در مراثی موسی بن جعفر (ع) دکتر محمدحسین کتابچی (علومی تبریزی) سبک : ای درد بی درمانلارا درمان ... آرام جاندی حیدره موسی ابن جعفر

بغدادیده سس دوشدی الوب باب الحوائج بیر نچه نفر گلدی ایده نعشینی خارج یوز ویرمیشیدی حال خفا بدر دجایه بو حاله باخوب گلدیله فریاد و نوایه تا که ساتاشوب گوزلری اولده عبایه گل پیکرینون عطری او سجنی بورومشدی قالمیشدی رطوبتده لباسی چورومشدی بو حالیله تا گوردوله سلطان ولانی گوزدن آتوب آفاقی چخوب روح و روانی رد ایتدیله تا جسم شریفیندن عبانی امواجه گلوب بحر مصیبت گینه داشدی تا که او زمان گوزلری زنجیره ساتاشدی زنجیر قالوب گوردوله بوینوندا ویروب جان مغلول ایدوب ترک جهان حجت رحمان بو حاله نظاره ایلیوب قالدیلا حیران دین گلشنینه گوردوله باد غم اسوبدی کنده ایاقین بوینونی زنجیر کسوبدی زنجیر یریندن آخوری قانی چو یاقوت واردور یری یانسا بو غمه عالم لاهوت آخرده اولوبدی در زندان اونا تابوت ای کاش اولیدی او زمان عالمی برباد محبسدن اولوب دورت نفر حمالیله آزاد معناده توکوب جدی گهر گوز صدفینندن احسن دیدی ال چکمدون عالی هدفیندن یولدا باشی تابوتین آخوب باش طرفیندن بو منظره نسگللرین آخر علن ایلور هر بیر باخانی غرق ملال و محن ایلور دوشموشدی او تابوت قباقینجه منادی ایلردی ندا بو دلیله دلده عنادی اوز خویش و ائلیندن نچه ایل لردی جدادی مدتدی که واردور وطن آواره سیدور بو گلدور اوزی اما چمن آواره سیدور بو تابوتی او حالیله باخوب گوردی سلیمان سسلندی او کیمدور بو حقارتله ویروب جان ذلتله الوبدور دگی بو یوخسا مسلمان معلوم اولوری بو النین نسگلی چوخدور تابوت یانونجا گله بیر کیمسه سی یوخدور بو فکریله یغمایه گیدوب صبر و دوامی سعی ایله دی بو کیمدی الن یا نه دی نامی بو سری سوال ایتدی خبر گتدی غلامی عرض ایتدی سلیمانه که ای فخر اعاظم زنداندا دیوللر که اولوب موسی کاظم قصریندن انوب آتش محنت دله سالدی دلده آقاوای ناله سی افلاکه اوجالدی حمالیلری سالدی یولا نعشینی آلدی تابوتینی قویدی یره اول منبع جودین گوردی اریدوب بار الم خسته وجودین بو قصه فزون ایلدی قلبینده ملالین یاغدیردی بولود تک یوزینه اشک زلالین اطرافینه جمع ایلدی اوز اهل و عیالین سسلندی گلون شوره، دیون وای آقام ایوای غربتده وطنسیز الن ایوای آقام ایوای هر تک تکی اوخشاتدی گوزون بیر دولی ابره تغسیل ویروب ظاهراً اول منبع صبره دفن ایلدی چوخ عزتیله قویدولا قبره قبره قویوب، عرض ایلدی یات صبریوه قربان چوخ اینجمیسن عالم اولا قبریوه قربان باطنده ولی اوغلی رضا داده گلوبدی گوزیاشی توکوب ناله و فریاده گلوبدی دلده باباوای خطه ی بغداده گلوبدی غسلین ویروب عزتله توکوب اشکین عذاره یاندی، ارین جسمینی تاپشوردی مزاره غربتده بو جان ویردی اولوب غصه دن آزاد یثربدن اوز اوغلی گلوب ایتدی اونا امداد علت نه اولوب قتلگهه گلمدی سجاد دوشموشدی او ساعتکه حسین قان آراسیندا یالقوز یارالی لشکر عدوان آراسیندا قویموشدی یوزون توپراقا افسرده و خسته اطرافینی آلمیشدی عدو دسته به دسته شرم ایلمیوب ووردولا یاره یارا اوسته پیکانه نشان اولموشیدی جای سجودی زخم و یارادان تازه گل آچمشیدی وجودی گل پیکری اولموشدی دمائیله مخضب دوشموشدی بدن یاره تراب اوسته معذب سویلردی اوزون شاهد اول احوالیمه یارب یاندیم سوسوزومدان، سو آخور چوللره بیر باش بیر قطره تاپیلمور منه، قانه دونه ای کاش عهد ایتمیشیدیم عالم عشقونده ویرم جان ایفا ایلدیم عهدیمه، نقض اولمیه پیمان مین شوقیله ویردیم سنه یتمیش ایکی قربان هر تک تکین ارشاد ایلدیم من ره عشقه تا اینکه منا رشک ایده قربانگه عشقه اثبات ایلدیم حقیوی تا قالمیه مکتوم کیمدور حق و ناحق ایلدیم عالمه معلوم پیمان عتیق آز قالوری تاپماقا مختوم بیر ایمدی گمانیم گلور عالمده بو باشه گلسه یتورر شمر لعین عهدیمی باشه یاز آغلا امینی نه قدر واردی مجالون جاری ایده گوزدن یوزیوه اشک زلالون غفلت ایلمه کرب و بلا اولسا خیالون دوت باب الحوائج اتگیندن، ایله افغان جان اوسته دیردی بو سوزی ای حق منان یوخ گوشه ی غربتده منی یاد ایدن الله سنسن هامی بیکسلره امداد ایدن الله ای یوسفی زندانیدن آزاد ایدن الله قورتار منیده سنده جفا گستر الیندن چوخ چوخ منه ایذا یتور اول کافر الیندن شاعر : استاد حاج مجید آقای امینی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

نوحه ترکی ▪️شهادت امام موسی کاظم عایه السلام ✍بقلم:کربلایی محمدرضا محمدی متخلص به ناعم 🎼سبک: عجب رسمیه رسم زمونه... کنج زنداندا موسی بن جعفر آغلارگوزیلن زهرانی سسلر سسلورغریبم محنت نصیبم خلّصنی یارب من بی شکیبم باب الحوائج موسی بن جعفر۲ بیرعمراولوبدی غم آشناسی بوینونداواردی زنجیریاراسی غربتسراده ایندی وئرورجان جنتده اولار زهرایه مهمان لبلرقوریوب برگ خزان تک قانه بویانیب اگنینده کوینک پیکان یاراسی یوخدوربدنده زنجیرقویمیوب سالم یئر تَنده باب الحوائج موسی بن جعفر۲ سسلورالهی درده اسیرم رحم ایله منه خستیَـم،پیرم غربتده الله اولموشام خســـــــته یتوررضانی باشیمون اوسته گرگلسه اوغلوم گوگلوم شاداولار روحیم قفسدن چون آزاداولار دیزینون اوسته آلارباشیمی سیلر مهریله بوگوزیاشیمی باب الحوائج موسی بن جعفر۲ اون بیرایل قالدیم کنج غربتده گئجم گوندوزوم کئچدی حسرتده قیزلاریمدان من بی خبرقالدیم غربتسراده آخرقوجالدیم کرب وبلانی یادیمه سالّام جدّیم غمیندهدسولّام سارالّام چون قوری یئرده جدیم وئروب جان خوشدورکه منده جان وئرم عطشان باب الحوائج موسی بن جعفر۲ لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

‍ غارت خیام زبانحال حضرت زینب کبری(س) با علمدار کربلا #شعر_‌جدید 🎤با نوای حاج علی سیفی افشار ✍  مجید قلعه بیگی(فقیرخویی)  نه یاتموسان گوزون آچ،آماندی بحر کرم ابوالفضل آچ گوزوی،تالاندی اهل حرم سویلدی وار یوهوموز،نه جامه وار نه نقاب سالوبدی آت دوشونه،بیزی بو قوم ستم ای ماهیم،،آخیر اولدوزلار حیراندی بالاجا قیزلار                گل داده یارالی سقا         تنهایم نجه گور تنها __ الینده اوخ گورورَم خَیَمده حرمله نی گوله گوله آپارور،الینه هر گله نی سنی اوزاقدا گوروب،آچوبدی قول قانادین ویرور گلن گئده نی‌،دئینمورم علنی      گهواره آپارور قارداش     گوشواره آپارور قارداش گل داده یارالی سقا لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

یاعلی اصغر علیه السلام میداندا ای رب جلیل قانه باتوبدی اصغریم قانین ایچوب عطشان بالام راحت یاتوبدی اصغریم سن شاهد اول پرودگار دشمن منه یول باغلادی منلن عداوت ایلدی ظلمیله قلبیم داغلادی اصغر قوجاقیمده سوسوز یاندی عطشدن آغلادی او قان توکن دشمنلریم روز جزادن قوخمادی چکدی کمانین حرمله دیلسیز بالامی اوخلادی شاعر رستمی التماس دعا

نوحه وزبانحال امام حسین ع به علی اصغر _____________________ بوغازینی اوچ پراوخ بولن لای لای اصغریم لای لای قولی باغلی جان ویریب ئولن لای لای اصغریم لای لای ای اوخا نشان لای لای آغ قماطی قان لای لای 🌴🌴🌴🌴🌴🌴🌴🌴🌴 بیراوچ پراوخ ویردی حرمله ئوزمرامیوه چاتدون منه باخیب بیرگولومسوندون کائناتی آغلاتدون اوخی چکدیم من بوغازوندن گوزلرون یوموب یاتدون منی آغلادیب ئوزی گولن لای لای اصغریم لای لای ای اوخانشان لای لای آغ قماطی قان لای لای 🌴🌴🌴🌴🌴🌴🌴🌴🌴 آچیلمامیش سن دچاراولدون خاره غنچه نازیم الونن ئوزدون الیمی شیر خواره سربازیم کمکسیزقالدیم بوصحراده سیندی بال پروازیم داخی یوخدوردادیمه گلن لای لای اصغریم لای لای ۲ ای اوخانشان لای لای آغ قماطی قان لای لای 🌴🌴🌴🌴🌴🌴🌴🌴🌴 قانون سپدیم گویلره قالسین محشره کیمی باقی۲ یارااوستن چکدی سینمه حرمله اوغول داقی۲ الیم اوستوندن آلان اوغلوم یوخ بو قانلی قنداقی۲ بوچولده یوخ دردیمی بیلن لای لای اصغریم لای لای۲ ای اوخانشان لای لای آغ قماطی قان لای لای 🌴🌴🌴🌴🌴🌴🌴🌴🌴 نوحه ادامه دارد ✍شکوری هشترودی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

نوحه شهادت امام موسی بن جعفر (ع) ائوین نن ناگران موسی بن جعفر وئرور زنداندا جان موسی بن جعفر نه بیر کس وار چاغیرسا داده گلسون بو غربت اولکه ده امداده گلسون دیور آلله بالام بغداده گلسون وئرور زنداندا جان موسی بن جعفر بوتون عالم بو بیر مظلومه آغلور امامِ کاظمِ مسمومه آغلور هامیدان چوخ ولی معصومه آغلور وئرور زنداندا جان موسی بن جعفر دیور ای عالمینون پادشاهی گجه دن چرپینور قلبیم الهی بابامین یوخدی زنداندا پناهی وئرور زنداندا جان موسی بن جعفر قفسده قالسا قوش باغری اولار قان بالیخ دوشسه تُورا مشکل وئرر جان ایاق چالماقه یوخ زندان دا امکان وئرور زنداندا جان موسی بن جعفر امامدور گرچه اعمالی متین دی ولی چوخلی بلالر عترتین دی قرانلوق یرده جان وئرمک چتین دی وئرور زنداندا جان موسی بن جعفر او غربت اولکه ده طاهانی سسلور یاناندا سینه سی زهرانی سسلور قولون زنجیر کسیر سقانی سسلور وئرور زنداندا جان موسی بن جعفر آتانین گوگلی ایستر جان وئرنده نقدری وار حله روحی بدنده بالالار دوره سین آلسین وطنده وئرور زنداندا جان موسی بن جعفر ولایت ملکینون سلطانی دور بو تمام دردلرین درمانی دور بو ولی ایللردی که زندانی دور بو وئرور زنداندا جان موسی بن جعفر علاقه اولیا باغلار حسینه چتین یرده اورک داغلار حسینه بو دا جان اوسته دور آغلار حسینه وئرور زنداندا جان موسی بن جعفر بو شعره علیوی دل داغلیوبدی یازاندا بند بندین آغلیوبدی اورک آل رسوله باغلیوبدی وئرور غربتده جان موسی بن جعفر #شاعر_علیوی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

باب الحوائج حضرت موسی بن جعفر (علیه السّلام) و گریز به زبانحال حضرت زینب (سلام الله) در قتلگاه سبک : ای قلم سوزلرینده اثر یوخ ظلميلن سولدي موسي بن جعفر ناليه گلدي زهرا و حيدر قاره گيدي رضا دوتدي ماتم باش آچوب آغليوبدورپيمبر "تسلیت ای رضا شاه خوبان تسلیت تسلیت یارضاجان" پور جعفردي بو زار و خسته كنج زنداندا قلبي شكسته شمع تك ابتلادن اريردي گل دييردي رضا باشيم اوسته يوز دوتوب درگه كبريايه غرق اولوب ورد و ذكر و دعايه ايستورآلاهدان عمرين قوتارسين زهر اثر ايليوب حق فدايه اي ايدن يئرگويي خلقت الله هرعزيزه ويرن عزّت الله جورهارون مني جانه گتدي جانيمي آل ايله راحت الله اشكيمين گوهري اولدي رايج قان اولوبدي اؤرك يوخ نتايج بيرنفر يوخ ديين هانسي جرمه جان ويرورغملي باب الحوائج باد ظلمه اؤرك باغي سولدي قلبيمه محنت و غصّه دولدي تازيانه ويروب ابن شاهك فاطمه تك قولوم نيلي اولدي سن وطندن اوزاق دوشدون اي جان ايتدي مسموم سني حزب شیطان قالمادي پيكرون يرده اوچ گون جسمووي قبره قويدي سليمان كربلاده ولي اولدي طوفان قالدي نعشون اراده حسين جان بيرحالا سالديلار جسم پاكون گوردي زينب اولوب چوخ پريشان سسلدي اي لب عطشان حسينيم ظلميله قانه غلطان حسينيم نيلميشدون مگر كوفيانه جيسمون ايلوبله شان شان حسينيم هانسي غمدن ايدوم ناله قارداش قالموشام بيله احواله قارداش باوريم يوخ بو پيكرسنون دي كيم سني سالدي بو حاله قارداش «آذرين» عاصي و بي نوادي بيرعمير غم لره مبتلادي يوخدي اوزگه ولي بير طبيبي دردينه شاه عطشان دوادي شاعر : کربلایی ودود آذرین خلخال لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#زبانحال_ ام البَنین قسمت منی چون خانه ی زهرایه گَتوردی دورت نورس اوغول شأنیمی افلاکه یئتوردی أفسوس فلک رسم وفانی تئز ایتوردی چرخ اینجیدی بیلمم مَنیم هانسی عملیمدَن دورت اوغلومی بیردن نئجه گور آلدی ألیمدَن.... سجاده سینی هر گون عبادتگهه سالّام عباسیمون ئوز عطرینی محرابیدن آللام اوغلی دایانور ایندی نمازه من اوجاللام ای عابد صالح اوجا تکبیره نه گلدی قرآن سحرناله ی شبگیره نه گَلدی ✍ مرحوم استاد منزوی اردبیلی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

《شهادت حضرت زینب (س)》صفحه ۱ حاج محمدتقی جابری: زینبون جان اوسته دورای عالمه جانان حسین گل، گلن  یولاریوا  زینب   اولا  قربان   حسین الیاس ملک پور: سن بولورسن زینبون قارداش سنه دل بسته دی سرو قدّی خم اولوب جور و جفادن خسته دی گوزلری یولدا سنی گوزلور باجون جان اوسته دی گل تلاوت ائیله باشیم اوسته سن  قرآن حسین محمد هوشمند( مدهوش): آزقالیر غربتده چاتسین دفتر عومروم باشا کاسه صبریم دولوب اندوهیله  ایستیر داشا لیک گلمیر هیچ گمانیم باجیا نه قارداشا هارداسان گل دادیمه ای خسرو خوبان حسین رمضان نقاش (شاهد): الی دورد ائیلدور گئیجه گوندوز حسین جان یاروم هر بلاده غم شریکون  اولموشام غمخواروم ایندی آخر لحظله لرده طالب دیداروم گل گیلن قالموش یولوندا گوزلریم گریان حسین محمودجهاندیده: پیک ایمان کوفه ده زینب دی مولا هارداسان زینت باغ وگل و دنیا وعقبی هارداسان گَل سنه قربان ،باجون غربتده تنها هارداسان سن یئرون اوستونده تک مهر درخشانسان حسین محمدرضا صادقی شیدا: رسمدور  باجی ئولنده  آختارار  قارداشینی تا  محبتله گلوب آلسون دیز اوسته اوسته باشینی پاک قیلسون قارداشی گوزدن آخان گوز یاشینی گل گوروم آخر نفسده  جان وئروم آسان  حسین حاج ستار رزاقی : گوزلریم قالمیش یولوندا ای شه کون و مکان وادی غربتده گوزیاشیم اولوب هجرونده قان گل دم آخر باشیم اوسته ویروم آسوده جان قیل اجابت بوسوزی ای عالمه سلطان حسین استاد جابر ولد پور (مژده اردبیلی ): منشأ جود و کرم سن گل هرایه قارداشیم شام ویراندا حسین جان دوندی قانه گوزیاشیم نه آنام واردی بوغربتده نه یار و یولداشیم ایله بیرده زینبه دیدارووی احسان حسین استاد حاج اصغر فرشچی (عدلی): بیر  نظر قیل زینبه گلمز غمیم  قارداش سانا غربت ایچره جان وئرن ساعت دونوب قلبیم قانا گوزلوریم یو للاردادی گل قویما قلبیم اودلانا ای طبیبیم گل اوزون ائت دردیمه درمان حسین امیرعلی عبدی: منجنیق غم بوخسته روحیمی ایله سیخور فرقتون دردی برادر خانه صبری یخور غربت ایچره ال اورکده باجیوین جانی چیخور اسم اعظم آدیوی ذکرایلوری هرآن حسین علی رضاجابری: من سنون هجرونده تندن رخت الفت سویمادیم عشقیم ابرازینده قارداش جای نقصان قویمادیم الله عالیمدی سنه من آغلاماقدان دویمادیم شاهدیمدور بورمق سیز بوقوتولموش جان حسین محمدمهدوی مرام(جابر) : کربلا دشتینده   باد ظلم   اسنده  گلشنه‌ سن اُوزون‌ گوردون نجه من اوردا یار اولدوم سنه ایمدی من جان اوسته یم گل سن اوخی قرآن منه گل جمالین بیرگوروم من ای مهِ تابان حسین شیرزاد شکوری هشترودی: زینبم درد فراقون طاقتیم الدن آلیب بیر غریبم باشیمه گَرد محن سایه سالیب داده گل جان اوستیم من گوزلریم یولدا قالیب یوخ گوزومی باغلیان عمروم تاپور پایان حسین سرکارخانم رقیه سعیدی(کیمیا): زینبم قارداش! فراقونده بؤکؤلدی قامتیم سن سیز اما بیر ائیله دؤندی منیم هر ساعتیم گؤزلریمده قالمیوب سو دیزده یوخدور طاقتیم گَل اؤزون یوم گؤزلریم جان اؤسته یم الان حسین علی اصغرعباسعلی نژاد: سن گئدنن یاحسین آخدی گوزومنن یاش منیم ویردولار شامین یولوندا باشیمه چوخ داش منیم تز یئتیش جان اوستویم گل باشیمه قارداش منیم گل، گئدنن خانه میز اولدی بیـزیم ویران، حسین سیدبشیرحسینی: محنتون رحمتدی قارداش! غرق رحمت اولموشام فخردور بو، اُسوه‌ی اهل مصیبت اولموشام اولموشام ماتمونده اوّلین بانیّ هیئت اولموشام هیئتین اهلی چیخاتماز زینبی یاددان حسین! سرکار خانم لیلی احمدی: من نه مدت دور سنون هجرانیوه دل داغیرام اللی دورد ایلدور جهاندا غم چکوب قان آغلیرام آغلیرام رخساریمه سیل سرشکی باغلیرام غملریم بیر یرده گر یازسام اولار دیوان حسین حسن رضایی: جان ویرنده هر حسینچی آرزو ایلر سنی چون گوره هرکس سنی یاددان چیخاردار هر غمی سن حسینچی فرض ایله قورتار بو فرقتدن منی جان ویریم منده حسینچیلر  کیمی خندان حسین لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

صفحه ۲ اصغرگلمحمدی (دلجو): دورت مین اوخلی کوینگون سینم ده دور قارداش هَله سینم اوسته ساخلارام عطرون منه بیر آن گَله چوخ چتیندور زینبِ غمدیدیه بو مسئله کوینگون تک جسمون اولموشدی سنون شان شان حسین حسن تقی لو سالک زنجانی: من سنیلن عشقیمی عالمده بولموشدوم حسین کوفه و شامین مسیرینده دیولموشدیم حسین ایندی یوخ، من قتلگهده سنله ئولموشدوم حسین محمل اوستونده قیزیل قان آخدی آلنیمنان حسین رضا غلامپور (دلپاک): آیه آیه لحنی ای مونس اولان قرانیله ایلین قرآن تلاوت نیزده ایمانیله منتظردور زینبون جان اوسته یورقون جانیله تا کی لحنوندن ائشیتسین آیهٔ قرآن حسین نادر بابایی: سانما بیگانه منی عشقونده ویلان زینبم غربت ئولکه گوزلری یولدا پریشان زینبم مقتلونده اللری ، آق ساچلاری قان زینبم قمچیلررَدّین هله من ائتمیشم پنهان حسین محمدافکاری سردرودی: کربلاده زینبی ایتدون  شریک نهضتون منده همت خرجه ویردیم باتماسون قان دولتون چگنیمه آلدیم  شرفدن پرچم حریتون منده سالدیم نطقیمیله هر یره طوفان حسین محمدکاظمی زنجانی: باشیمه سندن سورا بیر قاره معجر سالموشام یدی قارداشیم ئولوبدور دهریده تک قالموشام قارداشیم عباسیدن بو بیرقی چون آلموشام وئرمرم ئولمسده الدن بیرقون ارزان حسین محمّد مهدوی مرام (جابر): آند ویرّروخ بیز سنی عبّاس و عون و جعفره قطعه قطعه دوغرانان    اوغلون علیّ اکبره جان وئرنده گل آقا.    ایله عنایت  بیزلره گورسه کیم گُل چهره وی جان بذل ائدر آسان‌ حسین‌ حاج رحمن شاجری زنجانی: یُولدا  قالدی گُوزلَریم یُوردی غَمِ  هِجران  حسین هارداسان  گَل  قِبلِیَه  دُوندَر   مَنی  الآن  حسین تاگُوروم بیرگُل جمالون جان وِیروم آسان حسین باشیم اُوسته  سَن تلاوت  اِیلَه  الرّحمان  حسین        صفحه ۲ اصغرگلمحمدی (دلجو): دورت مین اوخلی کوینگون سینم ده دور قارداش هَله سینم اوسته ساخلارام عطرون منه بیر آن گَله چوخ چتیندور زینبِ غمدیدیه بو مسئله کوینگون تک جسمون اولموشدی سنون شان شان حسین حسن تقی لو سالک زنجانی: من سنیلن عشقیمی عالمده بولموشدوم حسین کوفه و شامین مسیرینده دیولموشدیم حسین ایندی یوخ، من قتلگهده سنله ئولموشدوم حسین محمل اوستونده قیزیل قان آخدی آلنیمنان حسین رضا غلامپور (دلپاک): آیه آیه لحنی ای مونس اولان قرانیله ایلین قرآن تلاوت نیزده ایمانیله منتظردور زینبون جان اوسته یورقون جانیله تا کی لحنوندن ائشیتسین آیهٔ قرآن حسین نادر بابایی: سانما بیگانه منی عشقونده ویلان زینبم غربت ئولکه گوزلری یولدا پریشان زینبم مقتلونده اللری ، آق ساچلاری قان زینبم قمچیلررَدّین هله من ائتمیشم پنهان حسین محمدافکاری سردرودی: کربلاده زینبی ایتدون  شریک نهضتون منده همت خرجه ویردیم باتماسون قان دولتون چگنیمه آلدیم  شرفدن پرچم حریتون منده سالدیم نطقیمیله هر یره طوفان حسین محمدکاظمی زنجانی: باشیمه سندن سورا بیر قاره معجر سالموشام یدی قارداشیم ئولوبدور دهریده تک قالموشام قارداشیم عباسیدن بو بیرقی چون آلموشام وئرمرم ئولمسده الدن بیرقون ارزان حسین محمّد مهدوی مرام (جابر): آند ویرّروخ بیز سنی عبّاس و عون و جعفره قطعه قطعه دوغرانان    اوغلون علیّ اکبره جان وئرنده گل آقا.    ایله عنایت  بیزلره گورسه کیم گُل چهره وی جان بذل ائدر آسان‌ حسین‌ حاج رحمن شاجری زنجانی: یُولدا  قالدی گُوزلَریم یُوردی غَمِ  هِجران  حسین هارداسان  گَل  قِبلِیَه  دُوندَر   مَنی  الآن  حسین تاگُوروم بیرگُل جمالون جان وِیروم آسان حسین باشیم اُوسته  سَن تلاوت  اِیلَه  الرّحمان  حسین         لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨