👀ببين تفاوت ره از كجاست تا به كجا... 🎤حضرت علامه محمد تقی جعفری(ره)

🎙موضوع: یادواره شهدا 📻دکتر رفیعی 🕌 هیات رزمندگان اسلام

چهار وظیفه در مقابل پدر و مادر! #سخنرانی📺 حجت الاسلام👇 #رفیعی🎙

💠 سخنرانی هفته دفاع مقدس 🎙 حجت الاسلام والمسلمین مومنی ⏱ ۳ مهر ۱۴۰۳

#شهید #مازندرانی

(یاد و خاطره 25 شهید روستای هریکنده گرامی باد)   نماشته ، کوتر  انگار در بییمو مه سر و تن همش حاضر بییمو پسر تا کی تره شه پیش نوینم همش دوری غم و تنها بوینم ته رفق روز و شو ها برمه بیمه تک و تنها ته جا در خنه بیمه حسین وار بوردی و پرواز هکردی دتا دسته  خداسه  واز   هکردی پسر  ده ساله  مار  پیر  و  اسیره همش چش انتظار دل سیر و سیره شهید    کربلا  آخر   بیمو شهید    نینوا  آخر     بیمو ته  جسد ره  من  هستکا   بدیمه ته  بو  فقط  شهید  ریکا    بدیمه دماسیمه  ته  تابوت  یا  علی ره بوره    بالا  بوینم  شه     تنی ره تو     بموئی   سره   سلوم   هکردی کوچه پس کوچه ره شه نوم هکردی ته صورت خون هاشی ، دل پاره بوه لباس     ارتشی   ،      دل   پاره   بوه همه   جاره   سیو   پارچه   بزونه همه   شه  دلخشی  ره  جا  بزونه خله  هانه   ته  وسه  او   بهینه مثل  شمع  یواشکی  خو  بهینه تره  اینجه و اونجه  خو بدیمه تره ماه تی تی واری سو بدیمه ته تن خاکی لباس دل پاره بوه تفنگ ته دسه راس دل پاره بوه دتا چش ره دیگه هیچ او دنییهه خله  وقته  ته سه  بی خو   بهیمه ته   لباسه ،  پاره پاره   بدیمه ته  کشه ره  من  خنپاره  بدیمه کمربنده  سفر ره  ذیل  دوسی شه پر بیتنه  سه  دخیل   دوسی کبوتر  بوردی  و پرواز   هکردی چی تی شه زخمی باله واز هکردی؟ ته وسه  آرزو  داشتمه  پسر جان دوره ور  آبرو  داشتمه  پسر جان بورم شمع و گلاب ره زود بیارم دسر  شیرنی گلاب و عود  بیارم عاروس کوئی ته داماد راهی بیه مره  جشن و عروسی   حالی  بیه ناماشون که بونه ته ونگ واهه ته خنده عکسه تن چه  با صفاهه تو  اونجه  در پناهه  شه خدایی تو از زخم و جراحت هم شفاهی کجه بورم مه دردها دوا بوه مه دل صاف و فدای خدا بوه اونشو خو بدیمه من چلچلاره وارش بزو بخرده چلچلاره صاف  هوا  یه هو  کهو  بهیهه زمین و آسمون اون رو بهیهه

زمین و آسمون اون رو بهیهه خدا ،  مه چلچلاره  چی  بیه مه  سره ی   صفاره   چی بیه بورم  آسونه سر ، دخیل   دونم سبز پارچه ره اونجه ذیل دونم آخه جوون بیهه  آرزو  داشته همش شه تن پیرهنه سیو داشته محل هی ونگه وای برمه اینه کوچه دیگه صدای خنده نینه ته شاعر چند تا بنده رو هکرده شه دل ره با بنوشتن سو هکرده خدایی هر چی بوم از شهیدون کم بتمه تلاش و جنگ و میدون طاهری ته سه شعر دارنه فراوون گنه   از  رزم  و  ایثار    شهیدون #شهید

#گلی_تر_هاکنم_از_رود_کارون #شهدای_غواص_دلگویه_مازنی #شهید_شهادت_دلگویه_مازنی 🌴🥀🌴🥀🌴🥀🌴🥀 گَلی تَر هاکنم از رود کارون بخوندم از شه نازنین برارون بِرو پَر بَکشیم با بال احساس بُوریم تا مقتل یـاران غواص همون دشتی که مَشت لاله زاره از داغ مـه بـرارون داغـداره همون دشتی که غم درسینه دارنه بهارون در بهارون لاله کارنه یادش بخیرشهیدون پر احساس مدد گیتنه از حضرت عباس شهیدونی که زِنّه زِنّه در خاک نفس نفس بزونه بَینه هلاک شمه نفس نفس بزوعن دور شمه پَر از قفس بزوعن دور شمه قروون که پاک و باصفانی بمیرم که غریبی جان هدانی دشمن وقتی شِمه دسّه دوسّه چتی بال بال بزونی تنِ خسّه؟ بمیرم جان دانی اروندِ کنار نا پِر دیّه نا مار دیّه نا برار غریبی جان هدانی بین صحرا شمه سر ره شِه کَشه بَیته زهرا؟ شِمه وِر فاطمه مادری کِرده شِمه مار ولی از غصه بَمرده نماشون نماشون دل پُره نالش پسر پسر گِته هی دا نِواجش پسر تِه چَم هدا می یه بلاره تِه خنده و تِه گرمی یه بلاره تِه مره مادر شهید هاکردی پیش فاطمه رو سفید هاکردی اِسا دیگه بَعی مه سرفرازی خدا ایشاالله از ته باشه راضی تره خو بَدیمه چفیه بدوشی لباس بسیجی شه تن دپوشی تفنگ ته دوش وخوندسی زیرلب گِتی بَوّم فدای عمه زینب طلا ونگ سحر بُوردی نمویی مه قشنگ پسر بوردی نمویی دشمن ته تن ره گِلیله بَروشته تره که تیر بزو مره بکوشته پسرمه پهلوون ته دور بگردم مه نازنین جِوون ته دور بگردم ته نعش ره تا بَدیمه تب هاکنّه همونجه یادی از زینب هاکنّه مره یاد بموعه میون گودال تنِ بی سر بَدیّه بُورده از حال حسین ره بَدیه شه سر ره روشته گته کی تره اینجوری بَکوشته باور نکردمه که سر نداری تره نشناسیمه که مه براری از بسکه ته مصیبت هسّه جانکاه حسین جان ته فدا بهووه «مداح» 🌴🥀🌴🥀🌴🥀🌴🥀 #علی_اکبراسفندیار_مداح

#شهید_شهادت_شهید_شیرودی #شهید_شهادت_دلگویه_مازنی 🌴🥀🌴🥀🌴🥀🌴🥀 نِیِستُون در نِیِستُون ناله دارمه شه دل داغ هزاران لاله دارمه دواره بَیــمه دلتـنگ شهــیدون یـاد شهیدونه مـه دردِ درمـون خوامه که بَگِردم سنگر به سنگر اونجه که شهیدون بَهینه پرپر یادش بخیر کـربلای شهیدون «بازی دراز» و «جزیره ی مجنون» یادش بخیر«شلمچه»,«فاو»و اروند چه قشنگ بِیّـه شهیدون لبخند کِنِسّه بَهووم شه دلِ درده قصه ی دلتنگیِ اَتـــا مَرده همون مردی که اهل آسمونه مــدال افتخـار مــازرونـه «اکبرِشیرودی» اون مرد عاشق که در «بازی دراز» بَیّه شقایق «شیرودی» شهید راه ولایت در آغوش بَهیته وِره شهادت تـا از «بازی دراز» پرواز هاکردی مـازندرونه سرفـراز هاکـردی تِه ره آسمون بــالا بَــزونـه بمیرم ته ره بی هوا بَزونه از اون روزی که ته بعی خدایی بنـالِسّمه از درد جـدایی تِه غیرت بَمونِسّـه یـادگاری تـا قـیامت تِـه اَمـه افتخاری تِه عکسه بَزومه شِه قابِ سینه اکبرجان ته وِسّه بی تابِ سینه خدا دونّه که مه دل تِسّه تنگه شب و روز اکبر،اکبر دلِ وَنگه بهار که بی تِه بِک و بو ندارنه مه اَبر چِش که دیگه او ندارنه به حقِ زینب وحسین بی سر همنشین بَوّیی با علیِّ اکبر به حقِ فاطمه عنایت هاکن قیامت«مداح»ره شفاعت هاکن 🌴🥀🌴🥀🌴🥀🌴🥀 #علی_اکبر_اسفندیار_مداح