#تولد_حضرت_رقیه_سلام_الله_علیها شَعبان آیی گُوز آشدی بُو دنیایه رقیّه پیرایه وِئروب یَثرب و بَطحایه رقیّه ای شیعه! وِلادت آیی نی سَعی اِئت اوُنوتما مَنسُوبیدی چون عِترتِ طاهایه رقیّه چوخلار بونُون آدین یازابیلمور حَسدیندَن یازمُور نِئجه دلبندیدی مُولایه رقیّه بِیلمُور کی یازوب حائری عَلاّمه بو آدی زِینت گَر اوُلوب دَفتر و طُغرایه رقیّه مَعناسینَه باخ آدینون اِی عاشقِ شِیدا مَحبُوبَه دی هر عاشقِ شِیدایَه رقیّه یَعنی او کسی کی اِئلییر رُشد و تَرقّی باخ شأنه چاتوب رُتبهء والایَه رقیّه بیر غُنچه دی جَنّتدَه کی طوبی آغاجیندان گُور نه یاراشیر شاخهء طوبایَه رقیّه ایران هارا یَثرب هارا اَمّا گلور عَطری چون غُنچه دی گُلزارِ تَولاّیَه رقیّه بیر بِیلَه وجاهتلَه گُوزلّیکلَه سزادی گر طَعنه ورا هر گُلِ زیبایه رقیّه چون گُورملی بیر قارداشیدی قارداشی اَکبر عاشق دوغُولوب گَلدی تَماشایه رقیّه هر کیمسَه باخوب گُوزلرینَه سُویله دی بَه بَه گُوزدَن نِئجه گُور اوُخشوری زَهرایه رقیّه عِیب اِئتمه دِئسم خادمَه سی هاجر و حَوّا چون عَدنیدَه مَخدومَه دی حُورایَه رقیّه گُور هانسی قیزین بیر بِئله وار شأن و جَلالی قارداش قیزیدی زِینبِ کُبرایه رقیّه گاهی گِئدوری اَکبرین آغُوشینَه، گاهی زینت اوُلوری سینهء سقّایَه رقیّه قَلبیندَه حُسینُون بُو گِئجه آیری صَفا وار چون بَنزیُوری اُمّ اَبَیهایَه رقیّه القصّه تَرقّی اِئلیُوب روحیلَه جسمی عشقین باشینا سالدی بُویُوک سایه رقیّه اوُچ دوت یاشا چاتدی اِئلَه دی عشقی سَرافراز تُوش اوُلدی دِریغا غَمِ عُظمایه رقیّه وِیرانه نی آباد اِئلَه دی بیر نِئچَه گُوندَه گِئت گُور نه اِئدوب شامِ غَم اَفزایه رقیّه چوخ گُورمُوشَم اوُل قَبری وَلی دویمامیشام من از بَسکه وِئروب زینت او مأوایَه رقیّه شیریندی #بشیرین سوُزی #یوسف اوُخو شیرین بایراملوق عَطا اِئتسین اَحبایَه رقیّه #سید_بشیر_میانجی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨