وفات حضرت خدیجه س =========================== دنیاده ایدوب گور نجه ایثار خدیجه پیغمر مختاره اولوب یار خدیجه =========================== دوتموشدی او گونلرکی بو دنیانی جهالت ظلمات آرا قالمیشدی هامی عدل و عدالت مبعوث اولوب خلق ایچون ختم رسالت اولده اولوب حقه طرفدار خدیجه =========================== ایمانینی پیغمبریله ایلدی تکمیل دین مکتبینه وارد اولوب ایلدی تحصیل حق باده سینی ایچدی او مست می تنزیل بو می دن اولوب گور نجه خَمّار خدیجه =========================== دینه گوره اوز ثروتینی ایلدی اعطا پیغمبر اسلامه اولوب یار دل آرا شانینده بو بسدور کی اولوب مادر زهرا اول دختره بیر مام فداکار خدیجه =========================== هر نوعیله زیبنده ی تحسین و ثنادی بانوی برازنده ی سلطان منادی فخر ایلییر عالمده کی زهرایه آنادی ام النجباء دلبر و دلدار خدیجه =========================== آخر نفسیندیدی او بانوی دل آرا عرض ایلدی پیغمبره ای سرور بطحا مندن قالوری ایندی امانت سنه زهرا ترک ایلوری دنیانی دل افکار خدیجه =========================== قویما بالامین گویلونی دنیاده غم آلسین چوخ آغلاماسین گوزلرینی اشک نم آلسین منندی نشانه سنه بو دهریده قالسین اولموش نگران در و دیوار خدیجه =========================== عالمده چکر بو بالا چوخ رنج و ریاضت روشندی کی قلبین یارالار بوته ی محنت مسمار در ایلر سینه سین زخم و جراحت معناده اولار دیده سی خونبار خدیجه =========================== حاصل قوتاروب سوزلرینی گوزلری آخدی زهرا یوزونه باخدی یوزه گوزیاشی آخدی پیغمبر اسلام اوره گین هجر اوتی یاخدی یثرب اولوب القصه عزادار خدیجه =========================== عزتله عزا مجلسی قوردی اونا احباب شرکت ایدوب اول بزمه هامی غمزده اصحاب زهرانین عزا بزمی منی ایلدی بیتاب یثربده غریب اولدی او غمخوار خدیجه =========================== (دلجو)بو گیجه اولدی عنایت سنه آری یازدون سوزوی گوزیاشون اولدی یوزه جاری عرض ایله سحر وقتیدی ای خالق باری لطف ایله بوجمعه اولا زوار خدیجه #دلجو ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#امام_حسن_مجتبی_ع #ولادت_کریم_اهلبیت_ع لطف ائدوب سنه حی لم یزل،،، عِزّ و جاه شایانی یا حسن (ع) دولدوروب سخا و کرامتون،،، صحبتی بو دنیانی یا حسن (ع) یئر یوزونده سن دومین امام،،، مظهر خدای رحیم سن علم و حلمیده یوخ سنه نظیر،،، هم علیم سن هم حلیم سن ذی نفس هامی گوز تیکوب سنه،،، اولیاء ایچینده کریم سن علم و حلم و جود و سخاوتون،،، دولدوروبدی دنیانی یا حسن (ع) ای سلیل پاک محمدی،،، پاره ی دل ختم الانبیاء مظهر عطا معدن سخا،،، زاده ی علی شاه لافتا سن قدم قویان گون بو عالمه،،، شاد اولوب دل خیرة النساء خلقتونله پر نور ائدوب خدا،،، دودمان زهرانی یا حسن (ع) سبط اکبر آل مصطفی،،، دلبر شه عالمین سن جان فدا مقام و جلالیوه،،، مرتضایه نور دو عین سن مرشد طریق شهادت و،،، رهبر و امام حسین سن بو مقام و بو شأن و عزتین،،، یوخدی حد و پایانی یاحسن ع نقش وجهه ی بی مثالیوی،،، بی مثال اوزی بی مثال ائدوب حسنوی سنون احسن ایلیوب،،، عالمینی غرق خیال ائدوب کیم گوروب جمال جمیلیوی،،، حمد خالق ذوالجلال ائدوب صورتون سالوبدور تحیره،،، بیرده ماه کنعانی یا حسن ع من کیمم کی توصیف ائدم سنی،،، مادحون خدای جلیلیدور سن یم کرامت سن عالمه،،، درگهونده حاتم دخیلیدور کیم سنه ارادت یتورمه سه،،، هر ایکی جهاندا ذلیلیدور کیم سووه سنی گورمز آتش،،، سوزناک نیرانی یاحسن ع حجت خدا کل خلقته،،، مرتضایه نائب مناب سن ماه سن دئسم، کسر شأن اولار،،، جلوه ی مه و آفتاب سن بسدی بو کرامت مقامیوه،،، کی شفیع روز حساب سن اولماسان رضا ناامید اولا،،، جمله ی احبانی یاحسن ع بس کی صابریدون مصائبه،،، ایسلانوب یوزون اشک ابرینه صبر اوزی بو معناده لنگ پا مات اولوبدی معیار صبریوه کاش اولا یتیشسون آقا الیم،،، عرشه ناز ائدن توزلی قبریوه قطریه سعادت دی درک ائده،،، احتشام دریانی یاحسن ع گونلرین قباقینده کی قالان،،، قبریوه فدایم آقا اوزوم ناامید ائتمه بو سائلی،،، چون عطا و جودونده وار گوزوم قسمت اولسا گلسم مدینیه،،، وار حضوریوه دل ده چوخ سوزوم اولما راضی قبره آپارمییم،،، دل ده بو تمنانی یاحسن ع ای حبیب خلاق لم یزل،،، من گدای مسکینه قیل نظر نچه ایلدی ضیق مکانیدن،،، اولموشام بو شهر ایچره دربدر لطف ایله بو ناچیز چامه نی،،، قیل قبول اولوب گرچه مختصر «دلجو»ی دل افکاری عفو ایله،،، اولسا گرچه نقصانی یاحسن ع #دلجو #ولادت_کریم_اهلبیت_ع #عرض_ارادت_به_امام_حسن_مجتبی_ع کانال اشعار اصغر گلمحمدی متخلص به (دلجو ) ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#یا_ابا_صالح_مددی # فراقینده گوزوم یاشی دونوب عمانه یامهدی توان و طاقتیم یوخدورداخی هجرانه یامهدی گرفتار غم و دردم تاپیلمور دردیمه چاره عنایت ایله سن مولا من نالانه یا مهدی فغان و نالم اوج ایلور گیچور عرش معلادن گلور بیرجه امیدیم سن کیمی سلطانه یامهدی گناهیم باعث اولموش تا ظهورون دوشدی تاخیره آنان جانی اوزون یالوار حق منانه یامهدی الیم بوشدور عملدن وارامیدیم سنکیمی شاهه اوزون ائتسن نظر لطفاً، دولار پیمانه یامهدی شرار عشقه یانماق نوش دور عشاقه دنیاده جمالون شمع دور بیزده اونا پروانه یامهدی ترحم قیل گدای دردمندم لطفووه محتاج گدادن ائت اوزون"دلجو"یی شاهانه یامهدی #بداهه #دلجو

#شهادت_امام_حسن_مجتبی_ع #غریب_مدینه #بقیع «تا خاک لحد بستر وجه الحسن اولدی دنیاده حسینون سوزی ایوای حسن اولدی» یارب گینه غم باده سی جام دله دولدی گلزار محبت ده وفانین گولی سولدی زهرا ائوینه ناله و شیون سسی دولدی غم تیرینون آماجی امام حسن اولدی «دنیاده حسینون سوزی ایوای حسن اولدی» بیر آیری بلا بابی اولوب زینبه مفتوح هر کیمسه اونی درک ائده دلدن اولی مجروح گوردی جگرین قارداشینون طشتیده مطروح بیر ناله ائدوب غم دل سوزانینه دولدی «دنیاده حسینون سوزی ایوای حسن اولدی» عرض ائتدی باجون لبلریوون قانینه قربان قلبونده اولان شعله ی سوزانینه قربان آغلار بالاوین دیده ی گریانینه قربان اهل حرمون گوزیاشی دُرِّ ثمن اولدی «دنیاده حسینون سوزی ایوای حسن اولدی» سسلندی باجی آغلاما ائتمه بئله افغان یوخدور بولورم ایندی منیم دردیمه درمان وئر قارداشیما فوری خبر تا گلوب الان گورسون منیم احوالیمی عشقیم علن اولدی «دنیاده حسینون سوزی ایوای حسن اولدی» قارداشینی دیدار ایلیه قارداشی گلدی شاه شهدا یعنی حسین قارداشی گلدی بولدی شرر ظلمه یانوب قارداشی،گلدی مسموم جفا بند دل بوالحسن اولدی «دنیاده حسینون سوزی ایوای حسن اولدی» آلدی او شهین دوره سینی عترت اطهار شهر اهلی گلوب اولدولار آل اللهه غمخوار بو رسمیدی ماتم زده نین گویلون آلاللار عکس بو عمل کرب و بلا ده ندن اولدی «دنیاده حسینون سوزی ایوای حسن اولدی» درد اهلینه واضح دی ندور بو سوزه منظور گودال دوشور یادیمه ایلور منی معذور یوخ چاره گرکدور یازیلا تا اولا منشور آماج بلا تیری گل پنج تن اولدی «دنیاده حسینون سوزی ایوای حسن اولدی» شه گوردی گل عمری سولور برگ و بوداقدان اود قالخوری دیندیقجا خدا! تشنه دوداقدان سالموش اونی اکبر غمی بالمرَّه ایاقدان عرض ائتدی الهی دئمورم من سُووَن اولدی «شکر ایلیورم دلده خدا سن سُووَن اولدی» #بداهه #دلجو

#یا_ابا_صالح_مددی # فراقینده گوزوم یاشی دونوب عمانه یامهدی توان و طاقتیم یوخدورداخی هجرانه یامهدی گرفتار غم و دردم تاپیلمور دردیمه چاره عنایت ایله سن مولا من نالانه یا مهدی فغان و نالم اوج ایلور گیچور عرش معلادن گلور بیرجه امیدیم سن کیمی سلطانه یامهدی گناهیم باعث اولموش تا ظهورون دوشدی تاخیره آنان جانی اوزون یالوار حق منانه یامهدی الیم بوشدور عملدن وارامیدیم سنکیمی شاهه اوزون ائتسن نظر لطفاً، دولار پیمانه یامهدی شرار عشقه یانماق نوش دور عشاقه دنیاده جمالون شمع دور بیزده اونا پروانه یامهدی ترحم قیل گدای دردمندم لطفووه محتاج گدادن ائت اوزون"دلجو"یی شاهانه یامهدی #بداهه #دلجو

کوچ از کربلا بعد از اربعین سالار شهیدان حضرت اباعبدالله الحسین ع 🏴🏴🏴🏴🏴🏴🏴🏴 دور ای عزیز دل مصطفی' اویان گئدورم مدینه سمتینه قارداش نوا کنان گئدورم الیمده پیرهن پاره پاره وی گوتوروب بابام مزارینه با چشم خونفشان گئدورم بیر اربعین سنه من اولموشام حسین زوار آنام زیارتینه ایندی باغریقان گئدورم بو آلتی گوشه لی قبره محالیدور بیرده دوشه یولوم بولورم ، بیله ناگران گئدورم حرملرون هامیسی دلده وای بابا سسلور دوتولدی ناله سینه گوش آسمان گئدورم بو آیریلیق بولوسن چوخ چتیندی زینبیوه ائدر رسا قد یمی فرقتون کمان گئدورم ایاقه دور یولا سال دل شکسته خواهریوی کناریمی آلا یوخ بیرجه پاسبان گئدورم نه واردی قاسمِ نو کد خدا نه وار اکبر نه واردی قارداشیم عباس دن نشان، گئدورم حجاز قافله سین یوخدی بدرقه ایلییَن عذاره گوز یاشی گور نه اولوب روان گئدورم ربابه چاره قیلیم یا کی لیلی زاره ؟؟ سریه دردی آلوب قلبیدن توان گئدورم وطن ده گوزلری یولدا قالیب مریضه قیزون یوخ ایندی کیمسه اونون گویلونی آلان گئدورم اورکده وار ولی بیر نسگلیم آنام اوغلی اولوب خدنگ غمه گور نجه نشان گئدورم سوروشسا اوغلونی اُمَّ اَلبَنین اونا نه دییم؟ نه دل لریله ائدیم بو غمی بیان؟ گئدورم سنه عنایت اولوب بو گیجه عجب "دلجو" دیار کرب و بلایه سوروش هاچان گئدورم #دلجو#

#ورود_به_مدینه #زبانحال_حضرت_زینب_س_در_کنار_قبر_مادرش_حضرت_زهرا_س گوزی یاشلی گلورم کرب و بلادن آنا جان زینبون جانه دویوب آه و نوادن آنا جان یثربی ترک ایلیین گونده منیم دورَمده واریدی نچه جوان آل عبادن آنا جان اکبر و قاسم و عباس جلوداریم اولوب شانیم عرشه اوجالوب مهر و وفادن آناجان بولمورم شرح ایلییم هانسی غمی هانسی سوزی نه دییم؟ زینبون عاجزدی ادا دن آنا جان ائتدیلر قطعه به قطعه هامی یاور لریمی دویمادی اهل ستم جور و جفا دن آنا جان سو یانیندا سوسوز ئولدوردی عدو قارداشیمی کسدیلر  باشینی  ظلمیله  قفادن آنا جان بیر یاریم گونده واریم گیتدی الیمنن، گیده لی دویمارام عمر بویی آه و نوا دن آنا جان هر نه دن اولدی چتین شام غریبان گیجه سی بیر اشاره  ایلییم شام  عزا دن  آنا جان ییغدیم اطفال پریشانی یانان بیر چادرا نازدانه بالالار دوشدی قُوا دن آنا جان ائتدیم آرام اوغولسوز لاری بیربیر او گیجه عرشه چیخمیشدی نوا دشت بلادن آناجان نصف شب گوردوم اوغول وای سسی اود جانه سالور اورگیم درده گلوب غملی صدادن آنا جان نِینَدیم صبحه کیمی یاتمادی اصغر آناسی مَلَر آهو کیمی دویموردی بُکا دن آنا جان او گیجه صبحه کیمی آغلادی آغلاتدی بیزی ناله افلاکه اوجالدی اسرادن آنا جان #بداهه #دلجو

#السلام_علیک_یا_ام_البنین_س #یار_و_یاور_علی_ع کشتی عمروم اولوبدورغرقه ی طوفان اوغول انتظارم،  گوزلریم  گوزلَر  سنی  هر آن  اوغول گوزلریم   یوللاردا   قالدی   دلده   سوز   آهیله آغلارام   شام  و  سحر  من  ناله ی  جانکاهیله باش  باشا  وئرَّم  بو  ائوده  اوغلون عبداللّهیله سسلینده وای بابامن سسلرم جان جان اوغول رسمیدور بیمار اولا هر کیمسه درمان آختارور دردینین  درمانینه  درد  اهلی  لقمان  آختارور صون  نفس ده  گوزلریم دیدارِ جانان آختارور قویما قالسون منتظر بو دیده ی گریان اوغول گَل گَلنده وئر خبر هم عون و فضل و جعفره هم   حسینون  نور  چشمی  شاهزاده  اکبره دوز بنی هاشم جوانلارین یول اوسته، معبره شائقم  دیداروزه  هر لحظه  و هر آن  اوغول روز و شب فکریم بودوربیرده گوریدیم گُل یوزون روحیمه  وئرسین صفا نطق  ایلدیقجا  هر  سوزون جان   وئرنده  هر آنا،  باغلار  اوغول،  مادر گوزون قوللارون اولموش قلم،یوخ بو ایشه امکان اوغول سرو قَدّون یادیمه دوشدوخجا هر آن آغلارام آغلارام   رخساریمه  سیل  سِرشکی  باغلارام وای اوغول وای سسلرم قلب جهانی داغلارام سوز آهیم دور اولوب بیر آتش سوزان اوغول اُول  قَدَر من آغلادیم  دشمن لر اولدی دلکباب سس قوشاردی ناله ی جانسوزیمه بیکس رباب نالیه   گلدی  منیم   نالم  دن  عرش و نُه قَباب چرخ   گردون   ایلدی احوالیمه  افغان اوغول ماجرای    کربلانی    هر     زمان   یاد   ا یلرم وای اوغول  وای  سسلرم هر دمده فریادایلرم یاده سالام مرکب اوستن دوشماقون دادایلرم اولموسان  آماج  تیر و خنجر و پیکان اوغول واقفم  بیر مشک سو اوسته سنی قوم عداوت ایلیوبلر     کربلا ده    آل   طاهادن     خجالت مشکیوه بیراوخ دَیوب ایلوب سنه برپاقیامت بیر  قیامت کی  گورنمز  عالم  امکان  اوغول رحم سیزدشمن سنی ایلوب حسین دن شرمسار تا دَیوب اوخ مشکیوه یوز وئرموش حال انکسار قانیویله   کربلا     دشتین    ائدوبسن    لاله زار گل وجودون تا اولوبدور نقشه ی میدان اوغول وای  منه  کرب  و بلاده توش اولوبسان هرغمه ثبت   اولوب   ایثاریوین   معیاری   نهرِ   علقمه سن    قلم   قوللاریله  حامی  اولوبسان  پرچمه قویمادون  ایثاریده  بیر ذره ای نقصان  اوغول دلده واربیرنیسگیلیم چیخماز یادیمنان بیر زمان قبریوی من گورمه دیم  اولدوم جهاندا باغریقان قالدی  قلبیمده  بو  غم  لر  قَدّیمی  ائتدی کمان خانه ی صبریم اولوبدی گور نئجه ویران اوغول ای خانم اُمَّ البنین   یار  امیرالمؤمنین بیر  گدایم   درگهوز  ده  ایلورم  داد و انین سویله عباسه اولوب"دلجو"غمیمده دلغمین لطف قیل ایله اونوندادردینه درمان اوغول #دلجو لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#بِسمِ_الله_الرَّحمنِ_الرَّحیم #احوالات_خانم_حضرت_اُمَّ_البَنین_س من  اُمّ  بَنینَم  غمیم   عالم  لری  داغلار دنیا  نَقَدَر   وار    منیم   احوالیمه آغلار سایسان  نَقَدَر  دهریده  گَلمَز  سانا  دردیم دنیا   غمی  بیر  یانه  منیم بیر  یانا دردیم قویدوم من اوگوندن کی قدم جاده ی عشقه ال  ووردوم  او گوندن کی بئله باده ی عشقه خدمت   ایلدیم   من  نئچه  شهزاده ی عشقه فخریله   کنیز   اولدوم   او   گوندن  حَسَنِینه بیر  عُلقه ی   مخصوص  ولی  تاپدیم  حسینه زهرا   ائوینون  اولموشام    عزتلی  کنیزی هر    چند   کنیزم   ولی   عالَم لر    عزیزی افسوس اُولادرک ائتمدیم اُول ماه حجیزی فریاد   بو     چرخ     فلکین   داد   الیندن هئچ قویمادی بیر لحظه اولام شاد الیندن تا اسدی خزان گلشنیمون گل لری سولدی غم  باده سی جامِ  دلِ  ناشادیمه  دولدی دنیاده  غم  و  محنت و ماتم منیم اولدی آهیم اوجالوب  عرش  خداونده  دایاندی یاندیم  ولی  دشمنلریم  احوالیمه  یاندی ییخدی  ائویمی چرخ فلک  کرب وبلاده دورت سروقد اوغلوم واریدی باغ وفاده هر تک  تکی بیر شیر کیمی محکم  اراده عشقیله گئدوب مقصدومنظوره چاتوبلار ایوای منه کی تشنه سوسوز قانه باتوبلار هر دوردی سراپا شرف و غیرت و ایثار دعوا گونی هر تک تکی بیر  حیدرِ کرار پرچم گوتورن وقتیده چون جعفر طیّار ایمان  و  دیانت  لرین  ایلوبدولر  اثبات ایثار و شجاعت لرینه عالم اولوب مات گلشنده   گلِ   یاس  منیم  یاسیمه آغلار احساسی اولانلار منیم  احساسیمه آغلار هر عاشق اولان کس منیم عباسیمه آغلار عباس    نه   عباس   هامی   غیرته   دارا زینب  دیوری  آلدی  سویی  ایچمدی   اما عباس نه عباس کی خلق ایچره سئچیلدی بیر  سرو  کیمی  قامت  رعناسی بیچیلدی از بس کی دَیوب یاره اوجا قدّی کیچیلدی شام اهلی جفادن دئمه بیر لحظه دویوبلار گویا   بالامی  بیر  بالاجا   قبره   قویوبلار ایوای    منیم   حالیمه ،   احوالیمه   ایوای بطلان   چکیلوب    دفتر    آمالیمه   ایوای غم  تیری  دَیوبدور  بو  پر و  بالیمه  ایوای عباسیمون   احوالی   منی   خونجگر   ایلر دنیایه   منیم   آغلاماغیم   چوخ   اثر  ایلر عمروم یتوب اتمامه  گوزوم یولدا قالوبدی درد و  غمِ  هجران  دلیمی  درده  سالوبدی آخر  نفسیم  دور  گویه  آهیم   اوجالوبدی ای   باد   صبا   کرب   و   بلایه   گذر   ایله احوالیمی    عباسیمه     باری    خبر    ایله سویله   آناوین  یاسینه  گل سینه  وی داغلا یوخ   آغلیانیم   سون  نفسیمده    منه   آغلا یولاردا   قالان  گوزلریمی  لطف  ایله    باغلا هر چند  کی گوز  باغلاماغا  اَل گَرَک اُولسون ایوای منه  یوخدور اَلون عباس آنان ئولسون من   شمع   وفانین  بالا  پروانه سی اولدوم وصلین نچه  مدتدی کی مستانه سی اولدوم درد و  مُحَنین  دهریده  هم خانه سی اولدوم بیر  کیمسه   منیم  حالِ    پریشانیمی  بیلمز گوزیاشمی سندن صورابیرکیمسه کی سیلمز چوخلار خانم  ایلوبدی  سیزه ذکر مصیبت یئتمز  باشا گر  اهل قلم   یازسا  بو  محنت "دلجو" ده بو طرزیله سیزه ایلوری خدمت عباسیوه  خاطر   الی   بوش  ایلمه  سنده سال سایه ی لطفون  باشیما  حشره  گلنده ای  چرخ   وفانین   مهِ   تابانی   اباالفضل حیرتده قویان جودی  مسیحانی اباالفضل باخ بیر منه سن بول آناوین جانی اباالفضل حاجت  الیمی آچمیشام ای  ساقی عطشان سندن  آقا جان  ایستیورم  دردیمه  درمان #دلجو #حضرت_اُمُّ_البَنین_س #مخمس لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#یا_ابا_صالح_مددی # فراقینده گوزوم یاشی دونوب عمانه یامهدی توان و طاقتیم یوخدورداخی هجرانه یامهدی گرفتار غم و دردم تاپیلمور دردیمه چاره عنایت ایله سن مولا من نالانه یا مهدی فغان و نالم اوج ایلور گیچور عرش معلادن گلور بیرجه امیدیم سن کیمی سلطانه یامهدی گناهیم باعث اولموش تا ظهورون دوشدی تاخیره قسم زهرایه سن یالوار حق منانه یامهدی الیم بوشدور عمل دن وار امیدیم سن کیمی شاهه اوزون ائتسن نظر لطفاً، دولار پیمانه یامهدی شرار عشقه یانماق نوش دور عشاقه دنیاده جمالون شمع دور بیزده اونا پروانه یامهدی ترحم قیل گدای دردمندم لطفووه محتاج گدا دن ایله بیر "دلجو"یی شاهانه یامهدی #بداهه #دلجو لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#احوالات_حضرت_زینب_س_در_حال_احتضار #باد_صبا_پیک_غریبان تا بستر مرگ ایچره دوشوب زینب کبری بو دل لریله آغلادی گلدی دله گویا ای باد صبا حیدر کرّاره دئ گلسین شان و شرفِ عترت اطهاره دئ گلسین سال بیر یولووی شهرنجف دن منه خاطر شاهنشهِ دین، حُجَّتِ داداره دئ گلسین یا اینکه بقیع سمتینه بیر آن گذر ایله دردانه ی پیغمبر مختاره دئ گلسین یوللاردا قالوبدور گوزوم آخر نفسیمده مسمار ایلییَن سینه سینی یاره دئ گلسین من بیکسی غم دوره لیوب غملی چاغیمدا غمخوارِ حرم سیّدُ الابراره دئ گلسین بیمارم اوزوم، وصل حسین دور منه درمان قیلسین اوزی بیمارینه بیرچاره دئ گلسین سویله اونا شام ایچره بیری وار غُرَبادن باش چکماقا بودیده سی خونباره،دئ گلسین دیباچه ی عمروم داخی پایانه یتوبدی بیرکیمسه یوخومدورگَله دیداره دئ گلسین قارداشیم حسینه خبر ائیله سنی تاری گوزلر آخور،اُول محرم اسراره دئ گلسین آخر نفسیمدور گوزومی باغلیانیم یوخ لطف ایلیه غربتده بو بیماره، دئ گلسین زینب ئولوری گوزلری یوللاردا قالوبدی حسرتله باخورهی درودیواره دئ گلسین دفن ائتماقیما آل عبانی خبر ائیله تشییعیم اوچون مجمع انصاره دئ گلسین ای باد صبا دوشسه یولون کرب و بلایه نهراوسته یاتان قولسوزعلمداره دئ گلسین قلبیمده حسینین غمینی قبره آپارّام یاری ائلییه یارین او دلداره دئ گلسین دل یاندی ربابین بالا وای ناله لریندن لایلای دیَن اُول طفل لبن خواره دئ گلسین "دلجو"سنه چوخ لطف ایلیوب زینب کبری گوزیاشووی شکرانه بواشعاره دئ گلسین #عقیله_العرب #حال_احتضار_زبانحال_حضرت_زینب_سلام_الله_علیها #دلجو ✍اصغر گلمحمدی متخلص به (دلجو ) لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

بمناسبت 27 رجب المرجب خروج امام حسین ع از مدینه 🍀🍀🍀🍀🍀🍀🍀🍀🍀🍀🍀🍀🍀 مدینه دن یولا بیر کاروان دوشوب گیدوری بساط غم قورولوب موکنان دوشوب گیدوری یغوبدی باشینه انصارینی شه دوسرا بویوردی حاضر اولون عزمنا بسمت منا منای کرب و بلا منتظردور احراره صفالی تربتی چونکی شفادی بیماره او یرده دردیمه درمان اولار شهادتیله گرک او یرده باتام قانیمه شهامتیله خیاله دوشدی خداحافظی ایده آخر نوای قلبی فقط یا قدیم یا داور ازلده گلدی بقیعه او غملی توپراقه اوجالدی ناله سی دلبند رسولین آفاقه توکوب سرشگینی قبر بتوله قویدی یوزون یواش یواش دانشوب شرح ایدوب فراق سوزون دیدی آنا گیدورم کربلایه زار و حزین تمام اهل حرم وار یانیمدا اولما غمین ایدیم نه چاره آنا آیریلام گرک سندن بو گوزلریمدن آخان خون دل قالور مندن حسن قالور سنیله بو صفالی تربتده شهادت امری منیم قسمتیمدی غربتده وفالی زینبیم اما گلور منیله آنا شرار شمع وفایه اودا گرکدی یانا مدینه ده داخی یوخدور صفا آنا گیدورم یولومی گوزلوری کرب و بلا آنا گیدورم سنیده گوزلرم اما او غملی صحراده آچاندا باشینی زینب گلنده فریاده مزار حضرت پیغمبره باخوب نالان اورکلنوب دیدی جانیم سنه فدا باباجان باخوبدی قارداشینون قبرینه توکوب قانیاش دیدی حسینی یولا یوخ سالان حسن قارداش غرض قیتدی گلوب منزله امام زمان جمع اولدی عترتی اطرافینه دلنده فغان بویوردی اکبره ای جدیمون شبیهی اوغول مریضه باجووی ایله وداع اولوبدی ملول دوشنده گوزلری اما مریضه صغرایه نه حاله قالدی دیمم عرش و فرشه پیرایه باخوب گوروب ایلوری گوزیاشین یوزه جاری دیور بابا منی قویما قالام سنی تاری خدنگ آهیمیله قلب عالمی دلرم سورودن آیری دوشن بیر غزال تک ملرم بو آیریلیق منی دلدن سالار بابا بولورم آلوبدی طاقتیمی بو مریضه لیخ ئولورم علی اکبریمون هجرینه نجه دوزرم هایانا گیتسه پیاده دالیجا من گزرم امام راضی ایدوب اول علیله بیماری ایدوب حضوررینه احضار اودم علمداری بویوردی پرچموی آل اله علمداریم دیوون یولا دوشوری قافله علمداریم چخوب مدینه دن حاصل امام کون و مکان سوار هودج ایدوب عترتین شه دوران ربابه ویردیله بیر هودج زرافشانی آلوب قوجاقه علی اصغر دل آرانی باساردی باغرینا اوغلون کمال عزتیله گیدردی قافله اما منایه سرعتیله اماندی یازما داخی ویرمه چوخ بو مطلبه طول باخار یقین سنه (دلجو) حسین آناسی بتول                       #دلجو# لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨