عرض ارادت خدمت منجی عالم بشریت حضرت امام زمان عج از بس که یوخ زمین و زماندا مثل سنه حیرتده دیر قلم نئجه یازسین غزل سنه تعریفوی یازاندا کیمه بنذه دیم سنی نه آی، نه گون، نه گول، اولا بیلمز مثل سنه حسن و وقاریده سنه بیر همطراز یوخ سن اصلسن، یاراشمیری اصلا بدل سنه نه تک منم که عشقیوه بیر ادعا ائدم دلبسته دور تمام خلایق گوزل، سنه از بس که قاف شان و جلالین رفیع دور سیمرغ دل محالیدی که، تاپسین ال سنه نقاش روزگار سنی چوخ گوزل چکیب احسان اولوب بو مرتبه روز ازل سنه سن نورسن، حقیقته عالی عیارسن شایسته دور که باش اگه شمس و زحل سنه یازسین گرک دی وصفیوی شاعر اوز آدیوه سن اصلسن بو دهردیده یوخدور بدل سنه عالم سنی امید بیلیر داده تئز یئتیش حی علی الظهوردی، خیرالعمل سنه مدهوش اولور گلنده آدین دفتر و قلم منت چکیر عومور بویی قند و عسل سنه #انتظار 🌐لینک کانال https://eitaa.com/ekhteyari توبندگی چوگدایان به شرط مزد مکن که دوست خودروش بنده پروری داند #اختیاری_هشترودی @ekhteyari  🆔

مناجات جدید سبک:طلایه دار عالمینی پناه خیمه حسینی الهی - اورکده واردی سوز و سازیم عیاندی آه جانگدازیم وای – بو بزمه دست خالی گلدیم نوادی الده امتیازیم یارب- کرامت ائیله بینوایم واریمدی لطفووه نیازیم همیشه مهربان الهی امان والامان الهی الهی - منی گتیردی نفس جانه اورک دونوب بو غمده قانه وای – غریب و بی کسم الهی سیخیلمیشام بو آستانه یارب - عنایت اولدی منده گلدیم بو قدری ائله دیم بهانه عزیز و مستعان الهی امان والامان الهی الهی – اگر چه منده چوخدی غفلت سنون قاپوندا واردی عزت وای – نصیبیم اولماسا هدایت منی هلاک ائده ر جهالت یارب – بیری بهشته یول تاپانماز اوزوندن اولماسا عنایت حکیم و جاودان الهی امان والامان الهی الهی - تویی دلیل و اعتبارم تویی عزیز و کردگارم وای – رهی که رفته ام خطا بود ز دست نفس خوار و زارم یارب - اگر کنون مرا نبخشی بغیر تو کسی ندارم عیان و لامکان الهی امان والامان الهی الهی- گرفته ام ره وفا را ببخشی ام به من خطا را وای - چه می شود کنی نصیبم دوباره صحن کربلا را یارب- شفیع خود نمودم امشب علی عزیز مصطفا را امید عارفان الهی امان والامان الهی #مناجات #مدهوش #محمد_هوشمند 🌐لینک کانال https://eitaa.com/ekhteyari توبندگی چوگدایان به شرط مزد مکن که دوست خودروش بنده پروری داند #اختیاری_هشترودی @ekhteyari  🆔

سبک مناجات فوق با صدای #اختیاری_هشترودی

مناجات مناسب شب های قدر و دعای بک یا الله ای خدا باخ دیده ی گریانیمه دیلده سوز و آهیمه ، افغانیمه گلمیشم درگاهیوه دیلده فغان سالما گوزدن ای غفور و مهربان بنده ی نالایقم ائیله نظر قدریوین سِرّین دن ائیله با خبر آند وئرم بو کتاب مُنزَله ویر اجازه مهدی زهرا گَله آند وئرم باطن قرانیوه لطف ائله بو بینوا مهمانیوه ای خدا اسماء حُسنی حقینه باخ منه آیات کبری حقینه ای کریم و قادر و حیّ علا قیل منی نار جهالتدن رها خیر عملده قوت وقُوّت وئر منه هر ایکی دنیاده عزت وئر منه کشتی عمروم دوشوبدورمشکِله چک منی دریای غمدن ساحله قویموشام قرانی باشه دیلده آه سایه لطفونده وئر یارب پناه آتمیشام حاجت الین دامانیوه تیکمیشم گوز سفره احسانیوه عفو و غفران کیمده وار سندن صورا لطف و احسان کیمده وار سندن صورا کیمده وار قدرت شفاعت ائیله سین یا که محشرده حمایت ائیله سین آند وئرم شانیوه ای ذوالجلال ائیله جسم و جانیدن رفع ملال آند وئرم حضرت پیغمبره روح اطمینان یئتیر بو مضطره بو گئجه یارَبّ رحمان و رحیم قیل عطا بو بندوه خُلق عظیم آند وئرم مرتضایه بو گئجه قویما قالسین توبه می یارب گئجه ایخدا حق علی المرتضا لطف قیل حاجاتیمی ائیله روا سن منی زهرایه خاطر عفو ائیله عصمت کبرایه خاطر عفو ائیله گلمیشم درگاهیوه زار و ملول حق زهرا توبه می ائیله قبول مجتبا حقینده ای رب کریم قیل منه احسان جنات النَّعیم ای عزیز و مقتدر حق حسن جانیمی حفظ ائله هر بیر فتنه دن بو گئجه حق شهید نینوا وئر بیزه یارب برات کربلا قیل منی عاشق حسینین عشقینه شایق ائت قانلی قیامین مشقینه وار دیلیمده آتشین بیر شور و شین ایستیرم پای پیاده اربعین حضرت سجادین اشک الینه آند وئرم باخ بو زارین حالینه شامل ایله بحر لطف و رحمتین وئر منه ذکر و عبادت لذتین آند وئرم علم و حلم باقره وئر منه حقین یولوندا باصره صادق آل محمد حرمتی آل الیمدن بو حجاب غفلتی دوشمیوم شرع و شریعت دن اوزاق روحیمی سالما طریقت دن اوزاق آند وئرم عترتین موساسینه سال منی علم و ادب دریاسینه بو گئجه حق علی موس الرضا ای خدا لطفیله مندن اول رضا واسطه اولسون امام المتقی لطف ائله تشخیص و تمییز حقی حق هادی قیل نظر یارب منه تا اولوم بیر بنده ی صالح سنه ای خدا جان امام عسگری دفع ائله مندن شیاطین و شری یا عزیز و یا قوی و منتقم حجت برحقیوه وئرم قسم کوی عشقینده شهید ائیله منی بو دل شب رو سفید ائیله منی باوریمده حضرته کامل اولوم تا ظهورین فیضینه نایل اولوم مانع اولدون سریمی بیر کس بوله بنده نالانی یارب عفو ایله ربنا یا ربنا ارحم لنا یا رحیم و یا ودود اغفر لنا #مناجات #مدهوش 🌐لینک کانال https://eitaa.com/ekhteyari توبندگی چوگدایان به شرط مزد مکن که دوست خودروش بنده پروری داند #اختیاری_هشترودی @ekhteyari  🆔

#مناجات #اختیاری_هشترودی #مدهوش #گوشه_زابل_و_مویه