ایخدا گوندر بو عصرين صاحبين
حجت حق ليل قدرين صاحبين
ایخدا آرام جانیم هاردادی
مونسیم روح و روانیم هاردادی
دوندی گونلر هفته لر آیلار ایله
قالدی گوزلر یولدا یارب رحم ایله
غصه دن خسته اورك دينجلمدي
یوسف زهرای اطهر گلمدي
جمعه جمعه عومروموز چاتدی باشا
جام صبریم آز قالیر دگسین داشا
هاردادیر اهل ولانین دلبری
دین و قرآنین حقیقی رهبری
بس هاچان باشه چاتار بو اینتظار
قالمادی یارب اورکلرده قرار
روز و شب ذکریم اولوبدور الامان
هارداسان گل داده یا صاحب زمان
آز قالیر اولسون گلستانلار خزان
هارداسان اي باغ دينه باغبان
هارداسان اي درده درمان هارداسان
سن گلن يوللاره قربان هارداسان
هارداسان هجرینده دیل لر قان اولوب
بو جهان عاشقلره زندان اولوب
قالمیب رحم و مروّتدن اثر
یوخ داخی عشق و صداقتدن خبر
یئر اوزی مکر و خیانتلن دولوب
هاردا حق وار ظلمیله پامال اولوب
دولدوروب ريب و ريا محفل لري
حب دنیا مست ائدیب غافل لری
دسترس ده اولدي اسباب گناه
عمروموز اولدی گناهیله تباه
آز قالیر تعطیل اولا احکام دین
شیعه نی درک ائله ای حبل المتين
پس هاچان باشه يئته ر غیبت آقا
گل گتیر انسانلارا عزت آقا
ابر غیبتده داخی اولما نهان
گل صفا تاپسین جمالیندن جهان
ای صراط حقه میزان هارداسان
محيي احكام قران هارداسان
هارداسان اي درده درمان هارداسان
سن گلن يوللاره قربان هارداسان
گل دولوب ظولميله دنياي دني
سسلییور امداده مظلوم لار سني
هارداسان ای داغلی دیللر مرهمی
گل اوزون قورتار بلادن عالمی
مدعی چوخدور ولی یوخدی محک
حقیدن چوخ باطله واردیر کمک
ظلمده طغیان ائدیر اهل جفا
هر گون عاشورادی هر یئر کربلا
اذن آل ای منتقم داداريدن
آل حسينین قانيني اشراريدن
وارث آل پیمبر هارداسان
ای جمالی حقه مظهر هارداسان
هارداسان اي درده درمان هارداسان
سن گلن يوللاره قوربان هارداسان
هارداسان ای اولیانین عزتی
اهل ایمانین وقار و شوکتی
تا جهان وار دولتین پاینده دی
عالمین چشم امیدی سنده دی
جان فدا اوچ یوز اون اوچ یولداشیوه
گل بیزی ائیله تصدق باشیوه
تشنه جام صداقت دیر جهان
یول گوزتلیر منتظر لر ناگران
عومروموز قورتاردی حسرتده آقا
قالمیشوق صحرای غربتده اقا
غرق اولوبدی شبهه ده اهل جهان
گل اوزون وئر حق یولون خلقه نشان
بحر غمده قالميشوخ آواره گل
درد الیندن اولموشوخ بیچاره گل
عالمین شور و صفاسی سنده دی
هر چتین دردین دواسی سنده دی
قالدي غربتده ولا اهلي آقا
سن اوزون تعجیلیوه ائیله دعا
اي ايشقلي ماه تابان هارداسان
کشور عشقه سلیمان هارداسان
هارداسان اي درده درمان هارداسان
گل گلن يوللاره قوربان هارداسان
#مدهوش
#محمد_هوشمند
#ترکی
کانال اشعار
@hushmand
#غزل #ترکی
بختیم کیمی آی نازیله آسوده یاتان گوز
حسرت گوزومه عشوه لی پیکانین آتان گوز
عالم گوزی گورموب سنه تای پرده دالیندا
گون تک اوجالیب نورینی دونیاییه ساتان گوز
گوزلر سورونوب گلدی سنین دیدووه افسوس
گئتدین هارا بس آی کیمی خلوتده باتان گوز
یخدین ائویمی بحرکیمی موجه گلنده
یوخدور سنه بو جاه و جلالتده چاتان گوز
چیخ پرده دالیندان ائله بو عالمی روشن
ای شام و سحر نورییله ظلماتی قاتان گوز
چوخلار سنه خاطیر گوزونی یومادی ما
سن ناز ائدیسن ای آدی دنیانی دوتان گوز
هر کیمسه سنه محرم اسراراولا بیلمز
نامحرمه آچما گوزون مندن اوتان گوز
#محمد_هوشمند
#غزل
#ترکی
عید سعیدقربان بر همه مسلمانان و دوستان ولایی عزیزم مبارکباد
هارداسان ای عالمین جانانی قربان بایرامی
گل ائدیم قربان سنه بو جانی قربان بایرامی
ایل دولاندی گچدی گونلر گلدی بایرام گلمدین
یولدا قویدون دیده گریانی قربان بایرامی
بیر عیان ایله جمالین قوی اولوم قربان سنه
روشن ائیله چهره دنیانی قربان بایرامی
گل منی آز دانلاسین لار مدعی لر روز و شب
قوی بیلینسین عشقیمی عنوانی قربان بایرامی
دولت صبح امید و مهر بانلیق سنده دی
سنده دور عالملرین فرمانی قربان بایرامی
من نئجه آرام ائدیم قلبیمده کی طوفانلاری
گل اوزون وئر روحیمه سامانی قربان بایرامی
ائتیمسین مجنون فراقینده هامی لیلالری
گل بو ایل قورتار داخی هجرانی قربان بایرامی
ویر اجازه تا آدین سینمیش اورکدن سسلنیم
هارداسان ای روحیمین ریحانی قربان بایرامی
سن گلنینجک اولمیم ایکاش ای شمس هدی
تا اولام من حسنوون قربانی قربان بایرامی
باده وصلین کیمه قسمت اولوب مدهوش دیر
تاپمادیم من گزمیشم هر یانی قربان بایرامی
#مدهوش
#محمد هوشمند
@hushmand