پیامبر رحمت اراده ائیله دی حق نورین آشکار ائله سین جهانی درد و غم جهل دن کنار ائله سین نسیم رحمت اسوب مشرق سعادت دن خزان اولان چمنی باغ و لاله زار ائله سین یاراتدی لطفیله مهر و محبتین دنیزین قوری بولاقلاری لطفیله آبشار ائله سین جهانه قویدی قدم بو گئجه امین الله که عرش و فرشی قدومیله مشکبار ائله سین اراده ائله دی حق قدرتین نشان وئرسین یتیم بیر بالانی خلقه تاجدار ائله سین هدف بوئیدی تمام و کمال خلقتدن تمام شاهلارا بو شاهی شهریار ائله سین بو نعمتیله خدا عالمه قویوب منت گرک بو نعمته حق اهلی افتخار ائله سین کیم ایسته سه یئتیشیه مقصده سلامت اگر اووزن گرک دی حقیقت له هم قطار ائله سین وئرور منادی حق اهل عالمه مژده بو طفل گولدی گلیب عالمی بهار ائله سین یئتیشدی وعده ی حق ختم الانبیا گلدی که متن جامعه ده عدلی برقرار ائله سین گلوبدی اورگده تقوا و درس آزادی که دیو نفسینی نئجه بنده لر مهار ائله سین گلیب دی قیدیدن آزاد ائده جهان اهلین ذلیل بنده لری صاحب وقار ائله سین گتوردی جام محبت جهان اولوب مدهوش که حشره جک باخیشی عالمی خمار ائله سین #مدهوش #محمد_هوشمند #حضرت_رسول_الله رسانه علیزاده هشترودی https://eitaa.com/joinchat/398590870C9e2161bf4d