موسم هجران چاتیب پایانه مولا یا علی
عزم ائدیرسن محضر جانانه مولا یا علی
طایر روحون آچیبدیر عالم لاهوته پر
گلمیسن دنیا الیندن جانه مولا یا علی
کیم آپارمیش باشه سن تک یئر یوزونده عهدینی
جانیلان ائتدین وفا پیمانه مولا یاعلی
جهلدن ال چکمدی جاهل جماعت چکدی تیغ
سن کیمی بیر ناطق قرآنه مولا یا علی
مسجد و منبر اولوب غرق نوا و شور و شین
سجده گاهون غرق اولوب القانه مولا یا علی
جانووی سن حضرت جانانه قربان ائیلدین
حق اوزی قیمت وئره ر قربانه مولا یا علی
سیندی سندن سونرا ارکان هدایت ای دریغ
اولدی اسلامین ائوی ویرانه مولا یاعلی
معنویت اهلینین قلبی اولوبدور ریش ریش
ریشه چون تزویر آتیب هر یانه مولا یاعلی
انتقامین ایستیر آلسین خیبرین قوم یهود
تیغ کین مرحب چکیب لبنانه مولا یا علی
مسلمینه عرصه نی تنگ ائیلیب اهل نفاق
قیل مدد قوی بیر قدم میدانه مولا یا علی
ایندی ایراندور اولان اسلامه حامی دنیادا
رحمتیلن قیل نظر ایرانه مولا یا علی
دوت الیمدن ساحل امنه هدایت ائت منی
کشتی جانیم دوشوب طوفانه مولا یاعلی
#علی_شهودی_بستان_آباد_تبریز
﷽🍁
﷽🍁
@Ghateelolabaraat
✨اَللّهُمَّ عَجِّل لِوَلیِّکَ الفَرَج✨
5.7هزار دنبال‌کننده
672 عکس
715 ویدیو
160 فایل
لینک کانال 👇👇👇👇
﷽🍁
@Ghateelolabaraat
✨اَللّهُمَّ عَجِّل لِوَلیِّکَ الفَرَج✨
مشاهده در ایتا