شعر با نوای حاج آقا اشرفی در سه سبک

نینواز حاج مهدی عظیمی مداح محسن رضائی دردهه دوم محرم۱۴۰۲،۵،۱۵ درهیئت سیدالشهدای نسیم شهر شاعر محمدهوشمند ورود به شام یک کار هنری و ترکیبی حتما گوش کنید

بعرش می رود از دل فغان و ناله و اه بگوش می رسد از نی ندای ثارالله به اربعین حسینی چو کربلا خواهی علم بگیر و بیا پا پیاده بسم الله التماس دعا #مدهوش

یک اربعین هوای تو دارم حسین من در نای دل نوای تو دارم حسین من با عشق همسفر شده ام در هوای تو تشریح ماجرای تو دارم حسین من این درد دل حکایت عشق است و شکوه نیست هم درد و هم دوای تو دارم حسین من شکر خدا که زایر کوی محبتم در کربلا عزای تو دارم حسین من از طعنه ی عدو و جفا خسته ام هنوز امید بر شفای تو دارم حسین من این قبر جلوگاه خدائیست زین سبب رو سوی نینوای تو دارم حسین من لب تشنه ای جام پر از اشک دیده را امشب فقط برا ی تو دارم حسین من دلخسته ام برا ی تسلی جواب ده عمریست من هوا ی تو دارم حسین من مدهوش و بیقرام و سرمست جام تو این دولت از عطای تو دارم حسین من #محمد_هوشمند #مدهوش @hushmand

حسینین گل یوزی جنت دی والله وجودی خلقته زینت دی والله حسین عالملره روح و رواندی صفای گلشن خلقت دی والله حسین قانیله تفسیر ائتدی عشقی که بیعت ظلمیله ذلت دی والله قیام ائتدی کی قران زنده قالسین بیزه آزاده لیق اورگتدی والله بو مکتبده اولان ظلمه باش ایمز سراپا مکتبی غیرت دی والله حسینین نوحه سی ذکر و دعادور عزاسی درس حیثییّت دی والله بو بزم عشقه هر کس یول تاپانماز گلر بیر کیمسه کی دعوت دی والله قرا پرچم بیزه نام و نشاندی قرا کوینک بیزه عزت دی والله بو درگهده بیری شرمنده اولماز نه احسان اولسا بی منت دی والله اولور تکرار اگر هر ایل عزاسی بیزه برنامه وحدت دی والله مریض عشقه وار دارالشفاسی دواسی قان اولان تربت دی والله گوزلدی هر مکاندان کربلاسی مزاری قبله حاجت دی والله هاچان دعوت ائدر "#مدهوشی" بیرده بیلیر قلبیم دولی حسرت دی والله منه لطف ائیله سه آخر نفسده نه غم، جان وئرماقیم راحت دی والله #مدهوش #هوشمند #مدهوش کانال اشعار @hushmand

سلام بر اراباب سنه ای سرور آزادگان ، آقا، سلامیم وار سنه تا وار نفس ای زاده ی زهرا سلامیم وار سینیق بیر قلب دن درگاهیوه مولا سلامیم وار گوزومده اشک حسرت دیل دولی غوغا سلامیم وار الیم چاتمیر اوزاقدان ای شه والا سلامیم وار #هوشمند

من زینبم خدا یارادیب قهرمان منی عاشق تانیر حسینمه اهل جهان منی دونیایه آچمیشام گوزومی من مدینه ده هر بیر یانا چکیب ولی چرخ زمان منی گه کوفه گاه کرب و بلا دشتي گاهي شام عشقی بهانه ائتدی چکیب ساربان منی عومروم بویی فلک منیله قویدی باش باشا هر بیر زمان زمانه ائدیب امتحان مني تا مسکن اولدی قارداشیما کربلا چولی بار مصیبت ائیله دی قدی کمان منی باد مخالف اسدي بيزيم باغ و گلشنه وئردی فلک سولان چمنه باغبان منی کیم آختارور منی تانییا عشقیمی بیله کوی حسینه گلسه وئرلر نشان منی قارداشیمون قیامینی من زنده ساخلادیم امداد ائدیب همیشه حق لامکان منی من گر چی ظاهرا غم و محنت اسیریم عالم بیلیر قیام حسینون سفیریم تا سویلدیم بلی یئتیشیب کربلا منه روز ازلدن اولدی بلا آشنا منه روز الست منه قوشولدوم حسینیمه گلدی یئتیشدی باده قالو بلی منه الله اوزی بیندی اولا زین اب آدیم زهرا کیمی حبیبه سی اولموش آنا منه حق جلوه سیله هر نه بلا گلدی خوشلادیم حقدن همیشه اولدی لیاقت عطا منه چکدی عیاره عشقمی گودال قتلگاه تا ائیلسونله اهل وفا اقتدا منه هر کس کی آغلیور منه آغلور اوز حالینه قدریمجه اولمیوبدی وئرن بیر بها منه هر حالدا من نماز قیلیب ائتمیشم دعا خلّاق ق وئردی باده لطف و صفا منه حفظ ائتمیشم حجابی چتین لحظه لرده من تا بی حجاب دوتمیا بیر کس عزا منه کیم ائیستیر بو نهضته بیر خدمت ائلیه سین اول گرک شریعته چوخ دقت ائیله سین ادامه دارد.... #هوشمند @hushmand

زبانحال رباب ای قلبیمن قراری منیم صودامر بالام هجران اوخی اورک باشین هر گون دلر بالام نه تیز ستاره مثلی آخیب باتمیسان بالا گوزدن ندن غریب آناوی اتمیسان بالا یانام شرار محنت و نار فراقیوه بیلسم یرینی شوقیله گلم سراقیوه بیر لحظه ده خیالیوی من باشدان آتمارام گلیم نوایه نالمی اما اوجاتمارام گورسم هایاندا طفل صغیر آغلییر آغلارام یا بیر آنا بالا یاراسین باغلییر آغلارام یانام اوغول که یاره وی من باغلیلنمادیم هیچ بیر دویونجا ضجه چکیب آغلیانمادیم سالدیم سنی سوسوز یولا شرمندیم بالا اندوه و درد و غصه دن اکندیم بالا نیسگل واریم دی اوخ یاراسین گورمه دیم اوغول اوخ بیچدی حلقیوین هاراسین گورمه دیم اوغول گورسم هایاندا طفل زبان بسته آغلارام یا بیر قوشی گورم یارالی خسته آغلارام گورسم قماطیده بیرین باغلیدیر الی ساللام سنی خیالیمه قان اغلارام علی گورسم آنا بالاسینی آلمیش قوجاقینه قان آغلارام یارالی بالامین فراقینه گورسم یارالییب گولی گلشنده نیش خار غنچه دوشر خیالیمه بو قلبیم اودلانار گورسم سوسوزلارا بیری جام الده وئردی سو یانام منیم گوزل بالاما ووردی اوخ عدو گورسم قفس ده قمری ائدر ناله آغلارام گورسم دوشوب دی آی یوزونه هاله اغلارام گورسم قاناد چالیر یارالی بیر کبوتری سالام خیاله تیره نشان اولدی حنجری گورسم کمان الینده بیر اوچی شکار ائده ر بیراوخ دگر ، یانان دلیمی زخمدار ائده ر سو حاضر ائیلیینده هاچان دستماز آلام جان ویرماقین دوشر یادیما تشنه لب بالام کورسه م هایاندا مشک ده سو ، سینه داغلارام ساللام خیاله حضرت عباسی آغلارام عباسی یاد ائدیب توکرم قانلی گوزیاشی دوشدی قولی سو اوسته ستمله سینیب باشی حسرت گوزوم هاچان دوشه دریایه آغلارام تا وار نفس شقاوت اعدایه آغلارام نشتر هاچان چمنده که گلبرگی یاره لر بو دردلی سینه ده دئیش لر کهنه یاره لر یانام گورنده کولگه دوشوب باصفا یئره دوشدی او چولده چون شه قل انما یئره گورسم طبیب باغلیری بیر کس جراحتین سالام خیاله کرب بلانین مصیبتین اهل جفا او چولده غم ودردی چوخلادی عطشان بالامی حرمله سو اوسته اوخلادی یاتدان ئولونجه چیخمیاجاق کربلا غمی حاشا چیخا انا اورگیندن بالا غمی #حضرت_رباب #هوشمند #مدهوش @hushmand

دور ای حق اوسته عطشان قانینه غلطان اولان قارداش گلوب دیر اربعینه اهلبیتین باغریقان قارداش خبر وئر اکبر و عباسه تا پیشوازه گلسین لر اوزاق یولدان گلیر احرام عشقه کاروان قارداش نقدری چکمیشم بو عرشه بنذر قبریوه حسرت نقدری ائتمیشم هجرونده نی مثلی فغان قارداش بو مدتده اورک تیر غمه هر گون نشان اولدی خوشام الان نصیبیم اولدی بو دارالامان قارداش باجون قربان اولا ششگوشه قبره دور منی دیندیر نه لر باشیم چکیب تا ائیلییم بیر بیر بیان قارداش شهید اولدون سوسوز چیخماز یادیمدان روزعاشورا گرک ایندی سپم قبر اوستونه اشک روان قارداش منیم هر سمته باخدوقجا یانیر قلبیم آخیر اشکیم وئرور ذهنمیده کئچمیش خاطراتیم ایمدی سان قارداش مگر یاتدان چیخار بیر آن منیم طوفان عاشورا مگر تکرار اولار بیرده ائله بیر داستان قارداش قفادن باشیوی شمر ستمگر کسدی مقتلده باخیب یاندیم منه چاره یوخیدی مهربان قارداش شهید ائتدی سنی بو چولده بی ایمان مسلمانلار بودرده آغلارام یاننام نقدری وار دی جان قارداش منه سندن صورا هر سمتیدن غملر هجوم ائتدی نظاره ائله گور اولموش نئجه قدیم کمان قارداش گئدنده شامه گوردوم پیکرین توپراق لار اوستونده نه بیر اوروتوک واریدی جسمیوه نه سایبان قارداش قانادسیز قوشلارین شاماتیدن آزاد اولوب گلدی اولوبلار قبرین اوسته دیده گریان ، نغمه خوان قارداش گوز آچ ای یاره لی بو دلشکسته قیزلاری دیندیر یاخین دیر قبرین اوستونده اولا محشر عیان قارداش گتیردیم اهلبیتین کوفه و شاماتیدن یکسر اگر چه قدیم اولدی بار محنت دن کمان قارداش قیتدیم شامیدن عزّتله اما ، داغلی دی قلبیم رقیم ائیله دی شام خراب ایچره مکان قارداش نقدری سسلدیم سس وئرمدی بیر دفعه لیک یاتدی دوشوب جاندان بو بیکسدن آلیب تاب و توان قارداش رقیه م گلمه دی ویرانسراده خسته جان ویردی سفیر دولتین اولدی او دخت خوش بیان قارداش دیار شامه گتدیم حقی احیا ائیله دیم گلدیم قوجالدیم غصه و غمدن دگیل زینب همان قارداش اثاث غارتی آلدیم برادر قان توکن لردن سنون ده کوینگین آلدیم گتوردوم ارمغان قارداش چالیشدیم نهضتین ترویج وئردیم اهل دنیایه قالار تا روز محشر بو قیامین جاودان قارداش بیزی یاندیردی شام و کوفه اهلی دیل یاراسیندان امان قارداش شماتت دن ، شماتت دن امان قارداش خیال ائیلیوردی دشمن لر حسین ئولدی تمام اولدی بونی بیلموردی سونمز نور حق تا وار جهان قارداش ندور علت دوشوب سندن اوزاق عباسیمین قبری سو قولیندن خجل دور اولمیا اول قهرمان قارداش علمدارین ندن قبری بو اندازه کچیک اولدی نه نوعی خردا قبر ایچره یاتار بیر پهلوان قارداش علی اصغری وئر بیر آناسی آلسین آغوشه ربابین آز قالیر اولسون گل عمری تالان قارداش خبر وئر بیر منه سینونده کی پیکان یاراسیندان کسیلدی قانی یا اینکه وئریر الان دا قان قارداش نظیری یوخ بو گوللر کی سنین اطرافیوب آلمیش جهان تا واردی اولماز بیرده بیله گُلسِتان قارداش قلم یازدوقجا محنتدن توکر گوزیاشینی #مدهوش اوزون لطف ائیله دفترده آدین یاز نوحه خوان قارداش #هوشمند #مدهوش @hushmand