✍🏼بسم الله الرحمن الرحیم💎 📕موضوع:حضرت فاطمه زهرا سلام الله علیها ای شرف کون ومکان فاطمه ای هدف خلق جهان فاطمه ورد ملائکدی او ذکر لبون عرشی چکیر فرشه نماز شبون دیلده کی تکبیر دیرسن خانم یکسره معراجه گدیرسن خانم مهبط وحی و شرف عالمین ام حسین و حسن و زینبین مهر نمازین بیزه مه پاره لر تسبیحین دانه سی سیاره لر چارقدین دوت طرف آسمان گللری هر گوشه ده بیر کهکشان صفحه سجادن اولوبدور براق همسفرین اولدی شهید عراق عرش الهی ده کی کروبیان هامی سی سنلن بابایان مدح خوان الله اوزی سسلدی کوثر سنی وردی رسول اللها مادر سنی ام ابیها سنی سسلور آتان ای آتایا هر آنادان مهربان همسرین شانینه وار لافتی نازل اولوب منزلین هل اتی کیم تانیا فاطمه نین قدرینی درک الیر قدر شب قدرینی یاخجی بویورموشدی خمینی امام اولدی محمده نبوت تمام یوخسا دیم مطلبی بی واهمه عالمه پیغمبریدی فاطمه کیمدی اونون قدی چاتا قدینه حدی چاتا فاطمه نین حدینه کعبه دن الله طرفی پای گلیب تا کی علی فاطمیه تای گلیب توی گونی باخ سن عمل کوثره باخمادی بیر ذره زر و زیوره دنیادا یوخدی بو عروسه نظیر توی لباسین هدیه آپاردی فقیر یار نه محبتلی یارادمیش سنی یاد الیسن بیر بیله همسایه نی یوز کی دوتور بیر قوجا نابینایا معنی وریر فاطمه کل حیا هر قاپی آشدیخجا کی وردی سلام حیدر کرار تاپیر التیام تا اوز اوینده سنی سسلیر علی حقیده وار جنتی نیلیر علی من دمیرم قالدی نه حالدان حالا فاطمه جان وردی ولایت قالا فاطمه قدرت کی وریر حیدره حیدر کرار ال آتیر خیبره عمریم اولا کاش بو سوزه خاتمه فاطمه یا فاطمه یا فاطمه ✍اثر جناب آقای علی حبیبی، شاعر عاشورایی و آئینی #حضرت_فاطمه @heyat_news