┄┅✵﷽✵┅┄ #مدح_ترکی #حضرت_معصومه_علیهاسلام #سروده_رقیه_سعیدی_کیمیا ─‌═‎‌‌‌‌‌‌༅࿇༅❖༅࿇༅═‎‌‌‌─‌ گؤیلره ماه درخشاندی رضانین باجیسی عالَمه مِهــر فروزاندی رضانین باجیسی تاج عزت یارانیب فاطمه خلقت باشینا مایهٔ فخر هر انساندی رضانین باجیسی عالمـــه ، فاضــله ، محبــوبهٔ حـیّ ازلی کوثــر دیگر قــرآندی رضانین باجیسی عِلمــی دریادی ، حیا بحرینه دور دُردانه مظهر عفت و ایماندی رضانین باجیسی آتاسی هر دم او بانویه "فِداها" بویوروب حضرت کاظمه جاناندی رضانین باجیسی ددی لبیک باجی قارداشینا دؤشدی یولا راهی کوی خراساندی رضانین باجیسی قم دیارینه قویاننان قدمین،گؤل یارادیب حرمی گلشــن ریحاندی رضانین باجیسی نه فقط سایه سالیبدور بو خانم قم باشینا عزت کشور ایراندی رضانین باجیسی میــــزبان اولدی قوناق عزتیـــلن ایرانه دئمییَک پس بیزه مهماندی رضانین باجیسی شهر قــم گر اولا تشـــبیه بیر انگشـتریه قاشینا لعل بدخشاندی رضانین باجیسی درگهینده نچه مین اهل کرامت دایانیب اؤزی خاتون کریماندی رضانین باجیسی حرمی جنـــت الاعلی ، اَلی دریای کـرم بارگاهی یَمِ احساندی رضانین باجیسی اؤلدؤروب زهر جفا ، درده سالیب خاتونی ئؤرگی زهریله دوغراندی رضانین باجیسی یول سالار درگهینه دردی اولان حاجتمند زائرین دردرینه درماندی رضانین باجیسی قارداشین غربتی اوت ووردی باجی سینه سینه قارداش عشقین اودونا یاندی رضانین باجیسی قالدی حسرتده حیف گؤرمدی قارداش یؤزونی منتظر گؤزلری باغلاندی رضانین باجیسی شکر اولا اولمادی زینب کیمی مین درده دچار گؤرمدی قارداشی عطشاندی رضانین باجیسی گؤرمدی مقتل ایچینده گؤزی باش سیز بدنی کی نئجه قانینه غلطاندی، رضانین باجیسی مردم قم هارا ، نامردم شامات هارا؟ زینب ثانی ایراندی رضانین باجیسی ─‌═‎‌‌‌‌‌‌༅࿇༅❖༅࿇༅═‎‌‌‌─‌ ✍رقیه سعیدی(کیمیا) ۱۴۰۳/۷/۶