#زبانحال_امام_حسن_ع 🎼#سبک_من_عزیز_فاطمه_یم_فلک_ #منه_حرمتون_ندن_اولمادی... #با_اجرای_حبیبی_احسن 🌺 باجی یاندی سینهء مجتبی ئوزوی یتور منه زینبیم باشیم اوسته گَل گُهر وفا ئوزوی یتور منه زینبیم چوخ اولار بو دَهریده زینبیم باجیا علاقه سی قارداشین گَزر عمری باشه یِتَن زمان باجی دامنینده قویار باشین باشیم اوسته گلدی آنام منیم توکوری عُذارینه گوز یاشین آنامیلا اول باجی هَمنوا ئوزوی یتور منه زینبیم باشوون بلاسینی زینبیم بیلورم جهانیده بیش و کَم بیلورم که گولمیَه جک یوزون آچیلوب سنه بو کتاب غم آنام ئولدی گئتدی آتام علی باجی منده گئتمَلیم بو دَم باشووا سالوبدی فلک قَرا ئوزووی یتور منه زینبیم اَیاق اوسته من دورا بیلمورم باشیما بو ائو دولانور باجی ئورَگیم تَنوره مثالیدور که ایچینده اود قالانور باجی دوداقیم بویاندی قزل قانا جگریمده پارچالانور منیم باشیم اوسته یوخدی بیر آشنا ئوزوی یتور منه زینبیم دئ حسینیمه گَله زینبیم دئنَن عون و اَشجع ناسیمه بو چتین زمان باجی قارداشیم خوش اولار جمع اولسالا یاسیمه بیلورم یریمده ائدر حسین آتالیق   مَحبتی  قاسیمه باشیم اوسته دئ گَله اَقربا ئوزوی یتور منه زینبیم گورورَم قونوبدی یتیم لیگین توزی قاسمون یوزونه باجی منیم حالیمه باخور آغلیور گَهی آغلیور ئوزونه باجی نِجه گور فَغانه گلوب بالام قولاق آس اونون سوزونه باجی باشووا دیور دولانیم بابا ئوزوی یتور منه زینبیم #استاد_نادر_بابای ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨