🌹#فراق_مادر🌹 #در_سبک_ای_شمع_حرمخانه ✍#شاعر_علی_عبدی #اجرا_حبیبی_احسن ای مِهر درخشانیم [ لایلای آناجان لایلای ] آرام دل و جانیم [ لایلای آناجان لایلای ] 🔹🔹🔹🔹🔹 ای شمع بو کاشانه دوندی اورگیم قانه یاننام غم هجرانه [ لایلای آناجان لایلای ] 🔹🔹🔹🔹🔹 گوزدن منی سن آتدون قبرینده نه تز یاتدون هجوانیوه آغلاتدون [ لایلای آناجان لایلای ] 🔹🔹🔹🔹🔹 چوخ زحمتیمی چکدین عشقین اورگه اَکدین عیبی مه قلم چکدین [ لایلای آناجان لایلای ] 🔹🔹🔹🔹🔹 من دویمادیم هئچ سندن سن آیری دوشوب مندن سخت اولدی بو دل کندن [ لایلای آناجان لایلای ] 🔹🔹🔹🔹🔹 سن یول منه گورستدین گهواره می ترپتدین درس ادب اورگتدین [ لایلای آناجان لایلای ] 🔹🔹🔹🔹🔹 یاددان آنا چیخمان سن قلبیم داریخاندا من گوزیاشیم آخار گوزدن [ لایلای آناجان لایلای ] 🔹🔹🔹🔹🔹 غمده چوخیدی صبرین من بیلمه میشم قدرین گللم ئوپرم قبرین [ لایلای آناجان لایلای ] 🔹🔹🔹🔹🔹 قوی بوینوما سن منت اِیله یوخوما رجعت یوزون منه بیر گورست [ لایلای آناجان لایلای لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#فراق_پدر_چهلم🏴 ✍#شاعر_علی_عبدی🏴 #اجر_حبیبی_احسن بو گون قرخ گوندی قاره گیمیشم من گوزل بابامی اَلدن ویرمیشم من بو گون قرخ گوندی درد شمعه یاننام اولوب پراونه قبر اوسته دولاننام بوگون قرخ گوندی سینه داغلیرام من سالیب یاده بابامی آغلیرام من ئولوب یارب منیم پشت و پناهیم قالاندا مشکله یوخ تکیه گاهیم یادیمدان چیخماز هرگز خاطراتین بو فانی دهریده یاخچی صفاتین ئووی ترک اِیلیوب گیتدین بابا جان فراقیندن اورگیم دولدی قاننان اورک گاهی دوشر تاب و تب اوسته مزارین اوسته گللم دلشکسته کنارِ قبریده دل داغلارام من چکوب آهی اورکدن آغلارام من گوزوم یاشی آخور اما سیلن یوخ جوشور دردیم داشور اما بیلن یوخ منه چوخ اِیلَمیشدین مهرابانلیق ائووم سنسیز آتا اولدی قرانلیق ائوین گیتدی صفاسی گیتمگینلن وجودین گوهریدی بیلمدیم من بیوک سرمایه میدین باشیم اوسته اَلیمدن گیتدین اولدوم ورشکسته نئجه طاقت وئریم درد فراقه اَجل بو منزلین سالدی اوزاقه همیشه باشیوی قویدون ترابه منی سالدی بابا چوخ پیچ و تابه لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨