه تاکه شه سر ره روشته طعنه زونه هر که داغ بَدیّه در شوروشینه دوای درد وشـون یـاحسینـه بنال«مداح»بنال که سخته این داغ الهی نشوعه هیچ کسِ سراغ 🏴😭🏴😭🏴😭🏴😭🏴 #علی_اکبر_اسفندیار_مداح #کانال_نوحه_یازینب_سلام_الله_علیها