ولادت حضرت سید الشهدا علیه السلام (با آهنگی زیبا و مجلس آرا) خوشدی اَیّامیمیز گلون اَحبابیمیز روشن اولسون گوزوز گلوب اربابیمیز ویر خبر عالَمه غم تاپوب خاتمه ایوین آباد اولا یا خانیم فاطمه یا حسین یا حسین ویروب الله بو آی عزّت عالملره بیزیم آقامیزی پای ویریب حیدره گُلِ طاهایه باخ شَهِ والایه باخ ماهِ کنعانه دِه ماهِ زهرایه باخ یا حسین یا حسین آدینا جان فدا قلبه ویردی صفا بو حسین عشقینی بیزدن آلما خدا شُکر اولا خالقه اولموشام حق پَرست یا حسین سَسلَرم اولارام مَستِ مَست یا حسین یا حسین قویدی منّت بیزه خالقِ کائنات یوللیوب بو آقا بیزه ویرسین نجات شاد اولوب بو گجه بیر آتا بیر آنا کیم دیسه یا حسین آلاجاق کربلا یا حسین یا حسین یوخ لیاقت دییَم نوکَرَم من سنه من پیسَم یوخ سوزوم سن کَرم قیل منه عشقیوین شَمعینه چوخی پروانه دی قوی دیسونلر منه بودا دیوانه دی یا حسین یا حسین من نجه سویلییم کی هواداریوام سن منه باخمیسان چوخ بدهکاریوام کیم دیور (بیکَسم) سن کَسیم سَن منیم عالَمی نیلورم سَن بَسیمسَن منیم یا حسین یا حسین #خوشدی_ایامیمیز #سیدالشهدا_علیه_السلام #سوم_شعبان التماس دعای فرج الاحقر مهدی عبادی رسانه علیزاده هشترودی 🙏🙏🙏🙏🙏🙏