▪️شهادت حضرت خاتم الانبیا (ص) ✍️ بقلم حاج مهدی ملکی زنجانی جان ویردی ختم مرسل زهرای اطهر آغلار یئر گوی گیوبدی قاره دخت پیمبر آغلار عرش خدایه جبریل نصب ائتدی قاره پرچم گوز یاشینی غمینده زهرا توکر دمادم آغلاتدی عرش و فرشی شاهنشه دو عالم یاندیردی ماسوانی گویده ملکلر، آغلار زهرا دئیر بابام وای فتّاح خیبر آغلار زهرایه هم صدادی بو غمده حیدر آغلار رنگی سولوبدی گل تک خاتون محشر آغلار رحلت ایدوب پیمبر عالم سراسر، آغلار یثربده دوشدی غوغا رحلت ایدوب پیمبر یومدی گوزون جهاندان اول کائناته رهبر زهرا گیوبدی قاره آغلار غمینده حیدر یثرب اولوب سیه پوش ساقی کوثر، آغلار اشکین توکوب عذاره زهرا دمادم آغلار هی سسلنر بابام وای دوتموش او ماتم آغلار اوخشار گهی آتاسین فخر دو عالم آغلار زهرای داغداره جنّتده مادر، آغلار رنگی سولوبدی گُل تک زهرا آیریلیقیندان جان ویردی ختم مرسل زهرا اولوب پریشان الدن گئدوب آتاسی قلبی اولوب قیزیل قان زهرا دئیر بابام وای فتّاح خیبر، آغلار بو غمده قانه دوندی قلب جهان سراسر افسوس گئتدی الدن اول ماسوایه رهبر آغلار بو غمده عالم گلموش نوایه یکسر غم دوتدی عرش و فرشی خاتون محشر،آغلار قاره گیوب ملکلر غوغا اولوب سماده قانه دونوب اؤرکلر غوغا اولوب سماده آغلور گوی اهلی یکسر غوغا اولوب سماده طاها غمینده زهرا اولموش مکدّر، آغلار گوردی آقا جهانون بیر ذرّه یوخ وفاسی یومدوم گوزون جهاندان عالملرین صفاسی آغلار قویوب جهانی آغلار عزیز بالاسی ماه منیر عالم،خورشید خاور، آغلار ای کائناته زیور وی اهل دهره رهبر ای ماسوایه سرور آغلار غمینده حیدر ای آشنای داور وی مهربان پیمبر آچ گوزلرین اماندی گوز یاشلی حیدر، آغلار ای شاهکار خلقت وی معدن کرامت ای رهنمای اُمّت وی اُسوه عدالت ای رهبر هدایت ایله بیزه عنایت سندنصورا یقیناً محراب و منیر،آغلار سن خلقته سبب سن ای عالمین پناهی اُمّت گلوب نوایه وار گوزده اشک آهی آغلور غمونده «مهدی» چوخدی یقین گناهی محشرده اهل عصیان طاهانی سسلر، آغلار #سبک های مشابه #سبک_احوالیمیز_یاماندی #سبک_نبسته_ام_به_کس_دل #سبک_آی_قلبیمون_قراری #سبک_ای_قهرمان_وزیریم #سبک_آچ_گوزلرون_علی_جان #سبک_گل_زینبیم_یوبانما #سبک_گلدیم_هرایه_قارداش #سبک_اود_یاپوشدی_سینمه و ...