در ضربت خوردن حضرت امیرالمومنین علیه السلام #گریز به ظهر عاشورا و #قتلگاه 🎵سبک: اوت یاپوشدی سینه‌مه... 🎵سبک: قانون ساعدی کربلاده... 📝◾️مرحوم حسینی سعدی زمان ➖➖➖➖➖➖➖➖➖➖ افلاکدن گلور سس - شاه ولایت ئولدی تنها نه شیر داور - علم و عدالت ئولدی یر گوی گلوب نوایه ، آغلالّلا مرتضایه اسلامه یتدی صدمه دین شریعت ئولدی بیر کیمسه که واریدی شخصیت جهانی هر کلمه حق سوزینده مین حکمت و معانی محرابده توکولدی دست ستمله قانی حقّ و حقیقت ئولدی روح سعادت ئولدی نهج البلاغه سیندن مفهوم اولان حقایق دنیا بویی جهاندا ناحق و حقه فارق فوق کلام مخلوق ، دون کلام خالق دین ئولدی دانش ئولدی ، نام فضیلت ئولدی گِزلَتدی ابر خونین سیمای آفتابی ظلمت جهانی دوتدی باغلاندی علم بابی چکدی تراب تیره آغوشه بو ترابی باب مجاز آچیلدی روح حقیقت ئولدی اول راد مرد تاریخ اول رهبر سعادت بسکه قضاوتینده گوستردی چوخ عدالت تا شدّت عدالت تولید ایدوب عَداوت ئولدوردولر علینی ، بِالله عدالت اولدی شخصیتین اولیدی گر خارجی وجودی شکل علیده مطلق مرئی اولوردی بودی ارض غَرّیه اولسون ربُّ السَّما درودی اوردا یاتان ئولن گون روح شهامت ئولدی خاکیله زر ، علینون یکسانیدی گوزینده خلق اولمیوب نظیر و مانندی یر یوزینده هر خیره امر ائدوبدور موجودیدی اوزینده تاپدی علی شهادت جود و سخاوت ئولدی مستجمع صفات ضدّینیدی بو مولا محرابده دوراندا مرآت زهد عیسی میدان رزمگهده شیر صفوف هیجا شیر ئولدی صولت ئولدی نام شجاعت ئولدی باشدان قلجلاناندا ، اُول رادمرد عالم اولدی بو شش جهاتین نظم و نظامی برهم باش وئردی صبح صادق کشف اولدی راز مُبهم آزاده گی ، فتوّت ، زهد و عبادت ئولدی روح الاَمین بو سرّی ایتدی جهانه اعلام ئوولدوردولر علینی سندی ستون اسلام باش سجده ده بویاندی قانه کفیل ایتام یعنی که ابن عمّ ختم رسالت ئولدی یردن اوجالدی عرشه فریاد واعلیّا بو سسلری ایشیدی زینب او ستر عُلیا قالدی نه حاله بیلمم توضیحه یوخدی یارا سسلندی اودلی دلدن مهر و عطوفت ئولدی اغلار گوزیله گلدی عرض ائتدی مجتبایه اوضاع منقلبدور ، یر گوی گلوب نوایه دور گور نه دور بو سسلر ؟ نه گلدی مرتضایه بیر سس گلور دیوللر شاه ولایت ئولدی با اینکه چوخ سُوَردی زهرا قزی آتاسین بونلان بیله الندن ویرموبدی اوز حیاسین ایتموبدی عزم مسجد گورماقلیقا باباسین اولدی حیاسی غالب مهر و محبت ئولدی #گریز به ظهر عاشورا و قتلگاه دشت بلاده امّا قارداشی شاه عطشان آتدان دوشنده یورقون آماج تیغ و پیکان اللر باشیندا قاچدی میدانه دیده گریان سسلندی دیزده طاقت قلبیمده قوّت ئولدی گلدی بلالی زینب گوردی او قوم کافر دُور امامی دوتموش اللرده تیغ و خنجر یوز دوتدی اشقیایه کای لشکر ستمگر دینوز که یوخدی نولدی سیزلرده غیرت ئولدی؟ بیر یاره سی واریدی سلطان اولیانین چوخدور اونیله فرقی سلطان کربلانین مثلین ولی حسینون گورمز گوزی جهانون جسمینده اول غریبین سان سیز جراحت اولدی یازما دایان « #حسینی» اوضاع قتلگاهی سوز درون زینب یاندیردی مهر و ماهی بو قدر وار ئولن گون مظلوملر پناهی مرجانه اوغلی اولدی رسوا سیاست ئولدی #شهادت_حیدریه لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

ضربت خوردن حضرت علی علیه السلام 🎵سبک: احوالیمز یاماندی ... 📝◾️مرحوم حاج قدرت اله نادری میانجی ➖➖➖➖➖➖➖➖➖➖ ای شیعه گل نوایه توک باشه ایندی کوللر باشدان قلیجلانیبدور محراب ایچینده حیدر گؤر ملجم اوغلی ظالم غدّار و نامروّت وردی نمازین اوسته مولایه تیغ ضربت احوالی درهم اولدی دوشدی شه ولایت باشدان قلیجلانوبدی محراب ایچینده حیدر دنیایه سس سالوبدی قتل العلی صداسی ضربتلنوبدی باشدان مؤمنلرین آقاسی مسجده قانه باتدی پیغمبرین اخاسی باشدان قلیجلانوبدی محراب ایچینده حیدر گون باتدی تار اولوبدی ماه و نجوم و کوکب یتدی خبر حسنله بیکس حسینه یا رب بیلمم نه حاله قالدی بولدی بو حالی زینب باشدان قلیجلانوبدی محراب ایچینده حیدر ناگه گؤروبدی زینب آه و فغان ایچینده گتدیله شاه دینی بیر پارچا قان ایچینده ناگه چیخوب سمایه اول دودمان ایچینده باشدان قلیجلانوبدی محراب ایچینده حیدر بسترده ناله ائیلور مولا علی یارام وای باشا وروردی قنبر مظلوم ئؤلن آقام وای زینب آچوبدوی باشین قانه باتان بابام وای باشدان قلیجلانوبدی محراب ایچینده حیدر بیر یاره دیر بو یارا عاجز قالوب طبابت شمشیر زهری ائیلور هی دمبدم رعایت گل زینبه خدایا سن صبر قیل عنایت باشدان قلیجلانوبدی محراب ایچینده حیدر بس نیله دی بو زینب کرب و بلایه گلدی بیر نامراد علینون نعشی عباده گلدی بوردا گؤروب آتاسین فریاده داده گلدی باشدان قلیجلانوبدی محراب ایچینده حیدر یاز «نادری» بو گونلر احبابه غملی گوندی دونیا باتوب قارایا دینون چراغی سؤندی آغلار قالوبدی زینب گؤز یاشی قانه دؤندی باشدان قلیجلانوبدی محراب ایچینده حیدر #شهادت_حیدریه لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

شهادت حضرت امیر المؤمنین علیه السلام 🎵سبک: یارالی جان یارالی من سنه قربان یارالی... 📝 حاج حمید زرین قلم ➖➖➖➖➖➖➖➖➖➖➖ آه و افسوس داخی صوت جلی گلمیه جاق بو گیجه بانگِ مناجات علی گلمیه جاق گون باتوب غالب اولان وقتده تاریکی شب گجه نی صبحه کیمی زار و پریشان یارب قالاجاقدی قاپودا چشم یتیمان عرب باخاجاقلار ولی غمخوارلری گلمیه جاق او پناهسیزلارون احوالی جگر داغلیه جاق هَرَه سی سیل سرشکین یوزونه باغلیه جاق قاپیه گوز تیکه جاق حسرتیله آغلیه جاق مونس و یار و پرستارلری گلمیه جاق دِیه جاقلار که گوزوندن بیزی سالمازدی بِله رهرو عشق دی بیهوده دایانمازدی بِله او محبّت لر آتاسیدی یوبانمازدی بِله یوخسا وار باشدا قضا و قَدَری گلمیه جاق نه فقط بو گجه بو محنته احباب آغلار گویون اولدوزلارینون حالینه مهتاب آغلار مسجد کوفه نین احوالینه محراب آغلار سالوب آفاقه قیامت شرری گلمیه جاق بینوالر یوزه اشکین اَلَر آغلار بو گیجه کیم آدامسیزلارا بس باش چکوب آغلار بو گیجه آهو تک خردا اوشاقلار مَه لر آغلار بو گیجه داخی اول یار وفادارلری گلمیه جاق نصف شب کوچه لرون نور و ضیاسیدی علی هامّی نون درده دوشن وقته دواسیدی علی یار یازیخلار ایوینون نور و صفاسیدی علی باغ و بستانِ مروّت ثمری گلمیه جاق چوخلاری بو گیجه غرقاب فراقه باتاجاق اشک حسرتلرینی خونِ دِلیله قاتاجاق کوفه ده چوخلی یتیم لر بو گیجه آج یاتاجاق حیف اولا یارِ وفادارلری گلمیه جاق دیمورم گوهر گنجینۀ ایمان گِتدی دیمورم پیکر تقواده اولان جان گِتدی مرتضی بو گیجه زهراسینه مهمان گِتدی ترک ایدوب کوثر خیر البشری گلمیه جاق زینب آغلار دِیر ای اسوۀ ایمان بابا وای مشعل محفل تاریک یتیمان بابا وای سنه نه گلدی بِلَه دوشدون ایاقدان بابا وای یوخسا گل جسمه طراوت اثری گلمیه جاق آنام اولسیدی بو عمده سینه داغلاردی بابا بو مصیبتده دویونجا سنه آغیاردی بابا دیندیروب مین دیلیله یاره وی باغلاردی بابا حیف اولا گنج رسالت اثری گلمیه جاق یوخ سوزوم نوح و مسیحا بو گیجه آغلیاجاق هاجر و مریم و سارا سینه سین داغلیاجاق ولی زهرا یاراسین مین دیلیله باغلیاجاق داخی اول فَرقه جراحت اثری گلمیه جاق #شهادت_حیدریه لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

زبانحال در شهادت امیرالمومنین حضرت علی (علیه السلام) ➖➖➖➖➖➖➖➖➖➖➖➖➖ ننه یا فاطمه گل یار وفادارون ئولوب غملرین چاهه دین غملی عزادارون ئولوب هارداسان ای حسنینین آناسی  ئولدی مسجدده یتیملر آتاسی علی لایلای علی لایلای علی لایلای سن گیدندن بابامین گولمدی دنیاده یوزی بیزه آندیرمادی امّا گجه آغلاردی ئوزی قانلی دیواریده یانمیش قاپودا قالدی گوزی قوللاری باغلی قالان یاور بی یارون ئولوب درد هجرون اونا شادلیق یولونی باغلاردی هر زمان نسگیلوه سینه سینی داغلاردی گجه دفن اولماقوی یاده سالوب آغلاردی قلبی غمدن یورولان محرم اسرارون ئولوب پیشواز ایله نگارون سنه مهمان گلوری یاریلوبدور باشی باشیندن آخوب قان گلوری اهلبیتین ایلیوب زار و پریشان گلوری زینت عرش خدا یاره لی دلدارون ئولوب بورویوب کوفه نی اندوه و محن آه و نوا آتاسیز قالدی آنا پادشه کرب و بلا دوت عزا عرشیده بو یاره لی مهمانه آنا قبروین اوسته گلن هرگجه زوّارون ئولوب آهیله ایله نوا سینوی داغلا آناجان او سنه آغلادی سنده اونا آغلا آناجان اینجیدوبدور یاراسی باشینی باغلا آناجان گله درمان آلا سندن ننه بیمارون ئولوب #شهادت_حیدریه لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫