اربعین سالار شهیدان دور قبریدن آی قارداشیم قان اولدی گینه گوز یاشیم قیرخ گونده بیلیم بوکولدی گورنه آغاروبدی باشیم قرخ گونده گورنجه قوجالدیم جای عجبدی زنده قالدیم یول بو مزاره بیرده سالدیم ایوای حسین ایوای یارالی بولمم دیوم هانسی غمدن آیریلدوق اودم کی سندن غارتده نلر گور موشم جور و ستم دشمندن بعضی قولاقدان قان آخوردی بعضی بالانهره باخوردی نارجفاقلبین یاخوردی ایوای حسین ایوای یارالی بیزکوفیه تاکی چاتدوخ گوزیاشینی قانه قاتدوخ گور نه گونه قالدوخ قارداش زنداندا گیجه نی یاتدوخ بیر بزمه گیتدی آل عصمت مجلس دیمه صحن قیامت اولدی بیزه چوخلی جسارت ایوای حسین ایوای یارالی یوللاردا اولوب هَنگامه توش اولدوخ حسین آلامه ا... بولوری نه چکدوخ یولدا یتیشینجه شامه بیر گون قیزون یوللارداقالدی زجر دنی آرامین آلدی هجری شرربو جانه سالدی ایوای حسین ایوای یارالی غم یتمیوب هیچ پایانه بیر بیله بلا بیر یانه امایارالی گلدوخ بیز شامین ستمیندن جانه بیر ظلم اولوب اوردا امامه یاده دوشوریانمیش عمامه سایماقیله یتمز تمامه ایوای حسین ایوای یارالی ویرانه ده توکدوخ قان یاش چوخ غملره دوزدوخ قارداش ال چکمدی اما بیزدن بیرعده جفاجو اوباش اولسون قسم خلاق حیّه چوخ ظلم ایدوب ال اُمیّه ویرانه ده قالدی رقیّه ایوای حسین ایوای یارالی #اربعین التماس دعای فرج الاحقر مهدی عبادی

دور قبریدن آی قارداشیم

🏴احوالات اربعين سيدالشهدا(ع) زبانحال حضرت زینب(س) ✍بقلم زنده یاد استادفرهادفكری اردبیلی دور حسين شاميدن گلدي زينب قبريوه   چاتدي  دينجلدي زينب آهيم  اوج   ايتدي   عرش  برينه ئولميوب       گلميشم      اربعينه چوللري گزميشم  مات و  حيران گلميشم   خسته  و  دل  پريشان پيشواز      ايله      بو     دلكبابي درديمه   يوخدي  دنياده   درمان آهيم  اوج   ايتدي   عرش  برينه ئولميوب       گلميشم      اربعينه عهديمي   باشه    آخر  يتيرديم نخل   امّيدي     دلده     بيتيرديم دلخوشام      ئولمديم      اربعينه قيزلاري   قبرون اوسته گتيرديم آهيم  اوج   ايتدي   عرش  برينه ئولميوب       گلميشم      اربعينه كوفه نون اولدي چوخ  ابتلاسي كوچه        بازاريده      ماجراسي چيخماز ئولسمده قارداش ياديمدان ويرديلار     زينبه    دل   ياراسي آهيم  اوج   ايتدي   عرش  برينه ئولميوب       گلميشم      اربعينه هر   بلا   وار   منِ   زاره  چاتدي گوز   ياشيمي فلك  قانه  قاتدي ياره لي    باشوه     نيزه    اوسته كوفه شهرينده مردم داش آتدي آهيم  اوج   ايتدي   عرش  برينه ئولميوب       گلميشم      اربعينه زينبون عزّ  و  جاهي  يوخ اولدي سينمه  دل  ياراسي  اوخ   اولدي شاميده      چكديگيم       ابتلالر كوفه دنده حسينجان چوخ اولدي آهيم  اوج   ايتدي   عرش  برينه ئولميوب       گلميشم      اربعينه سالدي دشمن بيزي  چوخ عذابه گه   بيزي  چكدي   بزم   شرابه باب ساعتده چوخ چوخ يوبانديم منزليم    اولدي     آخر      خرابه آهيم  اوج   ايتدي   عرش  برينه ئولميوب       گلميشم      اربعينه بير  گلون كنج   ويراندا  سولدي خيرداقيزلارساچين آچدي يولدي جان  ويرن  وقته  نازلي  رقيّون باغريقان   زينبه  محشر  اولدي آهيم  اوج   ايتدي   عرش  برينه ئولميوب       گلميشم      اربعينه غصه لي  قلبيمي   ايتدي    ياره چاتدي    آخر     وصال      نگاره ئوز   اليملن  اونا   قبري  قازديم قويدوم    آخر    او   زاري  مزاره آهيم  اوج   ايتدي   عرش  برينه ئولميوب       گلميشم      اربعينه زينبون خوشدي دلدارون اولسون وار نقدرعمري غمخوارون اولسون لطف قيل ياحسين تا بو ((فرهاد)) بير يول عالمده  زوّارون اولسون آهيم  اوج   ايتدي   عرش  برينه ئولميوب       گلميشم      اربعينه ✍بقلم زنده یاد استادفرهادفكری اردبیلی #اربعیــن_۱۴۰۳ #حضرت_زینب_سلام_الله_علیها

‍ اربعین حسینی سبک :👇 صحرا صحرا دویده ام. پای پیاده گلموشم دیلده وار شور حسین دل خسته چون مسافرم قلبیمده نور حسین قلبیم سنوب شکسته ام منی سن دیندور حسین غملر الیندن خسته ام منی سن دیندور حسین «کر» من زینبیوم یارالی من یارالی سن یارالی گل گویلومی آل یارالی من یارالی سن یارالی قارداش حسین (۴) چولری چوخ دولانمیشام دور قوجالان باجیوام مقتلینده سنون حسین باشون یولان باجیوام قانه دونوبدی گوزیاشیم زولیم داخی آقاروب کوفه و شامی گزمیشم دور زینبون قوجالوب «کر» من زینبیوم یارالی من یارالی سن یارالی گل گویلومی آل یارالی من یارالی سن یارالی قارداش حسین (۴) گیتدیم قول باغلی شامه من سالدیم تخدن یزیدی کاخینده سینه داغلادیم رسوا ایتدیم پلیدی آنام توخیان کوینگی گیتدیم من آلدیم حسین ویر. میر دیله اونی منه آغلیوب آلدیم حسین «کر» من زینبیوم یارالی من یارالی سن یارالی گل گویلومی آل یارالی من یارالی سن یارالی قارداش حسین (۴) رقیه قالدی گلمدی واردور قلبیمده سوزوم قالدی خرابده قیزون دفن ایلدیم من دوزوم حتی تاپیلمادی کفن حسیره بوکدوم اوزوم غربتده جان ویروب بالام آغلار فراقه گوزوم «کر» من زینبیوم یارالی من یارالی سن یارالی گل گویلومی آل یارالی من یارالی سن یارالی قارداش حسین (۴) بش یاشیمدان عزالیم مصیب تیلدی. باشیم بیر گونده. کربوبلاده اولوب یدی قارداشین باشین دالیجا یا اخا شامه گیدیم قیدیم دشمن لریوی. شامیده رسوا ایتدیم قیدیم «کر» من زینبیوم یارالی من یارالی سن یارالی گل گویلومی آل یارالی من یارالی سن یارالی قارداش حسین (۴) دگدی چوخ یاره یا حسین یولاردا. بو باشیما دشمنین رحمی گلمدی بو آخان گوز یاشیما عشقون. منی گنه چکوب گلدیم مزاره حسین یغدیم. باشیمه قیزلاریم گلدیم دیداره حسین «کر» من زینبیوم یارالی من یارالی سن یارالی گل گویلومی آل یارالی من یارالی سن یارالی قارداش حسین (۴)

#نوحه #اربعین 🎤کربلایی سعید سلطانی

اربعین سالار شهیدان (ای منیم همدمیم اصغر) گلدی زینب سنه مهمان پیشواز ایله حسین جان عشقیوین بیماری ام من اربعین زوّاری ام من شُکر اولا ذاتِ خدایه شامل اولموشام عَطایه گلمیشم کرب و بلایه قیزلارون گَتدیم حسین جان سنی دینجَتدیم حسین جان بوکولوب قدّیم حسین جان آپاراندا بیزی اوباش جان ویریدیم او گون ایکاش کیم قازوب قبریوی قارداش عاقله بَسدی اشاره دردیمه یوخدی شماره چوخونا اولمادی چاره دوزموشم دوزدی بلایه سنه ایتمَرم گلایه گینه سال باشیمه سایه کوفه و شامی دولاندیم خُم مُحنتده بویاندیم هر نه غم گَلدی دایاندیم خسته جان ویردی رقیّه ن گوردون اَل چَکمدی سندن او گیدندن یانیرام من (بیکَسم) گوزومده وار یاش فاش ایدور دردیمی قارداش کربلاده ئولم ایکاش #عرض_ارادت #اربعین #شوق_زیارت التماس دعای فرج الاحقر مهدی عبادی

‍ ‍ اربعین حسینی   شامیدن بیر قانلی کوینک بیر آغارمش موگتوردوم  ئولمدیم تا اربعینه قبرون اوسته سو گتوردم   من دیمم هیچ زینبم نه شان و جاه و عزتیم وار   گیتدی الدن عزتیم ایندی نه شان و شوکتیم وار   زینبیتدن نشانه بیر خمیده قامتیم وار   قبرون اوسته من دوباره یولماقا گیسو گتوردوم   قلبیمی یاندردی چونکه قوم سنگدل حسینیم  ذبح ایدنده باشوی سو ویرمدی قاتل حسینیم   من اودور گتدیم سرین سو ایلرم نسگل حسینیم   دور حسین لب تشنه یاتما میلون اولسا سو گتوردوم   چوخ بلایه حق یولندا بو بلالی باشی سالدیم  شامیده ویرانه لرده مدتی ذلتله قالدیم   عاقبت بو قانه باتمش کوینگون اللردن آلدیم   قانین ایتدیم گوزیاشملان یاخشی شستشو گتوردوم   چون یزید ایتمشدی دعوت مجلسه بیحد نفوسی   ایلدیم بیر خطبه ایفا گیتدی کلا آبروسی   ویرمدیم ایتسون کنیزلیک شامیه بو نو عروسی  تا ئوزوملن قبرون اوسته چوخ پریشان مو گتوردوم   دشمن دینون النده ساغر صبریم جالاندی   معجریم یغمایه گیتدی سربسر رختیم تالاندی   محمله گاهی ،برادر دگدی باشیم پارچالاندی   کوفه دن کرببلایه قصه دلجو گتوردوم   کربلایه بیر رقیون گلمدی اولدوم خجالت   چون خرابه گوشه سینده نازیله یاتمشدی راحت   آرزودیدیم ئولم من ئولمدیم قالدیم سلامت   قبرون اوسته یاخشی بیرعده ملر آهو گتوردوم   سعی بو سوداده ایتدیم دوشمیک بیز تازیانه   عورتی ورماخ دگلدی راه و رسم تازیانه   بیمروتلر وراردی سیلی گاهی تازیانه   شاهدیم بیر عده نیلی صورت و بازو گتوردوم   بیر سوزی واردور ربابون سینون اوسته اصغرینه سن بیور مادر دلیجه اصغر مه پیکرینه   میلون اولساسندن ئوتری ای ایچن قان سویرینه   سود گتوردوم سوگتوردوم یاتماقا پر قو گتوردوم  (منزوی) آدیم فنون شعره خیلی ماهرم من   اردبیل ایچره ولیکن بیر محقر شاعرم من   بو سوزه اما چوخ آیری شهرلرده فاخرم من   شامیدن بیر قانلی کوینک بیر آغارمیش مو گتوردوم   شاعر :مرحوم منزوی

#زبانحال_زینب_کبری #اربعین_حسینی زینبم حسین قاره پرچمین نصب ائدوب اوشاماته گلمیشم ایندی نوبه دی آسمانلارا مرکز سماواتَه گلمیشم دوشموشم حسینیم دوامیدن چوخ یورولموشام ازدحامیدن قرخ آغاج یولی گئدگل ائدمیشم اربعینوه شهر شامیدن یا حسین ملاقاتَه گلمیشم گلمیشم حسین آستانوه ناصرم ئوزوم کاروانوه پیشوازیمه گلگیلن حسین آز قالور چاتام پادگانوه دربِ انتظاماتَه گلمیشم شامیان آچوب اَل عداوته مین جفا ائدوب آل عصمته مدرکیمده واردی بو باره دن بیر بیله جفادن شکایته دفتر مقاماتَه گلمیشم گوینگیوی اللردن آلمشام قرخ گون اولمیوبدی قوجالمشام عاشقانه دوشدوم بو چوللره روز وشب بو چوللرده قالمشام گئدمیشم خر اباتَه گلمیشم استخاره ائدیم بو باره ده خوش گلیبدی بواستخاره ده بو سفرده پیروز اولار باجون بلّیدی منه هر نظاره ده خانه ی کراماتَه گلمیشم آشکاراولوب فتح ایلن ظفر اربعینوه گلدی قرخ نفر زینبون گلور اهل عیال ایلن قتلگاه ده گورمورم خطر شکر اولا مناجاته گلمیشم (✍✍#سعیدی)

زبانحال زینب کبری(س) سبک: میگذرد کاروان ای شه والا مقام عبد حق لاینام زینب خونین جگر آمده از شهر شام ای شهنشاه ملک حجاز یا حسین کن مرا پیشواز ای شاه تشنه لب یاحسین پناه زین اب یا حسین جانم حسین (۳) بعد تو گشتم وحید درد دلم شد مزید جان به لب آمد اخا از غم بزم یزید از ظلم بزم شوم یزید گیسویم یا حسین شد سفید ای شاه تشنه لب یا حسین پناه زین اب یا حسین جانم حسین (۴) ای پسر بو تراب با لب عطشان مخواب زینب بی خانمان بهر تو آورده آب ازغم به لب آمد جان من برخیز ای شاه عطشان من ای شاه تشنه لب یا حسین پناه زین اب یا حسین جانم حسین (۳) پرسی اگر از رباب گشته چو من دلکباب همره نامحرمان رفته به بزم شراب قامت رسایش گشته خم میریزد دمبدم اشک غم ای شاه تشنه لب یاحسین پناه زین اب یاحسین جانم حسین (۳) ازغم واز اضطراب میکند او پیچ وتاب خیزو به دستش ببین رنگ کبود طناب میگردد دیده های ترش دنبال مزار اصغرش ای شاه تشنه لب یا حسین پناه زین اب یاحسین جانم حسین

در اربعین حسینی زبانحال حضرت زینب سلام الله علیها   در سر مزار سیدالشهدا علیه السلام باآهنگ سریال امام علی علیه السلام قبریوین اوسته قلبی شکسته زینبیوم گلدیم یوللار ائدوبدی چوخ منی خسته زینبیوم گلدیم زینبه سس ویر تازه نفس ویر  قارداش حسین جانم حسین حسین جان حسین حسین جان حسین حسین جانم 2بار یورقون اوشاقلار سنی سوراخلار سس ویر حسین قارداش آغلارام ایندی بو غم هجره منده حسین قان یاش حالیوه آغلار ای مه تابان ایندی بوتون داغ داش            یوللار ائدوبدی چوخ منی خسته زینبیوم گلدیم زینبه سس ویر تازه نفس ویر قارداش حسین جانم حسین حسین جان حسین حسین جان حسین حسین جانم 2بار کوفه و شامی گزدی اوشاقلار ایندی حسین گلدی نازلی رقیه ن گلمدی اما شامیده دینجلدی باشیوی گوردی شامیده بیر گون وای بابا سسلندی          یوللار ائدوبدی چوخ منی خسته زینبیوم گلدیم زینبه سس ویر تازه نفس ویر قارداش حسین جانم حسین حسین جان حسین حسین جان حسین حسین جانم 2بار قرخ گون حسین جان چوللری گزدی ایندی باجون گلدی قلبیم اولوب قان ای مه تابان سینه می غم دلدی یولدا رقیه چوخ سنی قارداش دادینه سسلردی               یوللار ائدوبدی چوخ منی خسته زینبیوم گلدیم زینبه سس ویر تازه نفس ویر قارداش حسین جانم حسین حسین جان حسین حسین جان حسین حسین جانم 2بار ئولدی رقیه ن شامیده قالدی قلبیمی یاندردی تسخیر ائدوبدی او شهر شامی پرچم غم ورودی یعنی که یاتماز عدل و عدالت دشمنی آ ندردی            یوللار ائدوبدی چوخ منی خسته زینبیوم گلدیم زینبه سس ویر تازه نفس ویر قارداش حسین جانم حسین حسین جان حسین حسین جان حسین حسین جانم 2بار عرشه چکلدی قاره حسین جان دوندی اورک قانه سسلره سس ویر خرداجا قیزلار گلدیله افغانه جان سنه قربان جانیوی ویردون مکتب قرانه         یوللار ائدوبدی چوخ منی خسته زینبیوم گلدیم زینبه سس ویر تازه نفس ویر قارداش حسین جانم حسین حسین جان حسین حسین جان حسین حسین جانم 2بار یوللار ائدوبدی قیزلاری خسته درک ائله قیزلاری قمچی وروبلار بوللارا یولدا خسته دی قوللاری سن دور حسین جان ائندی  ئوزون اول قیزلار هواداری         یوللار ائدوبدی چوخ منی خسته زینبیوم گلدیم زینبه سس ویر تازه نفس ویر قارداش حسین جانم حسین حسین جان حسین حسین جان حسین حسین جانم 2بار محرم رازیم رازو نیازیم دور سنه جان قربان شامیدن الان گلدیم حسین جان ائندی سنه مهمان زینبی هجرون چوللره سالدی قلبیم اولوبدی قان           یوللار ائدوبدی چوخ منی خسته زینبیوم گلدیم زینبه سس ویر تازه نفس ویر قارداش حسین جانم حسین حسین جان حسین حسین جان حسین حسین جانم 2بار وصله یتشدیم یعنی که چاتدیم کرب و بلایه من عطریوی آلدیم گلدیم حسین جان خاک شفایه من قلبیم اولوب قان باخدیم اووقت که قانلی منایه من           یوللار ائدوبدی چوخ منی خسته زینبیوم گلدیم زینبه سس ویر تازه نفس ویر قارداش حسین جانم حسین حسین جان حسین حسین جان حسین حسین جانم 2بار لرزه سالوبدی کاخ یزیده لشگر یم ای قارداش هندنین اوغلون خوار ایلدیم من سنده اولیدون کاش اولمادی قسمت ئولدی رقیه آغلادی اول داغ داش            یوللار ائدوبدی چوخ منی خسته زینبیوم گلدیم زینبه سس ویر تازه نفس ویر قارداش حسین جانم حسین حسین جان حسین حسین جان حسین حسین جانم 2بار مهدی یازاندا آرزو ایلر شعری قبول اولسون قویما حسین جان سایل درگهه زارو ملول اولسون بیرده واریمدی آرزو قسمت قبر بتول اولسون            یوللار ائدوبدی چوخ منی خسته زینبیوم گلدیم زینبه سس ویر تازه نفس ویر قارداش حسین جانم حسین حسین جان حسین حسین جان حسین حسین جانم 2بار ملتمس دعا مهدی ملکی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

زبانحال زینب کبری برسر قبر علمدار اربعین (کربلا ای کوی جانان) قبریدن دور بیر ابوالفضل اولموشوخ دلگیر ابوالفضل قلبیمیز سنسیز داریخدی زینبی دیندیر ابوالفضل قانلی علمون آل الیوه یاتما یارالی زینب سنه زوّاریدی آغلاتما یارالی اویان قارداش ابوالفضل دور ابوالفضلیم ایاقه پیشواز ایله قوناقه خسته زوّارون گلوبدی یانمیشوخ قرخ گون فراقه غملر باجیوین جسمینی قارداش اَریدیبدی بو اوخلی سو مشکین سنه تحفه گتیریبدی سنسیز ای شیر شَجاعت اهل کوفه تاپدی جرأت اینجیدوبلر یولدا قارداش قیزلاری اهل شقاوت یوللاردا دووینده بیزی بو لشگر اعدا سویلردی رقیّه بی بی جان بس عَموم هاردا ای آتام حیدر مثالی زینبین چوخدور ملالی بس نیه قبرون کیچیکدی من سنه قربان یارالی سَرو قدیله خیرداجا قبر ایچره یاتوبسان ای زینبین امّیدی بیزی گوزدن آتوبسان (بیکَسم) ای یار زینب سَس ویر ای دلدار زینب یدّی قارداشدان قالان یوخ بیرنفر غمخوار زینب قارداش یری وار باشیمه توپراق اَلییم من گیتسم وطنه ام بنینه نه دیوم من #اربعین #اربعین_ابولفضل_علیه_السلام التماس دعای فرج الاحقر مهدی عبادی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

قبریدن دور بیر ابوالفضل