eitaa logo
کانال مشترک،جناتیان و خدادادی
431 دنبال‌کننده
361 عکس
240 ویدیو
205 فایل
پند/ پدر/مادر/شهید/ و دهها مورد دیگر
مشاهده در ایتا
دانلود
السلام عليك يا اباعبدالله حسین آقا جان 3 🖤🥀🖤🥀🖤 الهـی یاحسیـن مـن ته بلاره که بـونه بوینـم ته کربلا ره بیـم ته قبـرشیشگـوشهٔ کنار اونجه من بنالم ته وسّـرزارزار بنـالم ته نازنین پسر رسّـه ته  علی اکبر وتـه اصغررسّه 🥀🕊 شــه سرسر ره بزنم بکشــم آه بـرمه بکـنم کـنارقتلگاه الهی ته فدا بوّم آقاجان ته جا هـرگزجدانـوّم آقا جان تو امه پیغمبر دتـر زائی تـو علـی وفـاطمهٔ ریکائی 🥀🕊 تووصّی تموم انبیـائی تووارث علـی مـرتضائی تـو حجّت خداروی زمینی تو کشتی نجات مـؤمنینی مگـر کوفی تره نشناسی بینه که اتی ته جا هکردبینه کینه 🥀🕊 چتی بیّـه اوتسّربَیِّـه حروم تو از آب فرات بهی بی محـروم نا اشتنـه شماره او بخرین نا اشتنه وچـونسّه بـورین مگرچه گنـاه داشته علی اصغر هکردبینه اون دسّه گُلِّه پرپر 🥀🕊 ته اهـل وعیـالِ گنـاه چی بیه ته خـواخرچنّه بلابکشیـه کینه داشتنـه اگـرته پــرِجا چه وسّه بـلا بکشه ته کیجا وقتـی که ته سرره کـردنه جدا ته مارگته پسرجان من ته فـدا 🥀🕊 ته خـواخراتّاورته ماراتّـا ور خـواخـرگتـه برارمارگته پسر ته سرره بشتنـه نیـزه بالا زینبِ قـدّ وبـالابیّـه دلا تره کـه دشمن هکـردبیه شهید خیال کـرده برسّیه به امّید 🥀🕊 ندونسّه کـه زینب هم ُحسینه چـراغ دین رب العالمینه اسیر بـونه اسیـری که امیره ونه زبـون تجـه دِ دَم شمشیره اتّـا کـلام مـه گفتـاردلیله که بوته هرچی بدیمی جمیله 🥀🕊 الهـی ته فـدابوّم حسین جان همیشه ته گـدا بوّم حسین جان تـه وسّر مـن چتی آروم بهیرم چتی ته غصّـه هـایسّه نمیرم؟ ته سرجـدا وته تن چاک برچاک سرروی نیزه تن دیّه روی خاک 🥀🕊 تره بکوشتـه دشمـن با قساوت ته سر قـرآنّه کرد بیه تـلاوت ته تن رزورمون بیّه حسین جان بشکسّه استخون بیّه حسین جان تره نشناسیـه زینب,ته خواخر سکینـه وقتی که بیمو ته ور 🥀🕊 تره اشا گتـه توئی مه برار؟ تـو حسینِِِِی امـه ماریادگار؟ الهی که تسّرخـواخربمیره چی جوری ته وسّـرعـزابهیره بـوین مـه دورورنامحرمـونّه نداشت بیمه من هرگز این گمونّه 🥀🕊 که اتـی بی کس ویاوربهـووم ته قـاتلِ  جاهمـسفربهـووم دیگـروسّه محسنی ختـم کلام حسیــن بن علـی ره هـده سلام 👌 🖤🥀🖤🥀🖤 https://eitaa.com/joinchat/2711552203Cf097dc164f بانوای مداح اهل بیت ع🎧 🎤 خدادادی✍